2018 ൽ പ്രേക്ഷകർ ഏറ്റെടുത്ത ചിത്രമാണ് വിജയ് സേതുപതിയും തൃഷയും ഒന്നിച്ചെത്തിയ എത്തിയ 96 . ചിത്രത്തിന്റെ കന്നഡ, തെലുങ്ക് റീമേക്കുകള്‍ അണിയറയിൽ ഒരുങ്ങുകയാണ് . എന്നാല്‍ ചിത്രത്തിന്റെ തെുങ്ക് പതിപ്പ് പ്രതിസന്ധിയിൽ.96ന്റെ തെലുങ്ക് റീമേക്കില്‍ സംഗീതസംവിധായകനായി ഗോവിന്ദ് വസന്ത തന്നെ മതിയെന്ന നിലപാടിലായിരുന്നു സംവിധായകന്‍ സി പ്രേംകുമാര്‍. എന്നാല്‍ നിര്‍മ്മാതാവ് സി രാജു എതിര്‍പ്പു പ്രകടിപ്പിച്ചുവെന്നാണ് ഇപ്പോള്‍ പുറത്തു വരുന്ന റിപ്പോര്‍ട്ടുകള്‍. തെലുങ്കില്‍ പ്രശസ്തരായ സംഗീത സംവിധായകരാരെങ്കിലും ഈണം നല്‍കട്ടെയെന്നാണ് നിര്‍മ്മാതാവ് പറയുന്നത്.

ഗോവിന്ദ് തന്നെ സംഗീത സംവിധാനം നിര്‍വഹിച്ചാല്‍ മതിയെന്നായിരുന്നു സംവിധായകന്‍ അറിയിച്ചത്. എന്നാല്‍ നിര്‍മ്മാതാവ് സി രാജുവാണ് എതിര്‍പ്പ് പ്രകടിപ്പിച്ചത്. തെലുങ്കിലെ പ്രശസ്തരായ ആരെങ്കിലും സംഗീതം നല്‍കിയാല്‍ മതിയെന്നാണു നിര്‍മ്മാതാവിന്റെ നിലപാട്. ഒപ്പം തിരക്കഥയില്‍ ചെറിയ മാറ്റം വരുത്തണമെന്ന ആവശ്യവും നിര്‍മ്മാതാവ് മുന്നോട്ടുവെച്ചതായി റിപ്പോര്‍ട്ടുകള്‍ ഉണ്ട്.തിരക്കഥ അതുതന്നെ മതിയെന്ന നിലപാടിലാണ് ചിത്രത്തിന്റെ സംവിധായകന്‍ സി. പ്രേംകുമാര്‍. കന്നടയിലും ചിത്രം റീമേക്ക് ചെയ്യുന്നുണ്ട്. ഭാവനയാണ് കന്നഡയില്‍ ജാനുവായെത്തുന്നത്. നിര്‍മ്മാതാവും സംവിധായകനും തമ്മിലെ തര്‍ക്കങ്ങള്‍ ഉടന്‍ പരിഹരിച്ച് ചിത്രം താമസിയാതെ തന്നെ വെള്ളിത്തിരയിലെത്തുമെന്നാണ് പ്രതീക്ഷിക്കുന്നത്. തെലുങ്ക് റീമേക്കില്‍ ഷര്‍വാനന്ദും സാമന്തയുമാണ് എത്തുക.