മനുഷ്യര്ക്ക് മാത്രമല്ല പ്രണയം........പൂവുകള്ക്കും, പൂമ്പാറ്റകള്ക്കും, പറവകള്ക്കും അങ്ങനെ ആകാശത്തിന് കീഴിലുള്ള ഏതൊരു ജീവിയ്ക്കും പ്രണയമുണ്ട്. അവ പ്രകടമാക്കുന്ന വിധം വ്യത്യസ്തമാണെന്ന് മാത്രം. മനുഷ്യനുണ്ടായ കാലം തൊട്ടെ പ്രണയമുണ്ട്. സ്ത്രീയും പുരുഷനും എവിടെയുണ്ടോ അവിടെ പ്രണയമുണ്ട്. അവയില് ചില പ്രണയങ്ങള് പൂവണിയും.....ചിലത് ശിഥിലമാകും. മലയാള സിനിമയിലുമുണ്ട് അതുപോലെ ചില പ്രണയങ്ങള്. എക്കാലത്തെയും പ്രണയ ജോഡികളായി ആരാധകര് നെഞ്ചിലേറ്റിയ ആ പ്രണയ ജോഡികളെ പരിചയപ്പെടാം.
സിനിമയില് മാത്രമല്ല പ്രണയം............യഥാര്ത്ഥ ജീവിതത്തിലും പ്രണയം പൂവണിയും. മലയാള സിനിമകളില് നായികാ നായകന്മാരായ ചില താരങ്ങള് ഒടുവില് വിവാഹ ജീവിതത്തിലും നായിക നായകന്മാരായി. ബിജു മേനോന് സംയുക്ത വര്മ്മ, ജയറാം പാര്വ്വതി, ഇന്ദ്രജിത്ത് പൂര്ണ്ണിമ, ഷാജി കൈലാസ് ആനി, അജിത്ത് ഷാലിനി, ആഷിക് അബു റിമാ കല്ലിങ്കല്, ദിലീപ് കാവ്യ അങ്ങനെ നീണ്ടു പോകുന്നു മലയാള സിനിമയിലെ താരദമ്പതികളുടെ പട്ടിക.
ജീവന്റെ ജീവനെ പുഴ മുക്കിയപ്പോള് ആ പുഴയില് മുങ്ങി സ്വന്തം ജീവനെടുക്കാന് ശ്രമിച്ച് ജീവിതത്തിലേയ്ക്ക് തിരിച്ചുവന്ന കാഞ്ചനമാല സത്യത്തില് പ്രണയത്തിന്റെ ജീവിച്ചിരിക്കുന്ന രക്തസാക്ഷിയാണ്. കാഞ്ചനമാലയും മൊയ്തീനും അവരുട പ്രണയവുമെല്ലാം ഉണ്ടായത് അങ്ങ് കോഴിക്കോട് ജില്ലയിലെ മൂക്കത്താണ്. ഈ പ്രണയ ദിനത്തില് ഒരിക്കലും മായാത്ത മൊയ്തീന്റെ ഓര്മ്മകളുമായി ജീവിക്കുകയാണ് അനശ്വര പ്രണയത്തിന്റെ ജീവിക്കുന്ന രക്തസാക്ഷി.
മലയാള സിനിമയിലെ പ്രണയ ജോഡികള് ജീവിതത്തിലേയ്ക്കും കടന്നിരിക്കുകയാണ്. മറ്റാരുമല്ല.....ദിലീപും കാവ്യയുമാണ് ആ പ്രണയ ജോഡികള്.......ലാല് ജോസ് ചിത്രമായ ചന്ദ്രനുദിക്കുന്ന ദിക്കില് തുടങ്ങി അടൂരിന്റെ പിന്നെയും വരെ എത്തിനില്ക്കുമ്പോള് 21 സിനിമകളിലാണ് ഈ താരദമ്പതികള് പ്രണയ ജോഡികളായി മലയാള സിനിമയില് പ്രത്യക്ഷപ്പെട്ടത്. 17 വര്ഷത്തിനിടയില് 21 ചിത്രങ്ങളില് ഒന്നിച്ചഭിനയിച്ച് ഇരുവരും റെക്കോര്ഡ് നേട്ടമാണ് ഇതിലൂടെ സ്വന്തമാക്കിയിരിക്കുന്നത്.