മലയാളചലച്ചിത്രരംഗത്തെ അഭിനയ കുലപതി ആരാണെന്ന ചോദ്യത്തിന് ഒരറ്റ ഉത്തരമേയുള്ളൂ അത് ഭരത് ഗോപി (വി ഗോപിനാഥന്‍‌ നായര്‍).ഏത് തരം കഥാപാത്രങ്ങളെയും അനായാസം തന്റെ കൈക്കുള്ളിൽ ഒതുക്കുന്ന നടനാണ് ഭാരത് ഗോപി . കൊച്ചുവീട്ടില്‍ വേലായുധന്‍ പിള്ളയുടെയും പാര്‍വതിയമ്മയുടെയും നാലു മക്കളില്‍ ഇളയവനായി ചിറയിന്‍കീഴില്‍ ജനിച്ച ഗോപിനാഥന്‍ വേലായുധന്‍ നായരാണ് പിന്നീട് മലയാളത്തിലെ അതുല്യ നടനായ ഭരത് ഗോപിയായി വളര്‍ന്നത്. തിരുവനന്തപുരം യൂണിവേഴ്സിറ്റി കോളേജില്‍ നിന്ന് ബി എസ്‌ സി ബിരുദം നേടിയ അദ്ദേഹം ഇലക്‌ട്രിസിറ്റി ബോര്‍ഡില്‍ ക്ലര്‍ക്കായി ജോലി ചെയ്തിരുന്നപ്പോഴാണ് നാടകത്തിലെത്തിപ്പെടുന്നത്.

1972ല്‍ അടൂര്‍ ഗോപാലകൃഷ്ണന്റെ സ്വയംവരത്തില്‍ ഒരു ചെറിയ വേഷം ചെയ്താണ് സിനിമയില്‍ അരങ്ങേറിയത്. പിന്നീടൊരവസരം ലഭിക്കാന്‍ 1977ല്‍ കൊടിയേറ്റം വരെ കാത്തിരിക്കേണ്ടി വന്നെങ്കിലും, ആ സിനിമയിലൂടെ ദേശിയ പുരസ്കാരം അദ്ദേഹത്തിന് ലഭിച്ചു. കൊടിയേറ്റം എന്ന ചിത്രത്തിലെ അഭിനയത്തിന് ഇദ്ദേഹത്തിന് 1997ലെ ഏറ്റവും നല്ല നടനുള്ള ഭരത് അവാര്‍ഡ് ലഭിച്ചിരുന്നു.

എന്റെ ഹൃദയത്തിന്റെ ഉടമ എന്ന ചിത്രം 2002ല്‍ സംവിധാനം ചെയ്തു. നിരൂപക പ്രശംസ നേടിയ ചിത്രമായിരുന്നു അത്മ. അല്‍ഷിമേഴ്സ് എന്ന രോഗത്തെ ആധാരമാക്കി മറവിയുടെ മണം എന്നൊരു ചിത്രം 2005 -ല്‍ സംവിധാനം ചെയ്തെങ്കിലും ചില സാങ്കേതിക കാരണങ്ങളാല്‍ അതു തീയേറ്ററില്‍ എത്തിയില്ല. ഗോപി രചിച്ച അഭിനയം അനുഭവം എന്ന പുസ്തകത്തിന് ചലച്ചിത്രത്തെക്കുറിച്ചുള്ള ഏറ്റവും നല്ല പുസ്തകത്തിനുള്ള ദേശീയ പുരസ്കാരവും ലഭിച്ചു. 1991ലെ പത്മശ്രീ പുരസ്കാരമടക്കം മറ്റ് പ്രാദേശിക, ദേശീയ, അന്താരാഷ്ട്ര ബഹുമതികളും ഇദ്ദേഹത്തിന് ലഭിച്ചിട്ടുണ്ട്. 2008 ജനുവരിയില്‍ ഹൃദ്രോഗത്തെത്തുടര്‍ന്ന് അന്തരിച്ചു.