Posted by Farsana Jaleel, 18 Mar, 2017
ബ്ലാക്ക് ആന്‍ഡ് വൈറ്റ് കാലഘട്ടം മലയാളികള്‍ക്ക് ഗൃഹാതുരത്വം നല്‍കുന്ന കാലമാണ്. അന്ന് വീടുകളില്‍ ടിവിയില്ല......നാട്ടിലെ പ്രമാണിമാരുടെ വീട്ടില്‍ മാത്രമെ ടിവി ഉണ്ടായിരുന്നുള്ളു. അങ്ങനെ ഏതെങ്കിലുമൊരു വീട്ടില്‍ ടിവി ഉണ്ടെന്നറിഞ്ഞാല്‍ പിന്നെ പറയേണ്ടതില്ല...ആ നാട്ടിലെ മാത്രമല്ല ആ പഞ്ചായത്തിലുള്ള സകല ജനങ്ങളും ആ വീട്ടില്‍ ഹാജരാകും.....പിന്നെ അതൊരു കല്യാണ വീടായി മാറും. അത്തരത്തില്‍ ഗൃഹാതുരത്വം തുളുമ്പുന്നൊരു ഗാനവുമായാണ് ബഷീറിന്റെ പ്രേമലേഖനത്തിലെ ടിവി കണ്ട്ക്ക്ണാ ഗാനം എത്തിയിരിക്കുന്നത്.
ബഷീറിന്റെ പ്രേമലേഖനം എന്ന റൊമാന്റിക് കോമഡി ചിത്രത്തിലെ ടിവി കണ്ട്ക്ക്ണാ ഗാനത്തിന്റെ വീഡിയോ റിലീസ് ചെയ്തു. മലയാള സിനിമ ഇന്‍ഡസ്ട്രിയിലെ പ്രമുഖ മ്യൂസിക് ലേബലായ മ്യൂസിക് 247 ആണ് ഗാനം റിലീസ് ചെയ്തിരിക്കുന്നത്. ബ്ലാക്ക് ആന്‍ഡ് വൈറ്റ് ടിവി സെറ്റ് കൊണ്ട് വന്നപ്പോള്‍ അയല്‍ക്കാരുടെ ആവേശവും ടിവിയ്ക്കു മുന്നില്‍ ഏവരും ഒരു അദ്ഭുതമെന്നോണം മുഴുകിയിരിക്കുന്നതുമാണ് ഗാനത്തില്‍ ദൃശ്യമാകുക. ടിവി കാണാനെത്തിയിരിക്കുന്ന ആളുകള്‍ തമ്മിലുള്ള ബന്ധവും പുതിയ ബന്ധങ്ങള്‍ രൂപപ്പെടുന്നതും ചിരിയും കരച്ചിലുമെല്ലാം ഗാനത്തില്‍ ചിത്രീകരിച്ചിരിക്കുന്നു. ഗാനം പുറത്തിറങ്ങിയതോടെ ഇതുവരെ ഒരു ലക്ഷം പേര്‍ കണ്ടുകഴിഞ്ഞു.
ഷീല ഫര്‍ഹാന്‍ ഫാസില്‍ എന്നിവരടക്കം നിരവധി താരങ്ങള്‍ ഗാനത്തില്‍ പ്രത്യക്ഷപ്പെടുന്നതിനോടൊപ്പം കിടിലന്‍ ഡാന്‍സുമായി ഇന്ദ്രന്‍സും പ്രത്യക്ഷപ്പെടുന്നുണ്ട്. ഒരു ഇടവേളയ്ക്ക് ശേഷം പ്രേമലേഖനത്തിലൂടെ ഷീല വീണ്ടും ബിഗ് സ്‌ക്രീനില്‍ പ്രത്യക്ഷപ്പെടുന്നു എന്നതാണ് ചിത്രത്തിന്റെ സവിശേഷത. എന്നാല്‍ നീണ്ട വര്‍ഷങ്ങളുടെ ഇടവേളകള്‍ക്കു ശേഷം പ്രേമലേഖനത്തിലൂടെ മധുവും ഷീലയും ഒന്നിക്കുന്നുവെന്നതും ചിത്രത്തിന്റെ മറ്റാെരു സവിശേഷതയാണ്.
ഞാന്‍ സ്റ്റീവ് ലോപ്പ്‌സ് എന്ന ചിത്രത്തിന് ശേഷം ഫര്‍ഹാന്‍ ഫാസില്‍ വേഷമിടുന്ന ചിത്രത്തില്‍ നായികയായി സന അല്‍ത്താഫും പ്രത്യക്ഷപ്പെടും. ഇവരെ കൂടാതെ ജോയ് മാത്യു, അജു വര്‍ഗ്ഗീസ്, ആശ അരവിന്ദ്, കണാരന്‍ ഹരീഷ്, സുനില്‍ സുഖദ, മണികണ്ഠന്‍, ഷാനവാസ്, ശ്രീജിത്ത് രവി, നോബി, ബൈജു എഴുപുന്ന തുടങ്ങിയവരും ചിത്രത്തില്‍ അണിനിരക്കും.
ടിവി കണ്ട്ക്ക്ണാ എന്നുതുടങ്ങുന്ന ഗാനത്തിന് വരികള്‍ സമ്മാനിച്ചത് അര്‍ഷിദ് ശ്രീധരാണ്. വിഷ്ണു മോഹന്‍ സിത്താര ഈണം പകര്‍ന്ന ഗാനം ആലപിച്ചിരിക്കുന്നത് അന്‍വര്‍ സദത്താണ്. ഫോര്‍ട്ട് എന്റര്‍ടൈന്‍മെന്റിന്റെ ബാനറില്‍ നിര്‍മ്മിച്ച ചിത്രത്തിന്റെ സംവിധാനം അനീഷ് അന്‍വറാണ്. ഷിനോദ്, ഷംസീര്‍, ബിബിന്‍ എന്നിവര്‍ ചേര്‍ന്ന് തിരക്കഥയും സഞ്ജയ് ഹാരിസ് ഛായാഗ്രഹണവും രഞ്ജിത്ത് ടച്ച്‌റിവര്‍ ചിത്രസംയോജനവും നിര്‍വ്വഹിക്കുന്ന ചിത്രം ഉടന്‍ തിയേറ്ററുകളിലെത്തും.
Chris Hemsworths relationship with India goes beyond the time he visited the nation to shoot his Film Extraction. India is the name of the Actors little girl, and here is the story behind it
The 64th Filmfare Awards which was held in Jio Gardens in Mumbai had a lot of glamorous attractions. King Khan with several other stars hosted the event with elegance.
After postponing the elimination, there was a hate campaign in asianet, that asianet is postponing the elimination to protect Ranjini Haridas.
Elasti-Girl (Helen Parr) is given a mission to save the world, while Mr. Incredible (Bob Parr) have to look after the Home and the Kids
