ഓണത്തോടനുബന്ധിച്ച് പുറത്തിറങ്ങുന്ന പൃഥ്വിരാജ് ചിത്രമാണ് ബ്രദേഴ്‌സ് ഡേ. ഹാസ്യ കഥാപാത്രമായും വില്ലനായുമെല്ലാം വെള്ളിത്തിരയില്‍ അഭിനയ വസന്തം തീര്‍ത്ത മലയാളികളുടെ പ്രിയ താരം കലഭവന്‍ ഷാജോണ്‍ ആദ്യമായി സംവിധാനം നിര്‍വ്വഹിക്കുന്ന ചിത്രമെന്ന പ്രത്യേകതയും ഈ ചിത്രത്തിനുണ്ട്. ഇപ്പോഴിതാ ചിത്രത്തിലെ ഒരു മനോഹര ഗാനത്തിന്റെ വീഡിയോ പുറത്തുവിട്ടിരിക്കുകയാണ് അണിയറ പ്രവർത്തകർ. താലോലം തുമ്പിപ്പെണ്ണേ.. എന്ന് തുടങ്ങുന്ന ഗാനം ആലപിച്ചിരിക്കുന്നത് വിജയ് യേശുദാസാണ്.ചിത്രം റീലീസ് ചെയ്യാന്‍ 2 ദിവസം ബാക്കി നില്‍ക്കെയാണ് അടുത്ത ഗാനം റീലിസ് ചെയ്യുന്നത്. ഓണം റീലിസായി എത്തുന്നുണ്ട്. സെപ്റ്റംബർ ആറിനാണ് ചിത്രം തിയേറ്റുകളിൽ എത്തുന്നത്.

സസ്‌പെന്‍സും ആക്ഷനും കോമഡിയും കോര്‍ത്തിണക്കിയ ചിത്രത്തിന്റെ ട്രെയിലറിന് മികച്ച വരവേല്‍പ്പ് പ്രേക്ഷകര്‍ നേരത്തേ നല്‍കിയിരുന്നു. ചിത്രത്തില്‍ പൃഥ്വിരാജിന്റെ നായികയായി എത്തുന്നത് ഐശ്വര്യ ലക്ഷ്മിയാണ്. വിജയരാഘവന്‍, , തമിഴ് നടന്‍ പ്രസന്ന, പ്രയാഗാ മാര്‍ട്ടിന്‍, മഡോണ, മിയ ജോര്‍ജ്ജ്, ധര്‍മ്മജന്‍, കോട്ടയം നസീര്‍, പൊന്നമ്മ ബാബു, കൊച്ചു പ്രേമന്‍, സ്ഫടികം ജോര്‍ജ്ജ്, ശിവജി ഗുരുവായൂര്‍ തുടങ്ങിയ വമ്ബന്‍ താരനിരയാണ് ചിത്രത്തിലുളളത്.ചിത്രത്തിനു വേണ്ടിയുള്ള പൃഥ്വിരാജിന്റെ മെയ്ക്ക് ഓവറും ചലച്ചിത്ര രംഗത്ത് ഏറെ ശ്രദ്ധ നേടിയിരുന്നു. കട്ടത്താടിയുള്ള ലുക്കാണ് ചിത്രത്തില്‍ പൃഥ്വിരാജിന്റേത്.