പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന ലാലേട്ടന്‍ സംവിധാന സംരംഭമാണ് ബറോസ്. ത്രിമാന ചിത്രമായ ബറോസിന്റെ ഷൂട്ടിംഗ് അടുത്ത വർഷം മാർച്ചിൽ ഗോവയിൽ ആരംഭിക്കും.ബറോസ് എന്ന ടൈറ്റിൽ കഥാപാത്രത്തെ മോഹൻലാൽ തന്നെയാണ് അവതരിപ്പിക്കുന്നത്.

മോഹന്‍ലാല്‍ തന്നെയാണ് താന്‍ സംവിധാനം ചെയ്യുന്ന ആദ്യ ചിത്രത്തെ കുറിച്ച്‌ വെളിപ്പെടുത്തിയത്. ഫേസ്ബുക്ക് വീഡിയോയിലൂടെയായിരുന്നു ബറോസിന്റെ പ്രഖ്യാപനം. വിദേശ താരങ്ങളാണ് ചിത്രത്തില്‍ പ്രധാന വേഷങ്ങളില്‍ എത്തുന്നത്. ഇപ്പോഴിത ചിത്രത്തെ കുറിച്ചുള്ള മറ്റൊരു വെളിപ്പെടുത്തലുമായി താരം.

ബറോസിലെ നായികയെയും സംഗീതസംവിധായകനെയും നാളെ കൊച്ചിയിലെ ഗോകുലം പാർക്കിൽ നടക്കുന്ന ചടങ്ങിൽ ഔദ്യോഗികമായി പ്രഖ്യാപിക്കും. നാളെ കൊച്ചിയിലെ ഗോകുലം പാര്‍ക്കില്‍ നടക്കുന്ന ചടങ്ങില്‍ ഔദ്യോഗികമായി പ്രഖ്യാപിക്കും. കൂടാതെ ചിത്രത്തിനു വേണ്ടി സംഗീതം ഒരുക്കുന്നത് പതിമൂന്നുകാരനായ ലിഡിയന്‍ നാദസ്വരമാണ്.കാലിഫോർണിയയിൽ നടന്ന സി.ബി.എസ് ഗ്ലോബൽ ടാലന്റ് ഷോയിൽ ഒന്നാം സമ്മാനം നേടിയാണ് ലിഡിയൻ ലോക ശ്രദ്ധ ആകർഷിച്ചത്.ഇതിനോടകം തന്നെ ലിഡിയൻ ബറോസിലെ ഗാനങ്ങൾ ചിട്ടപ്പെടുത്തി കഴിഞ്ഞെന്നാണ് അറിയുന്നത്. തമിഴ് സംഗീത സംവിധായകനായ വർഷൻ സതീഷിന്റെ മകനാണ് ലിഡിയൻ.

ഗാര്‍ഡിയന്‍ ഓഫ് ഡി ഗാമസ് ട്രഷര്‍ എന്ന ടാഗ് ലൈനോട് കൂടിയാണ് ചിത്രമെത്തുന്നത്. വാസ്‌കോ ഡ ഗാമയുടെ രത്‌നങ്ങളുടെയും സുവര്‍ണനിധികളുടെയും കാവല്‍ക്കാരനായ ബറോസിന്റെ കഥയാണ് ചിത്രം പറയുന്നത്. കാത്ത് സൂക്ഷിക്കാനായി ഗാമ നല്‍കിയ നിധി ദാമയുടെ പിന്‍ഗാമിയാണെന്നുറപ്പുള്ളയാള്‍ക്ക് മാത്രമേ ബറോസ് കൊടുക്കുകയുള്ളു. ഒരു ദിവസം തീരത്തേക്കൊരു കുട്ടി ഗാമയെ തേടി വന്നു. ഗാമയുടെ പിന്തുടര്‍ച്ചക്കാരന്‍ താനാണെന്ന് അവന്‍ പറയുമ്ബോളാണ് ബറോസിന്റെ കഥ തുടങ്ങുന്നത്. ഇന്ത്യയിലെ ആദ്യ ത്രിമാന ചിത്രത്തിന്റെ സംവിധായകനായ ജിജോ ആണ് ബറോസിനു വേണ്ടി തിരക്കഥ എഴുതുന്നത്. കൂടാതെ കെ.യു. മോഹനനാണ് ചിത്രത്തിന് വേണ്ടി ക്യാമറ ചലിപ്പിക്കുന്നത്.