വി സിനിമാസ് ഇന്റർനാഷണലിന്റെ ബാനറിൽ പത്മ ഉദയ് നിർമ്മിക്കുന്ന ബിഗ്‌ ബജറ്റ് ചിത്രം നെയ്മറിന്റെ ഷൂട്ടിംഗ് പോണ്ടിച്ചേരിയില്‍ പുരോഗമിക്കുന്നു. സുധി മാഡിസൺ കഥയെഴുതി സംവിധാനം ചെയ്യുന്ന ചിത്രത്തിന്റെ തിരക്കഥയും സംഭാഷണവും ഒരുക്കുന്നത് ആദർശ് സുകുമാരനും പോൾസൺ സ്കറിയയും ചേർന്നാണ്.

മാത്യു-നസ്ലെൻ ഹിറ്റ് കൂട്ടുകെട്ടിൽ എത്തുന്ന ആദ്യ പാന്‍-ഇന്ത്യന്‍ സിനിമയ്ക്ക് വേണ്ടി പ്രേക്ഷകരും പ്രതീക്ഷയിലാണ്. മലയാളികള്‍ കണ്ട് പരിചയിച്ച മാത്യു-നസ്ലെൻ കഥാപാത്രങ്ങളില്‍ നിന്നും തീർത്തും വ്യത്യസ്തമായാണ് ഇരുവരും നെയ്മറില്‍ എത്തുന്നത് എന്നാണ് പുറത്ത് വരുന്ന റിപ്പോർട്ടുകള്‍.

ഒരു മുഴുനീള എന്റെർറ്റൈനർ ആയി എത്തുന്ന സിനിമയിൽ, മറ്റു പ്രമുഖ താരങ്ങളും അണിനിരക്കുന്നുണ്ടെങ്കിലും, സിനിമയെ കുറിച്ചുള്ള കൂടുതൽ വിവരങ്ങൾ അണിയറ പ്രവർത്തകർ പുറത്ത് വിട്ടിട്ടില്ല. മലയാള സിനിമയ്ക്ക് ഒട്ടനേകം ഹിറ്റ്‌ ഗാനങ്ങള്‍ സമ്മാനിച്ച, മലയാളികളുടെ പ്രിയങ്കരനായ ഷാൻ റഹ്മാൻ നെയ്മറിനു വേണ്ടി സംഗീതമൊരുക്കുന്നു. ആൽബി ക്യാമറ കൈകാര്യം ചെയ്യുന്ന സിനിമയിൽ, നൗഫൽ അബ്ദുള്ള എഡിറ്റിംഗ് നിർവഹിക്കുന്നു. ഫിനിക്സ് പ്രഭുവാണ് നെയ്മറിനു വേണ്ടി സംഘട്ടന രംഗങ്ങൾ ഒരുക്കുന്നത്. ഉദയ് രാമചന്ദ്രനാണ് സിനിമയുടെ എക്സിക്യൂട്ടീവ് പ്രൊഡ്യൂസർ.

സിനിമയുടെ നെയ്മർ എന്ന പേര്, സാമൂഹ്യ മാധ്യമങ്ങളിൽ പല ചർച്ചകൾക്കും അഭ്യൂഗങ്ങൾക്കും വഴിതെളിച്ചിരുന്നുവെങ്കിലും, സിനിമയുടെ അണിയറ പ്രവർത്തകർ ഇതിനോട് പ്രതികരിച്ചിട്ടില്ല. മികച്ച ശബ്ദ രൂപകൽപനയ്ക്ക് സംസ്ഥാന ചലച്ചിത്ര പുരസ്കാരം നേടിയ വിഷ്ണു ഗോവിന്ദ്‌, ശ്രീശങ്കർ (സൗണ്ട് ഫാക്ടർ), ശബ്ദ രൂപകൽപന, ശബ്ദ മിശ്രണം എന്നിവ കൈകാര്യം ചെയ്യുന്നു. നിമേഷ് എം താനൂർ കലാസംവിധാനം ഒരുക്കുന്ന ചിത്രത്തിൽ, മഞ്ജുഷ രാധാകൃഷ്ണൻ വസ്ത്രാലങ്കാരം കൈകാര്യം ചെയ്യുന്നു. മാത്യൂസ്‌ തോമസാണ് സിനിമയുടെ ചീഫ് അസോസിയേറ്റ് ഡയറക്ടർ. പി കെ ജിനുവാണ് പ്രൊഡക്ഷൻ കൺട്രോളർ. എ എസ് ദിനേശ്, ശബരി പി.ആര്‍.ഓ. ചിത്രം ക്രിസ്തുമസിന് തിയേറ്ററുകളിലെത്തും.