കാർത്തിയെ നായകനാക്കി 2ഡി എൻറർടെയിൻമെൻറിൻറെ ബാനറിൽ സൂര്യയും ജ്യോതികയും നിർമ്മിക്കുന്ന ചിത്രം വിരുമൻ ആഗസ്റ്റ് 12-ന് എത്തും. ഇതിന് പിന്നാലെ ചിത്രത്തിൻറെ പുതിയ പോസ്റ്റർ അണിയറപ്രവർത്തകർ പുറത്തിറക്കി.

വിരുമൻവിരുമൻ ഗ്രാമീണ പശ്ചാത്തലത്തിലുള്ള വൈകാരികമായ ആക്ഷൻ എൻ്റർടൈനറായിരിക്കുമെന്ന് അണിയറക്കാർ നൽകുന്ന സൂചന.ത്തിലുള്ള വൈകാരികമായ ആക്ഷൻ എൻ്റർടൈനറായിരിക്കുമെന്ന് അണിയറക്കാർ നൽകുന്ന സൂചന.

ചിത്രത്തിൻറെ ഓഡിയോ - ട്രെയിലർ ലോഞ്ച് ആഗസ്റ്റ് 3-ന് മധുരയിലെ രാജ മുത്തയ്യ ഹാളിൽ വെച്ച്‌ ആരാധകരുടെ സാന്നിധ്യത്തിൽ നടക്കും. മുത്തയ്യ രചനയും സംവിധാനവും നിർവഹിക്കുന്ന വിരുമനിൽ സംവിധായകൻ ശങ്കറിൻറെ ഇളയപുത്രി, പുതുമുഖം അതിഥി ശങ്കറാണ് നായിക.

കൊമ്ബൻ എന്ന വിജയ ചിത്രത്തിന് ശേഷം കാർത്തിയും മുത്തയ്യയും ഒന്നിക്കുന്ന ചിത്രമാണ് വിരുമൻ. രണ്ടു മാസം മുമ്ബ് പുറത്തു വിട്ട ചിത്രത്തിലെ കഞ്ചാപൂ കണ്ണാലെ, ശെപ്പു ശേല ഉന്നാലെ, ഇടുപ്പ് വേട്ടി അവിരുതടി നീ സിരിച്ചാ തന്നാലെ എന്ന ഗാന രംഗത്തിൻറെ മേക്കിംഗ് വിഡിയോ യൂട്യൂബിൽ 27 മില്യനിൽ പരം കാഴ്ചക്കാരെയാണ് ഉണ്ടാക്കിയത്.

രാജ് കിരൺ, പ്രകാശ് രാജ്, കരുണാസ് ,സൂരി, ശരണ്യാ പൊൻവർണൻ എന്നിവർക്കൊപ്പം തെന്നിന്ത്യൻ സിനിമയിലെ മറ്റു പ്രമുഖരായ അഭിനേതാക്കളും പ്രധാന കഥാപാത്രങ്ങളെ ചിത്രത്തിൽ അവതരിപ്പിക്കുന്നു. എസ്. കെ. ശെൽവകുമാർ ഛായഗ്രഹണവും യുവൻ ഷങ്കർരാജ സംഗീത സംവിധാനവും നിർവഹിക്കുന്നു. അനൽ അരശാണ് ചിത്രത്തിലെ സാഹസികമായ സംഘടന രംഗങ്ങൾ ഒരുക്കിയിരിക്കുന്നത്.രാജശേഖർ കർപ്പൂര സുന്ദരപാണ്ഡ്യനാണ് സഹ നിർമ്മാതാവ്.