കറുമ്പന്‍മാരുടെ കറുമ്പനായി കറുപ്പണിഞ്ഞ് രജനി, കൊലമാസുമായി കാലയും

Posted by Farsana Jaleel, 02 May, 2018

കറുമ്പന്‍മാരുടെ കറുമ്പനായി കറുപ്പണിഞ്ഞ് രജനി എത്തുമ്പോള്‍ കൊലമാസുമായി കാലയും എത്തും.... ആരാധകര്‍ ഏറെ നാളായി ആകാംഷയോടെ കാത്തിരിക്കുകയാണ് സ്റ്റൈല്‍ മന്നന്‍ രജനി കാന്തിന്റെ ഏറ്റവും പുതിയ കൊലമാസിനായി. സിനിമാ ജീവിതത്തോടു വിട പറഞ്ഞ് രജനി രാഷ്ട്രീയത്തിലേയ്ക്ക് ചുവടുവെയ്ക്കാനുള്ള തയ്യാറെടുപ്പിനിടെയാണ് കാലയുടെ റിലീസ്. ജൂണ്‍ ഏഴിന് ചിത്രം തിയേറ്ററുകളിലെത്തും.

കാലയ്ക്ക് ശേഷം രാഷ്ട്രീയം

രാഷ്ട്രീയ പാര്‍ട്ടി രൂപീകരിച്ച് തിരഞ്ഞെടുപ്പ് രാഷ്ട്രീയത്തില്‍ ഇറങ്ങുമെന്ന പ്രഖ്യാപനത്തിന് ശേഷമുള്ള രജനിയുടെ ആദ്യം ചിത്രമാണ് കാല. ഒരുപക്ഷേ കാലയാകും രജനിയുടെ അവസാനത്തെ ചിത്രവും. ഇതോടെ രജനി അഭിനയ ജീവിതം ഉപേക്ഷിക്കുമെന്നാണ് സൂചന. രജനിയുടെ രാഷ്ട്രീയ പ്രവേശനത്തിന് സഹായകരമാക്കുന്ന രീതിയിലുള്ള രാഷ്ട്രീയം പ്രമേയമാക്കിയുള്ള ചിത്രം കൂടിയാണ് കാല. ദളിത് രാഷ്ട്രീയം പ്രതിപാതിപ്പിക്കുന്ന കാലയില്‍ കൃത്യമായ രാഷ്ട്രീയ പരാമര്‍ശങ്ങള്‍ ചിത്രത്തിലുടനീളം ഉണ്ടാകുമെന്നാണ് സുചന. അതുകൊണ്ട് തന്നെ ചിത്രത്തിലെ രജനിയുടെ ഓരോ മാസ് ഡയലോഗുകള്‍ക്കും പ്രേക്ഷകരുടെ കൈയ്യടി നേടികൊടുക്കുമെന്നതില്‍ സംശയമില്ല.

കറുമ്പന്‍മാരുടെ കറുമ്പനായി കറുപ്പണിഞ്ഞ് രജനി

രജനി കാന്തിന്റെ 164ാമത് ചിത്രം കൂടിയാണ് കാല. കബാലിക്ക് ശേഷം കാലയിലൂടെ രജനിയും പാ രഞജിത്തും വീണ്ടും ഒന്നിക്കുന്നു എന്നതും പ്രേക്ഷകരുടെ ആകാംഷ വര്‍ദ്ധിപ്പിക്കുന്നു. കറുമ്പന്‍മാരുടെ കറുമ്പനായി കറുപ്പണിഞ്ഞാണ് രജനി എത്തുന്നത്. കാല എന്നാല്‍ കറുപ്പ് എന്നാണ് അര്‍ത്ഥം. ചിത്രത്തിന്റെ പേര് സൂചിപ്പിക്കുന്ന പോലെ കറുപ്പാണ് ചിത്രപശ്ചാത്തലവും. ചിത്രത്തില്‍ രജനിയുടെ വേഷവും ഡയലോഗുകളുമെല്ലാം കറുപ്പിനെയാണ് സൂചിപ്പിക്കുന്നത്.

