ആദ്യ ഘട്ടം മുതല്‍ കര്‍ഷക സമരത്തെ പിന്തുണച്ച് രംഗത്തെത്തിയ താരമാണ് സിദ്ധാര്‍ത്ഥ്. ടൂള്‍ കിറ്റ് വിവാദത്തില്‍ പരിസ്ഥിതി പ്രവര്‍ത്തകയായ ദിശ രവി ഉള്‍പെടെയുള്ളവരെ അറസ്റ്റ് ചെയ്ത സംഭവത്തിലും സിദ്ധാര്‍ത്ഥ് ശക്തമായി പ്രതികരിച്ചിരുന്നു. ഇതോടെ നടനെ അനുകൂലിച്ചും വിര്‍ശിച്ചും നിരവധി പേര്‍ രംഗത്തെത്തി.

സ്‌കൂളില്‍ വെച്ച് പഠിപ്പ് നിര്‍ത്തിയ ആളാണോ ഇയാള്‍ എന്ന ചോദിച്ചുള്ള പരിഹാസത്തിന് മറുപടി നല്‍കിയിരിക്കുകയാണ് താരം ഇപ്പോള്‍. ബിജെപി ദേശീയ മാനിഫെസ്റ്റോ സബ് കമ്മിറ്റിയിലെ അംഗമായ കരുണ ഗോപാലാണ് സിദ്ധാര്‍ത്ഥിനെ പരിഹസിച്ചത്. 'ആരാണിയാള്‍, സ്‌കൂളില്‍ വെച്ച് പഠിപ്പ് നിര്‍ത്തിയ ആളായിരിക്കും? ഇയാള്‍ വാസ്തവവിരുദ്ധവും പ്രകോപനകരവുമായ കാര്യങ്ങളാണ് എഴുതാറുള്ളത്' എന്നായിരുന്നു കരുണ ഗോപാലിന്റെ ട്വീറ്റ്.

@KarunaGopal1

You started it. It ends now.

Savarkar ooooo Savarkar....

Bye. https://t.co/x6zWhxaHJK pic.twitter.com/HP7FlVlqfn

— Siddharth (@Actor_Siddharth) February 17, 2021

ഇതിന് മറുപടിയുമായി സിദ്ധാര്‍ഥും രംഗത്തെത്തി. ഈ സ്ത്രീ 2009ല്‍ ഐ.എസ്.ബിയിലെ ഒരു പാനല്‍ ചര്‍ച്ചയില്‍ ജയപ്രകാശ് നാരായണനൊപ്പം പങ്കെടുക്കാന്‍ എന്നോട് മാസങ്ങളോളം തുടരെ തുടരെ ആവശ്യപ്പെട്ടു. താന്‍ അതില്‍ പങ്കെടുക്കുകയും ചെയ്തു. ആ സമയത്ത് തനിക്ക് ബിരുദാനന്തര ബിരുദമുണ്ടായിരുന്നു. എന്തായാലും അവര്‍ സത്യസന്ധതയും ഓര്‍മ്മശക്തിയും മാസ്റ്റര്‍ക്ക് പണയം വച്ചു എന്ന് സിദ്ധാര്‍ത്ഥ് കുറിച്ചു.

2013ല്‍ മകന്റെ ചിത്രപ്രദര്‍ശനം ഉദ്ഘാടനം ചെയ്യണമെന്ന് അപേക്ഷിച്ച് കരുണ അയച്ച ഒരു മെയിലിന്റെ സ്‌ക്രീന്‍ ഷോട്ടും സിദ്ധാര്‍ത്ഥ് ഇതോടൊപ്പം പോസ്റ്റ് ചെയ്തിട്ടുണ്ട്. നിങ്ങളാണ് ഇത് തുടങ്ങിയത്, ഇത് ഇവിടെ അവസാനിപ്പിക്കുന്നു. സവര്‍ക്കര്‍ ഓ സവര്‍ക്കര്‍ എന്നും നടന്‍ കുറിച്ചു.