logo

Issue No : 1464 Issue Date: July 23, 2017

NEW ISSUE







Daily News

Reports

EDITORIAL

വിശ്വാസം വീണ്ടെടുക്കണം കഴിഞ്ഞ ദിവസം വരെ ലക്ഷക്കണക്കിനാളുകള്‍ മനസ്‌സില്‍ വച്ച് ആരാധിച്ച ഒരു കമനീയ വിഗ്രഹം പൊടുന്നനെ വീണുടഞ്ഞു. ദിലീപ് എന്ന മഹാമേരുവിന് സംഭവിച്ച നാണംകെട്ട വീഴ്ചയുടെ ആഘാതം മലയാള സിനിമയെ മൊത്തത്തില്‍ പ്രകമ്പനം കൊള്ളിക്കുന്നു. സിനിമയെന്ന സുന്ദര ദൃശ്യാനുഭൂതിയുടെ ചന്തവും ചേലും നന്മയുമാണ്, നടിക്കു നേരെയുണ്ടായ ഹീനകൃത്യവും ആ സംഭവത്തില്‍ ദിലീപ് വഹിച്ച പങ്കും നഷ്ടമാക്കിയത്. മനുഷ്യമനസ്‌സുകളെ സങ്കുചിതത്വത്തില്‍ നിന്നും തിന്മയില്‍ നിന്നും മോചിപ്പിച്ച് വിശാലഹൃദയരാക്കുന്ന, നന്മയുള്ളവരാക്കുന്ന, മാനുഷിക മൂല്യങ്ങളും സരള വികാരങ്ങളും പ്രചോദിപ്പിക്കുന്ന, എല്‌ളാ വിധത്തിലും മനുഷ്യരെ സംസ്‌കൃത ചിത്തരാക്കുന്ന കലാരൂപങ്ങളില്‍ ഒന്നാണ് സിനിമ. ജാതിയും മതവും വര്‍ഗവും ലിംഗവും ഉള്‍പെ്പടെ മനുഷ്യമനസ്‌സുകളിലെ എല്‌ളാത്തരം മതില്‍ക്കെട്ടുകളും ഈ കലാരൂപം തച്ചുടയ്ക്കുന്നു. അത്ര വലിയ ജനപ്രീതിയാണ് സിനിമയ്ക്കുള്ളത്. അതുകൊണ്ടാണ് സിനിമയും താരങ്ങളും പ്രേക്ഷകര്‍ക്ക് ഏറ്റവും വേണ്ടപെ്പട്ടവരും ആരാധ്യരുമായി മാറിയത്. താരങ്ങളുടെ ഓരോ വാക്കും പ്രവൃത്തിയും ദൈവവചനമായിസ്വീകരിച്ച പ്രേക്ഷകര്‍ അറിഞ്ഞോ അറിയാതെയോ എല്ലാ അര്‍ത്ഥത്തിലും അവരെ അനുകരിച്ചു. അങ്ങനെ ആരാധകരുടെ സ്‌നേഹ വിശ്വാസങ്ങളില്‍ കെട്ടിപെ്പാക്കിയതാണ് ഓരോ താരസിംഹാസനവും. അതിലൊരു കനകസിംഹാസനമാണ് മലയാള സിനിമ ദിലീപിന് നല്‍കിയത്. ഭാഗ്യദേവത എപ്പോഴും ഐശ്വര്യത്തിന്റെ വെഞ്ചാമരം വീശി നില്‍ക്കുന്ന ആ സിംഹാസനത്തിലിരിക്കുന്നവര്‍ ആര്‍ജ്ജിച്ചിരിക്കേണ്ട ഒരു മന:ശുദ്ധിയുണ്ട്. എല്ലാ തിന്മകളില്‍ നിന്നും വിമലീകരിക്കപ്പെട്ട ഒരു മനസ്‌സ്; ദിലീപിന് ഇല്ലാതെ പോയത് അതാകാം. കലുഷിത ചിന്തകള്‍ക്കും കിരാത വൃത്തികള്‍ക്കും അറപ്പിക്കുന്ന ദുഷ്ടതയ്ക്കും സ്ഥാനമില്‌ളാത്ത കലാഹൃദയത്തിലേക്ക് ഈ ദുര്‍വികാരങ്ങള്‍ ആവാഹിച്ചതാണ് അദ്ദേഹത്തിന്റെ തകര്‍ച്ചയ്ക്ക് കാരണം . മലിനവാസനകള്‍ വര്‍ദ്ധിപ്പിക്കുന്ന സാഹചര്യങ്ങളും സൗഹൃദങ്ങളും അറിഞ്ഞോ അറിയാതെയോ ചുറ്റും വളരുന്നത് കാണാതെ പോയതും ഈ കലാകാരന് വിനയായി. ഒടുവില്‍ സ്വയംകൃതാനര്‍ത്ഥത്തിന്റെ ഫലമായ ദുര്‍വിധികളുടെ മലവെള്ളപ്പാച്ചിലില്‍ പെട്ട് ജനപ്രിയ നായകന്‍ അങ്ങേയറ്റം വെറുക്കപെ്പട്ടവനായി മാറുമ്പോള്‍ അത് മലയാള