പടേക്കറോടു പൊരുതി രജനി

മുംബൈയിലെ ചേരികളെയും അധോലോകത്തെയും കേന്ദ്രീകരിച്ചുള്ള കഥയാണ് കാല. മുംബൈ ചേരിയിലെ പിന്നോക്കക്കാര്‍ക്ക് തുല്ല്യാവകാശം ലഭിക്കുന്നതിനായി പൊരുതുന്ന ഒരു നേതാവായാണ് ചിത്രത്തില്‍ രജനി എത്തുന്നത്. മറാഠക്കാരനായ പൊലീസുകാരനായി ശിവാജി റാവുവുമെത്തും. രജനിക്ക് വില്ലനായി നാന പടേക്കറും എത്തും. മുംബൈ കേന്ദ്രീകരിച്ച് പ്രവര്‍ത്തിക്കുന്ന ഒരു രാഷ്ട്രീയ നേതാവിന്റെ വേഷമാണ് നാന പടേക്കറിന്. ഇതിന് എതിരായി നാന പടേക്കര്‍ എത്തുന്നതും പടേക്കറുമായി രജനി പോരാടുന്നതുമാണ് ചിത്ര പശ്ചാത്തലം.

ഹാജി മസ്താന്റെ കഥയും രജനിക്കെതിരെ ഭീഷണിയും

മുംബൈ അധോലോകത്തെയും ഹാജി മസ്താനെയും ആസ്പദമാക്കി ചിത്രം ഒരുങ്ങുന്നു എന്ന വാര്‍ത്ത വന്നതോടെ രജനിക്കെതിരെ ഭീഷണിയും എത്തിയിരുന്നു. ഹാജി മസ്താന്റെ ദത്തുപുത്രന്‍ സുന്ദര്‍ ശേഖറാണ് രജനിക്കെതിരെ ഭീഷണി മുഴക്കിയത്. തന്റെ പിതാവിനെ കള്ളക്കടത്തുകാരനോ അധോലോക നായകനോ ആയി ചിത്രീകരിക്കരിക്കരുതെന്നും അത് അംഗീകരിക്കാന്‍ കഴിയുന്നതല്ലെന്ന അവകാശവാദവുമായി ദത്തുപുത്രന്‍ രംഗത്തെത്തിയിരുന്നു. നിലവില്‍ പിതാവിന്റെ പേരില്‍ ഒരു കേസു പോലുമില്ലെന്നും അദ്ദേഹത്തെ മോശമായി ചിത്രീകരിച്ചാല്‍ കടുത്ത ഭവിഷ്യത്ത് അനുഭവിക്കേണ്ടിവരും എന്നുമായിരുന്നു സുന്ദര്‍ ശേഖറിന്റെ ഭീഷണി. സുന്ദര്‍ ശേഖര്‍ രജനിയ്ക്ക് വക്കീല്‍ നോട്ടീസ് അയച്ചതോടെ ഹാജി മസ്താന്റെ ജീവിതത്തെ ആസ്പദമാക്കിയല്ല ചിത്രം ഒരുങ്ങുമെന്ന വിശദീകരണവും അണിയറപ്രവര്‍ത്തകര്‍ നല്‍കി.

ആദ്യം വിദ്യ, പിന്നെ ഹുമ ഖുറൈഷി

ചിത്രത്തില്‍ ഹുമ ഖുറൈഷിയാണ് രജനിയുടെ നായികയായെത്തുന്നത്. ആദ്യം വിദ്യാ ബാലനെയായിരുന്നു നായികയായി പരിഗണിച്ചിരുന്നത്. എന്നാല്‍ അവസാന നിമിഷം വിദ്യ ചിത്രത്തില്‍ നിന്നും പിന്‍മാറിയതോടെ ഹുമ ഖുറൈഷിയെ നായിക സ്ഥാനത്തേയ്ക്ക് പരിഗണിക്കുകയായിരുന്നു. ഹുമ ഖുറൈഷിയെ കൂടാതെ അഞ്ജലി പാട്ടില്‍, സമുദ്രക്കനി, പങ്കജ് ത്രിപാഠി എന്നിവരും ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കും. മുംബൈയാണ് പ്രധാന ലൊക്കേഷന്‍.

രജനിക്കൊപ്പം മമ്മൂട്ടിയും?

