logo

Issue No : 1519 Issue Date: August 12, 2018

NEW ISSUE







Daily News

Reports

EDITORIAL

ആലാപന മാധുര്യത്താല്‍ മലയാളികളെ ഗസലിന്റെ മാസ്മരികതയില്‍ ആറാടിച്ച മാന്ത്രികനായിരുന്നു ഉമ്പായിയെന്ന ഇബ്രാഹിം. ആ സംഗീത പൂമരത്തെ അര്‍ബുദം ദയയില്ലാതെ കാര്‍ന്നു തിന്നുവെങ്കിലും ഹര്‍ഷവും വിഷാദവും ഗൃഹാതുരത്വവും അമൃതവര്‍ഷമായി അനുഭവിപ്പിച്ച ആ ഗാനങ്ങള്‍ എന്നെന്നും പച്ചയായി തന്നെ നില്‍ക്കും. വിശപ്പും ദാരിദ്ര്യവും എല്ലാം അറിഞ്ഞ ബാല്യമായിരുന്നു ഉമ്പായിയുടേത്. വീടിനടുത്തുള്ള ചായക്കടയിലും ബാര്‍ബര്‍ ഷോപ്പിലുമൊക്കെ പോയിരുന്ന് റേഡിയോ കേട്ട് പഠിച്ചതായിരുന്നു ഉമ്പായിയുടെ സംഗീതം. സംഗീതം നിറഞ്ഞ് നിന്ന മട്ടാഞ്ചേരിയിലേയും ഫോര്‍ട്ടു കൊച്ചിയിലേയും സായാഹ്‌ന സദിരുകളായിരുന്നു അദ്ദേഹത്തിന്റെ കളരി. തന്റെ സ്വതസിദ്ധമായ ശബ്ദമാധുര്യം കൊണ്ട് അദ്ദേഹം ക്രമേണ കൊച്ചിയെ കീഴടക്കി. മനുഷ്യനന്മയുടെയും നാട്ടുപച്ചയുടെയും ഗൃഹാതുരത്വം നിറഞ്ഞ പഴയ മലയാള ഗാനങ്ങള്‍ ആലപിച്ച് തലമുറയുടെ വിടവിന് സംഗീത കൊണ്ട് ഉമ്പായി പാലം തീര്‍ത്തു. കൊച്ചിയിലെ ഹോട്ടലുകളിലെ സായാഹ്‌ന പരിപാടികളിലെ ഗായകനില്‍ നിന്ന് ഗസല്‍ ഗായകനായി വളര്‍ന്ന ഉമ്പായി സംഗീതത്തെ സ്‌നേഹിക്കുന്ന എല്ലാവരുടെയും മനസില്‍ ഇടം നേടി. ഒ.എന്‍.വിയുടേയും സച്ചിദാനന്ദന്റേയും ഭാവ, അര്‍ത്ഥസാന്ദ്രമായ വരികളെ ഉമ്പായി സ്വതസിദ്ധമായ ആലാപന ശൈലിയിലൂടെ അനുഭൂതിയുടെ പുതിയ തലത്തിലേക്ക് എത്തിച്ചു. സമീപകാലത്താണ് ഉമ്പായി ഏറെ ജനപ്രിയനായി തീര്‍ന്നത്. ഇതിന് ഗാനരചയിതാവും സംവിധായകനും മ്യൂസിക് കമ്പിനിയുടമയുമായ ഈസ്റ്റ കോസ്റ്റ് വിജയനോടാണ് നമ്മള്‍ കടപ്പെട്ടിരിക്കുന്നത്. ഉമ്പായിയുടെ രൂപം മാഞ്ഞുവെങ്കിലും ആ സ്വരം എന്നും കുളിര്‍ തെന്നലായി ഗസല്‍ ആസ്വാദകരുടെ മനസ്‌സില്‍ നിറയും.

VIDEO BUZZ

 
BOX OFFICE
സിനിമ ദിവസം തിയേറ്റർ ഗ്രോസ്
കൂടെ 21 പദ്മനാഭ ,കലാഭവൻ ,ഏരീസ്,എം.ഒ .ടി 50,20,500.00
ഒരു പഴയ ബോംബു കഥ 14 ദേവിപ്രിയ ,ഏരീസ്,ന്യൂ,കാർണിവൽ,എം.ഒ .ടി 44,05,200.00
എന്റെ മെഴുതിരി അത്താഴങ്ങൾ 7 കൈരളി ,എം.ഒ .ടി ,ഗ്രീൻഫീൽഡ് ,ഏരീസ് 7,56,000.00
മറഡോണ 7 ശ്രീവിശാഖ് ,കൃപ ,എസ് .എൽ ,എം .ഒ .ടി 19,28,685.00
Copyright @vellinakshatram.com. Designed & Powered by INTUISYZ All rights reserved.