സിനിമയ്ക്കും കനത്ത പ്രഹരമാകുകയാണ്. സിനിമയുമായി ബന്ധപെ്പട്ട എല്‌ളാവരേയും പ്രേക്ഷകര്‍ ദുര്‍മാനസരെന്ന് ഇപ്പോള്‍ സംശയിക്കുന്നു. തങ്കവിഗ്രഹമായി കണ്ട് ആരാധിക്കുന്നവരൊക്കെ വ്യാജവിഗ്രഹങ്ങളാണെന്ന പ്രചരണം സമൂഹത്തില്‍ ശക്തമാകുന്നു. രാഷ്ട്രീയ താത്പര്യങ്ങളുടെ പേരില്‍ അമ്മ എന്ന താരസംഘടനയെ മൊത്തത്തില്‍ പ്രതിക്കൂട്ടില്‍ നിറുത്താനുള്ള മാദ്ധ്യമങ്ങളുടെ വ്യഗ്രതയാണ് ഈ പ്രചരണത്തിന്റെ മുഖ്യകാരണം. ഇതിനുവേണ്ടി അവര്‍ ദിനം തോറും പുതുതായി കൂടുതല്‍ കൂടുതല്‍ കഥകളും പുതിയ വില്ലന്‍ കഥാപാത്രങ്ങളെയും സൃഷ്ടിക്കുന്നു. ഇതിനൊപ്പം സിനിമാ ലോകത്തെ വിഴുപ്പലക്കലും പക്ഷം പിടിക്കലും കൂടിയാകുമ്പോള്‍ സാധാരണക്കാരുടെ മനസ്‌സില്‍ സംശയം പ്രബലമാകുന്നു. ചുരുക്കത്തില്‍ അധമവൃത്തികള്‍ മാത്രം കൊടികുത്തി വാഴുന്നതാണ് മലയാള സിനിമയെന്ന തോന്നല്‍ പ്രേക്ഷകരില്‍ സംജാതമായിരിക്കുന്നു. ദിലീപിന്റെ അറസ്റ്റിന് ശേഷമുള്ള ദിവസങ്ങളില്‍ തിയേറ്റര്‍ കളക്ഷനില്‍ സംഭവിച്ച ഭീമമായ ഇടിവ് കുടുംബ പ്രേക്ഷകര്‍ തിയേറ്ററുകള്‍ ഉപേക്ഷിക്കുന്നു എന്നതിന്റെ സൂചനയാണോ എന്ന് സംശയമുണ്ട്. എന്തായാലും പിന്നാമ്പുറത്തിരുന്ന് അധോലോകവും കള്ളപ്പണക്കാരും മയക്കുമരുന്ന് വ്യാപാരികളും ഭൂമാഫിയയും നിയന്ത്രിക്കുന്ന മലയാള സിനിമയെ പ്രേക്ഷകര്‍ ഒരിക്കലും അംഗീകരിക്കില്ല. എന്നാല്‍ ഒരുകൂട്ടമാളുകള്‍ പ്രചരിപ്പിക്കും പോലെ തിന്മ സമൂലം ഗ്രസിച്ച മേഖലയല്ല മലയാള സിനിമ. ഒറ്റപ്പെട്ട ഒരു സംഭവത്തെ പെരുപ്പിക്കുകയാണ് ഇപ്പോള്‍ ചെയ്യുന്നത്. എന്തായാലും ദുരാരോപണങ്ങള്‍ ശക്തമായിരിക്കുന്ന സാഹചര്യത്തിന്റെ ഗൗരവം മറ്റാരെക്കാളും ചലച്ചിത്ര പ്രവര്‍ത്തകരും സംഘടനകളും തിരിച്ചറിയണം. പക പോക്കാനുള്ള ഒരു അവസരമായി ഇതിനെ അവര്‍ ആരും തന്നെ ഉപയോഗപെ്പടുത്തരുത്. പകരം കര്‍ശനവും ശക്തവുമായ നിലപാടുകളിലൂടെ, സല്‍പ്രവൃത്തികളിലൂടെ, നല്‌ള വാക്കുകളിലൂടെ നഷ്ടപെ്പട്ട വിശ്വാസം തിരികെ പിടിക്കാന്‍ ശ്രമിക്കണം. മമ്മൂട്ടിയും മോഹന്‍ലാലും പൃഥ്വിരാജും അമ്മയുടെ അടിയന്തര എക്‌സിക്യൂട്ടീവിന് ശേഷം കടുത്ത പ്രകോപനമുണ്ടായപ്പോഴും പ്രദര്‍ശിപ്പിച്ച സമചിത്തത ഓരോ ചലച്ചിത്ര പ്രവര്‍ത്തകരും മാതൃകയാക്കണം.

VIDEO BUZZ

 
BOX OFFICE
സിനിമ ദിവസം തിയേറ്റർ ഗ്രോസ്
തൊണ്ടിമുതലും ദൃക്‌സാക്ഷിയും 14 കലാഭവൻ, കൈരളി, ഏരീസ് 58,51,115.00
Copyright @vellinakshatram.com. Designed & Powered by INTUISYZ All rights reserved.