മമ്മൂട്ടിയും ചിത്രത്തിലൊരു പ്രധാന കഥാപാത്രത്തെ അവതരിപ്പിക്കുമെന്ന് നേരത്തെ റിപ്പോര്‍ട്ടുകളുണ്ടായിരുന്നു. അംബേദ്കറായി മമ്മൂട്ടിയെത്തുമെന്നായിരുന്നു റിപ്പോര്‍ട്ടുകള്‍. ഫസ്റ്റ് ലുക്ക് ഇറങ്ങിയ സാഹചര്യത്തിലായിരുന്നു ഇക്കാര്യം ആദ്യം പ്രചരിച്ചത്. രജനി ഒരു ജീപ്പിന് മുകളിലിരിക്കുന്ന ചിത്രത്തിന്റെ ഫസ്റ്റ് ലുക്ക് അണിയറ പ്രവര്‍ത്തകര്‍ പുറത്തുവിട്ടതോടെയാണ് മമ്മൂട്ടിയും ചിത്രത്തിന്റെ ഭാഗമാണെന്ന വാര്‍ത്തകള്‍ പ്രചരിക്കാന്‍ തുടങ്ങിയത്. ബി.ആര്‍.1956 എന്നായിരുന്നു പുറത്തിറക്കിയ ഫസ്റ്റ് ലുക്കിലെ ജീപ്പിന്റെ നമ്പര്‍. അംബേദ്കര്‍ മരിച്ച വര്‍ഷത്തെയാണ് ജീപ്പിന്റെ ഈ നമ്പര്‍ സൂചിപ്പുന്നത്. തുടര്‍ന്നാണ് അംബേദ്ക്കര്‍ ചിത്രത്തില്‍ അവതരിപ്പിക്കുന്നുണ്ടെന്നും മമ്മൂട്ടിയാണ് അംബേദ്ക്കറുടെ വേഷം ചെയ്യുന്നതെന്നും വാര്‍ത്തകള്‍ പ്രചരിച്ചത്.

മമ്മൂട്ടിയെ സമീപിച്ചിരുന്നു, പക്ഷേ......

എന്നാല്‍ തുടക്കത്തില്‍ തന്നെ ഈ വാര്‍ത്തയ്ക്ക് വിശദീകരണം നല്‍കി സംവിധായകന്‍ രംഗത്തെത്തിയിരുന്നു. കാലയില്‍ മമ്മൂട്ടിയില്ലെന്ന് പാ രഞ്ജിത്ത് തന്നെ വ്യക്തമാക്കി. എന്നാല്‍ ചിത്രത്തിലെ ഒരു സുപ്രധാന കഥാപാത്രത്തെ അവതരിപ്പിക്കാന്‍ മമ്മൂട്ടിയെ സമീപിച്ചിരുന്നതായും എന്നാലത് പ്രാഥമിക ചര്‍ച്ചകള്‍ക്കപ്പുറം പോയിലെന്നും പാ രഞ്ജിത്ത് പറഞ്ഞു. മമ്മൂട്ടിയെ പോലൊരു താരത്തിനൊപ്പം ജോലി ചെയ്യാന്‍ സാധിച്ചിരുന്നെങ്കില്‍ അത് തനിക്ക് വലിയ സന്തോഷം തരുന്ന ഒന്നാകുമായിരുന്നെന്ന് പാ രഞ്ജിത്ത് പറയുന്നു.

റെക്കോര്‍ഡ് സാറ്റ്‌ലൈറ്റ് റൈറ്റ്‌സ്

കാല റെക്കോര്‍ഡ് സാറ്റ്ലൈറ്റ് റൈറ്റ്സിനാണ് വിറ്റുപോയത്. 75 കോടിക്ക് സ്റ്റാര്‍ നെറ്റ്വര്‍ക്കാണ് ചിത്രത്തിന്റെ സാറ്റ്ലൈറ്റ് അവകാശം സ്വന്തമാക്കിയത്. രജനിയുടെ തന്നെ ചിത്രമായ 2.0 ന്റെ റെക്കോര്‍ഡിനോടടുത്താണ് കാലയുടെ സാറ്റ്ലൈറ്റ് അവകാശം വിറ്റുപോയത്. സീ നെറ്റ്‌വര്‍ക്കാണ് ശങ്കര്‍ സംവിധാനം ചെയ്ത 2.0 യും സ്വന്തമാക്കിയത്. 110 കോടിക്കാണ് 2.0 സാറ്റ്‌ലൈറ്റ് റൈറ്റ്‌സ് സീ നെറ്റ്വര്‍ക്ക് സ്വന്തമാക്കിയത്.

loading...
NEW GEN

Filmfare Awards 2019 : Raazi Sweeps 5 Awards ! See the List of Winners

The 64th Filmfare Awards which was held in Jio Gardens in Mumbai had a lot of glamorous attractions. King Khan with several other stars hosted the event with elegance.

Eviction of Bigg Boss Malayalam contestant Ranjini Haridas

After postponing the elimination, there was a hate campaign in asianet, that asianet is postponing the elimination to protect Ranjini Haridas.

Incredible 2 : Jack Jack with Disneys version of Avengers ?

Elasti-Girl (Helen Parr) is given a mission to save the world, while Mr. Incredible (Bob Parr) have to look after the Home and the Kids

Sridevi s last moments in Dubai hotel room

Sridevi, Boney Kapoor, and younger daughter Khushi Kapoor were in Ras Al Khaimah early last week.

copyright 2016 © vellinakshathram