നാഥാ .....നാഥാ..... ഏഴുമലയും സൂര്യശിലയും സാക്ഷി ...ഈ പഥികൻ ദുരെ ..ദുരെ യാത്രയായി....സിദ്ദീഖ് ചേന്ദമംഗല്ലൂര്‍ സംവിധാനം ചെയ്യുന്ന കുഞ്ഞിരാമന്റെ കുപ്പായത്തിലെ വീഡിയോ ഗാനം ഏറെ ശ്രദ്ധനേടുന്നു. മലയാളികളുടെ പ്രിയപ്പെട്ട ഗായകൻ മുഹമ്മദ് മഖ്‌ബൂൽ മൻസൂർ പാടിയ ഗാനം യൂട്യൂബിൽ തരംഗമാവുന്നു. ഇതൊരു വ്യത്യസ്തമായ കഥയാണ് , മലയാള സിനിമ ഇന്നേവരെ കാണാത്ത വഴികളിലൂടെ പ്രേക്ഷകരെ കൊണ്ടുപോകാൻ വെള്ളിയാഴ്ച ചിത്രം തിയേറ്ററുകളിൽ എത്തുകയാണ്. നേരത്തെ ഇറങ്ങിയ ഗാനങ്ങളും , ട്രെയിലറുമെല്ലാം ഏറെ ചർച്ചാവിഷയമായിരുന്നു.

എന്തിന് മത പരിവർത്തനം ? ആർക്ക് വേണ്ടി ? പ്രണയത്തിന് വേണ്ടി മത പരിവർത്തനം ? ഇത്തരത്തിലുള്ള എല്ലാ ചോദ്യങ്ങൾക്കും കുഞ്ഞിരാമന്റെ കുപ്പായം ഉത്തരമാവും. ഒരു മതത്തിന്റെയും ഇകഴ്താനോ , പുകഴ്താനോ സിനിമ ഉദ്ദേശിച്ചിട്ടില്ലെന്ന് സംവിധായകൻ നേരത്തെ തുറന്നു പറഞ്ഞിരുന്നു. ഇത് വരെ സിനിമാ ലോകം ചര്‍ച്ച ചെയ്യാത്ത കഥയാണ് കുഞ്ഞിരാമന്റെ കുപ്പായമെന്ന് അണിയറപ്രവര്‍ത്തകര്‍ പറയുന്നത്.

തലൈവാസല്‍ വിജയ്, മേജര്‍ രവി, ശ്രീരാമന്‍, സജിതാ മഠത്തില്‍ , ലിന്റാ കുമാര്‍, ഗിരിധര്‍, അശോക് മഹീന്ദ്ര, പ്രകാശ് പയ്യാനക്കല്‍ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.ആരാം എന്റര്‍ടൈയ്മെന്റ്, സെഞ്ച്വറി വിഷ്വല്‍ മീഡിയ എന്നിവയുടെ ബാനറില്‍ നിര്‍മ്മിക്കുന്ന ചിത്രത്തിന്റെ ഛായാഗ്രഹണം രാജേഷ് രാജു നിര്‍വ്വഹിക്കുന്നു. സിദീഖ് ചേന്ദമംഗല്ലൂര്‍, ഹരിപ്രസാദ് കോളേരി എന്നിവര്‍ തിരക്കഥ, സംഭാഷണമെഴുതിയ ചിത്രത്തില്‍ പി.കെ ഗോപിയുടെ വരികള്‍ക്ക് സിറാജ് സംഗീതം പകരുന്നു.

മഖ്ബൂല്‍ മണ്‍സൂര്‍, സിതാര ബാലകൃഷ്ണന്‍ എന്നിവരാണ് ഗായകര്‍. പ്രൊഡക്ഷന്‍ കണ്‍ട്രോളര്‍ നിസാര്‍ മുഹമ്മദ്, കല രാജേഷ് കല്പത്തൂര്‍, മേക്കപ്പ് ബോബന്‍ വരാപ്പുഴ, വസ്ത്രാലങ്കാരം രാധാകൃഷ്ണന്‍ മങ്ങാട്, സ്റ്റില്‍സ് അനില്‍ പേരാമ്പ്ര, പരസ്യകല സജീഷ് എം ഡിസൈന്‍, എഡിറ്റര്‍ സഫ്ത്തര്‍ മര്‍വ,അസോസിയേറ്റ് ഡയറക്ടര്‍ കെ ജി ഷൈജു, ആസിഫ് കുറ്റിപ്പുറം, നൃത്തം റജിന്‍ ജോയ്, അസോസിയേറ്റ് ക്യാമറമാന്‍ നാരായണ സ്വാമി, ശ്രീകുമാര്‍ കണ്ണാട്ട്, പ്രൊഡക്ഷന്‍ എക്സിക്യൂട്ടീവ് ചെന്താമരാക്ഷന്‍.