Posted by Vyshnavi, 24 Mar, 2020
ആകാശ സ്വപ്നവുമായി വളർന്ന എറണാകുളംകാരൻ പറന്നെത്തിയത് മലയാള സിനിമയിലേക്ക്.നടനായും നിര്‍മ്മാതാവായും മലയാള സിനിമയുടെ ഭാഗമായി മാറിയ അന്വര് സാദത്തിന്റെ ഏറ്റവും പുതിയ ചിത്രമാണ് കൊളംബിയന്‍ അക്കാഡമി. ഒരു പാട് വൈവിധ്യങ്ങൾ നിറഞ്ഞ ഒരു സിനിമ കൂടിയാണ് കൊളംബിയന്‍ അക്കാഡമി 10 വയസുകാരന്‍ സംവിധായകന്‍. സിംഗിള്‍ ഷോട്ട് സിനിമ.അങ്ങനെ നീളുന്നു ചിത്രത്തിന്റെ വൈവിധ്യങ്ങൾ .കൊളംബിയന്‍ അക്കാഡമിയെക്കുറിച്ച് അന്വര് സാദത്ത് പറഞ്ഞു. ചിത്രത്തില്‍ പ്രധാന വേഷത്തിലഭിനയിക്കുന്നതും അന്വര് സാദത്ത് ആണ്.അൻവറിന്റെ രണ്ടാമത്തെ ചിത്രം കൂടിയാണിത്.
മാസ്റ്റര്‍ ആഷിക് ജിനു
ജിനു സേവ്യര്‍ ഇടപ്പള്ളി തിരക്കഥയെഴുതി അദ്ദേഹത്തിന്റെ മകനും ഇന്ത്യയിലെ ഏറ്റവും പ്രായം കുറഞ്ഞ സംവിധായകനെന്ന യൂണിവേഴ്‌സല്‍ റെക്കോര്‍ഡ് ഫോറത്തിന്റെ നാഷണല്‍ റെക്കോര്‍ഡ് വിന്നറുമായ മാസ്റ്റര്‍ ആഷിക് ജിനു സംവിധാനം ചെയ്യുന്ന സിനിമയാണിത്. മാസ്‌കോട്ട് മൂവി മേക്കേഴ്സിന്റെ ബാനറില്‍ അന്വര് സാദത്ത്, മൊയ്ദ്ദീന്‍ ഷിറാസ്, അനൂപ് നായര്‍, ജാസി സലാം എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
സിംഗിള്‍ ഷോട്ട് മൂവി
മലയാളത്തില്‍ ചരിത്രമാവാന്‍ പോവുന്ന ഈ സിനിമയ്ക്ക് ആദ്യത്തെ സിംഗിള്‍ ഷോട്ട് മൂവിയെന്ന പ്രത്യേകതയുമുണ്ട്. രണ്ടര മണിക്കൂര്‍ കൊണ്ട് ഷൂട്ടിംഗ് അവസാനിച്ച ചിത്രമെന്നതാണ് മറ്റൊരു പ്രത്യേകത. സിംഗിള്‍ ഷോട്ട് മൂവി ആയതിനാല്‍ അഭിനയം വലിയ ബുദ്ധിമുട്ടായിരുന്നു. കട്ടുകള്‍ ഇല്ലാത്തതിനാല്‍ രണ്ടരമണിക്കൂര്‍ ജീവിക്കുക തന്നെയായിരുന്നു. ഡയലോഗ് എല്ലാം കാണാപ്പാഠം പഠിച്ചു. മലയാളത്തില്‍ രണ്ടു മൂന്നു സിംഗിള്‍ ഷോട്ട്
സോംഗ് ഉണ്ടെങ്കിലും ആദ്യത്തെ സിംഗിള്‍ ഷോട്ട് സിനിമ എന്ന ഖ്യാതി കൊളംബിയന്‍ അക്കാഡമിക്കാണ്.
