അധോലോക കുടുംബത്തിൻ്റെ കഥ പറയുന്ന ഗാംബിനോസ് വരുന്നു; ചിത്രത്തിൻ്റെ ഗാനം പുറത്തിറങ്ങി. നവാഗതനായ ഗിരീഷ് പണിക്കർ മട്ടാട സംവിധാനം ചെയ്യുന്ന ഗാംബിനോസ് എന്ന ചിത്രത്തിൻ്റെ ലാബെല്ലാ എന്ന മനോഹരമായ ഗാനമാണ് അണിയറ പ്രവർത്തകർ പുറത്തു വിട്ടത്. ഗാനത്തിന് സംഗീതം ഒരുക്കിയത് ജേക്സ് ബിജോയാണ്.

രാധിക ശരത്കുമാർ, വിഷ്ണു വിനയ് എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. കങ്കാരു ബ്രോഡ്കാസ്റ്റിംഗ് ബാനറില്‍ നിര്‍മ്മിക്കുന്ന ചിത്രത്തില്‍ സമ്പത്ത് രാജ്, ശ്രീജിത് രവി, സാലു കെ. ജോര്‍ജ്ജ്, സിജോയ് വര്‍ഗ്ഗീസ്, മുസ്തഫ,നീരജ , ജാസ്മിൻ ഹണി ,ബിന്ദു വടകര, ഷെറിൻ, വിജയൻ കാരന്തൂർ തുടങ്ങിയവരാണ് മറ്റുപ്രധാന കഥാപാത്രങ്ങളെ അവതരിപ്പിക്കുന്നത് .

സക്കീര്‍ മഠത്തില്‍ തിരക്കഥ, സംഭാഷണമെഴുതുന്ന ഈ ചിത്രത്തിന്‍റെ ഛായാഗ്രഹണം എല്‍ബന്‍ കൃഷ്ണ നിര്‍വ്വഹിക്കുന്നു. മലബാറിലെ ക്രൈം ഫാമിലിയുടെ പശ്ചാത്തലത്തില്‍ കുടുംബ ബന്ധങ്ങളുടെ കഥ പറയുന്ന ഈ ചിത്രത്തില്‍ മമ്മ എന്ന കഥാപാത്രത്തെ രാധിക ശരത്കുമാര്‍ അഭിനയിക്കുന്നു. മമ്മയുടെയും അവരുടെ നാല് ആണ്‍ മക്കളും അടങ്ങിയ കുടുംബത്തിലേക്ക് മുസ്തഫ എന്ന ചെറുപ്പക്കാരന്‍ എത്തുന്നതോടെ ഉണ്ടാകുന്ന സംഭവവികാസങ്ങളാണ് ഗാംബിനോസ് എന്ന ചിത്രത്തില്‍ സംവിധായകൻ ദൃശ്യവല്‍ക്കരിക്കുന്നത്. ശ്രീ സെന്തിൽ പിക്ചർസ് ആണ് ചിത്രത്തിന്റെ വിതരണം . ഫെബ്രുവരിയിൽ ഗാംബിനോസ് പ്രദർശനത്തിനെത്തും .