മലയാളത്തിന്റെ പ്രിയ താരം മോഹൻലാലിൻറെ മകൻ പ്രണവ് മോഹൻലാലിനെ നായകനാക്കി വിനീത് ശ്രീനിവാസൻ സംവിധാനം ചെയ്യുന്ന ചിത്രമാണ് "ഹൃദയം". ചിത്രം തീയറ്ററുകളിലെത്താൻ പ്രേക്ഷകരെ പോലെ താനും കാത്തിരിക്കുന്നുവെന്ന് വിശാഖ് സുബ്രമണ്യം പറയുന്നു. രാജ്യവ്യാപകമായി ലോക്ക്ഡൗൺ പ്രഖ്യാപിച്ച സാഹചര്യത്തിൽ സിനിമ ചിത്രീകരണം പൂർണമായും നിലച്ചിരിക്കുകയാണ്. മേരിലാണ്ട് സിനിമാസിന്റെ ബാനറിൽ വിശാഖ് സുബ്രഹ്മണ്യം ആണ് ചിത്രം നിർമ്മിക്കുന്നത്. "വരനെ ആവശ്യമുണ്ട്" എന്ന ഹിറ്റ് ചിത്രത്തിലൂടെ പ്രേക്ഷക മനസുകളിൽ ഇടംനേടിയ കല്യാണി പ്രിയദർശൻ ആണ് ചിത്രത്തിൽ നായികയാകുന്നത്. പ്രേക്ഷകർ ഇത്തിരി കാത്തിരുന്നാൽ വളരെ മികച്ചൊരു ചിത്രം നൽകാമെന്ന് നിർമാതാവ് വിശാഖ് പറയുന്നു. നാൽപത് വർഷങ്ങൾക്ക് ശേഷം മേരിലാണ്ട് സിനിമാസ് സ്വതന്ത്രമായി നിർമിക്കുന്ന ചിത്രം എന്ന പ്രത്യേകത കൂടിയുണ്ട് "ഹൃദയ"ത്തിന്. യുവതാരം പൃഥ്വിരാജ് സുകുമാരൻ ചിത്രത്തിൽ ഒരു ഗാനവും ആലപിക്കുന്നുണ്ട്.