ഫുള്‍ ഓണ്‍ എന്റര്‍ടൈന്‍മെന്റ്
സിനിമ ഒരിക്കലും സീറ്റില്‍ ചാരി ഇരുന്ന് കാണരുത്. അടുത്തതെന്ത് എന്ന പ്രതീക്ഷയില്‍ മുന്നോട്ട് ആഞ്ഞിരുന്നു കാണണം. അത്തരമൊരു ത്രില്ലിംഗ് സിനിമ തന്നെയാണ് കൊളംബിയന്‍ അക്കാഡമി. സിനിമ കഴിഞ്ഞിറങ്ങുമ്പോള്‍ എല്ലാവരെയും സന്തോഷിപ്പിക്കാന്‍ ഈ സിനിമയ്ക്ക് സാധിക്കും എന്ന് ഉറപ്പുണ്ട്.
അവാര്‍ഡുകള്‍, പ്രതീക്ഷകള്‍
അവാര്‍ഡ് ലഭിക്കുമെന്ന കാര്യത്തില്‍ സംശയമില്ല. കാരണം ആഷിക് ആണ്. ഒരു പത്തു വയസുകാരന്‍ ഒരു സിനിമ സംവിധാനം ചെയ്യുക എന്നത് തന്നെ വലിയ പ്രതീക്ഷയും ചരിത്രവുമാണ്. കൂടാതെ ഒരു സിംഗിള്‍ ഷോട്ട് മൂവി എന്നതും വലിയ പ്രതീക്ഷ നല്‍കുന്നു.
ജിമ്മന്‍ ചേട്ടന്‍
പത്താം ക്ളാസില്‍ പഠിക്കുമ്പോള്‍ ആരംഭിച്ച ബോഡി ബില്‍ഡിംഗ് ഇന്നും തുടരുന്നു അത് ഈ സിനിമയ്ക്കും വളരെ ഉപകാരപെട്ടു. സിനിമയില്‍ ഒരുപാട് ഫൈറ്റ് സീന്‍ ഉണ്ട്.. അതൊക്കെ പൂര്‍ണമായും പെര്‍ഫെക്റ്റ് ആയി ചെയ്യാന്‍ ജിം ഉപകരിച്ചു. അതു കൊണ്ട് ജിം ഒഴിവാക്കിയിട്ടൊന്നും ഇല്ല. നിത്യവും വര്‍ക്ക് ഔട്ട് ചെയ്യും. ഇപ്പോള്‍ യു എ ഇ യില്‍ ഒരു ഫിറ്റ്നെസ് സെന്ററും ഉണ്ട്.
ഗുരു ലാലേട്ടന്
ലാലേട്ടന്റെ സിനിമകള്‍ കണ്ടാണ് ഞാന്‍ ഒരുപാട് കാര്യങ്ങള്‍ പഠിച്ചത്. ഇനിയും കുറെ പഠിക്കാനുണ്ട് അത്ര വലിയ നടനാണ് അദ്ദേഹം. എല്ലാ നടന്മാരെയും പോലെ ലാലേട്ടന്റെ കൂടെ ഒരു സിനിമ അതാണ് എന്റെയും സ്വപ്നം. മലയാളത്തില്‍ ലാലേട്ടന് തുല്യം ലാലേട്ടന് മാത്രമാണ്.. ചിത്രത്തിന്റെ സോംഗ് റിലീസ് ചെയ്തതും അദ്ദേഹം ആയിരുന്നു. അതൊരു വലിയ ഭാഗ്യമാണ്. ലാലേട്ടന് എന്തിനും ഐശ്വര്യം ആണ്.
അന്വര് സാദത്തിന്റെ കൂടുതൽ വിശേഷങ്ങൾ അറിയുവാൻ ഈ ലക്കം വെള്ളിനക്ഷത്രം വായിക്കുക : Click
06 Dec, 2021
08 Aug, 2021
Chris Hemsworths relationship with India goes beyond the time he visited the nation to shoot his Film Extraction. India is the name of the Actors little girl, and here is the story behind it
The 64th Filmfare Awards which was held in Jio Gardens in Mumbai had a lot of glamorous attractions. King Khan with several other stars hosted the event with elegance.
After postponing the elimination, there was a hate campaign in asianet, that asianet is postponing the elimination to protect Ranjini Haridas.
Elasti-Girl (Helen Parr) is given a mission to save the world, while Mr. Incredible (Bob Parr) have to look after the Home and the Kids
