ധ്യാനും അജു വർഗീസും ഒന്നിക്കുന്ന പുതിയ ചിത്രമായ ഖാലി പേഴ്‌സ് ഓഫ് ദി ബില്യനേഴ്‌സിന്റെ ചിത്രീകരണം ആരംഭിച്ചു. അമ്പിളി എന്നമ ചിത്രത്തിലൂടെ ശ്രദ്ധേയയായി മാറിയ തൻവി റാമാണ് ചിത്രത്തിലെ നായിക. മാക്‌സ് വെൽ ജോസാണ് തിരക്കഥയും സംവിധാനവും നിർവഹിക്കുന്നത്. കൊച്ചി ഇടപ്പള്ളി അഞ്ചുമന ക്ഷേത്രത്തിൽ നവംബർ 25 ന് നടന്ന ലളിതമായ ചടങ്ങിൽ ചിത്രീകരണത്തിനു തുടക്കം കുറിച്ചു.
സണ്ണി വെയ്‌നും രഞ്ജിനി ഹരിദാസും അതിഥിതാരങ്ങളായി എത്തുന്ന ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. 

ധർമ്മജൻ ബൊൾഗാട്ടി, അഹമ്മദ് സിദ്ദിഖ് അലൻസിയർ, ജോണി ആന്റണി, മേജർ രവി, രമേഷ് പിഷാരടി, ഇടവേള ബാബു, സോഹൻ സീനുലാൽ, രമേഷ് പിഷാരടി, ലെന, സരയൂ ദിപ്തി, നീനാ കുറുപ്പ്, ദീപ്തി കല്യാണി, എന്നിവരാണ്.

അനിൽ ലാലിന്റെ ഗാനങ്ങൾക്ക് പ്രകാശ് അലക്‌സ് ആണ് ഈണം പകർന്നിരിക്കുന്നു. ബിബിൻദാസ്, ബിബിൻ വിജയ് എന്ന രണ്ടു ചെറുപ്പക്കാരാണ് ചിത്രത്തിലെ കേന്ദ്രകഥാപാത്രങ്ങൾ. പഠിക്കുന്ന സമയത്ത് കിട്ടിയ പേരാണ് ഇരുവർക്കും ദാസനും വിജയനും എന്നത്. അന്നുമുതൽ ഉറ്റ ചങ്ങാതിമാരാണ് ഇരുവരും . ഐ.ടി.പ്രൊഫഷണലുകളായി മാറിയവർ സ്വന്തമായി ഒരു ബിസിനസ് തുടങ്ങാനൊരുങ്ങുന്നു. ഇതിനിടയിൽ നിരവധി പ്രതിസന്ധികളാണ് ഇവരെ തേടിയെത്തുന്നത്. ഇവരുടെ ജീവിതത്തിൽ അരങ്ങേറുന്ന സംഘർഷങ്ങളും, നർമ്മങ്ങളും കൂടിച്ചേരുന്നതാണ് സിനിമ.