വ്യത്യസ്തമായ വേഷങ്ങളിലൂടെ തെന്നിന്ത്യൻ സിനിമാലോകത്ത് തന്റേതായ സ്ഥാനം ഉറപ്പിച്ച നടിയാണ് ഐശ്വര്യാ രാജേഷ്. താരത്തിന്റെ ഏറ്റവും പുതിയ ചിത്രമാണ് ഫർഹാന. ചിത്രത്തിന്റെ ട്രൈലർ റിലീസ് ആയത് മുതൽ വലിയ വിവാദങ്ങളാണ് ഉയരുന്നത്.

മത വികാരം വ്രണപ്പെടുത്തുന്നു എന്ന തരത്തിൽ പ്രക്ഷോഭങ്ങൾ ഉയരുന്നതിനു പിന്നാലെ നടിക്ക് പോലീസ് കാവൽ വരെ ഏർപ്പെടുത്തുകയുണ്ടായി.

ALSO READ

ടൈഗർ 3യുടെ ചിത്രീകരണത്തിനിടെ സൽമാൻ ഖാന് പരിക്ക്, ചിത്രം പുറത്തുവിട്ട് താരം

അടുത്തിടെ ഒരു അഭിമുഖത്തിൽ ഐശ്വര്യാ രാജേഷ് നടത്തിയ ഒരു പ്രസ്താവനയുടെ പേരിൽ കുറച്ചൊന്നുമല്ല നടി പുലിവാലുപിടിച്ചത്. പുഷ്പ എന്ന തെലുങ്ക് ചിത്രത്തിലെ രശ്മിക അവതരിപ്പിച്ച ശ്രീവള്ളി എന്ന കഥാപാത്രത്തേക്കുറിച്ചായിരുന്നു ഐശ്വര്യാ രാജേഷിന്റെ കമന്റ്.

സംഗതി ഗൗരവമായ ചർച്ചയ്ക്ക് വഴിയൊരുക്കിയപ്പോൾ വിശദീകരണവുമായെത്തിയിരിക്കുകയാണ് താരം.

പുതിയ ചിത്രമായ ഫർഹാനയുടെ പ്രചാരണത്തിനിടെ നടത്തിയ അഭിമുഖത്തിലാണ് പുഷ്പയിലെ ശ്രീവള്ളി എന്ന കഥാപാത്രം തനിക്ക് യോജിച്ചതാണെന്ന് ഐശ്വര്യ രാജേഷ് പറഞ്ഞത്. ഇതോടെ രൂക്ഷമായ വിമർശനമാണ് അവർക്കെതിരെ ഉയർന്നത്.

ഇതോടെ വിശദീകരണക്കുറിപ്പുമായി എത്തുകയായിരുന്നു ഐശ്വര്യ. തെലുങ്ക് സിനിമയിൽ ഏതു തരത്തിലുള്ള കഥാപാത്രങ്ങളെയാണ് അവതരിപ്പിക്കാൻ താല്പര്യം എന്ന ചോദ്യത്തിന് പുഷ്പയിൽ രശ്മിക അവതരിപ്പിച്ച കഥാപാത്രം ഉദാഹരണമായി ചൂണ്ടിക്കാണിക്കുക മാത്രമാണ് ചെയ്തതെന്ന് ഐശ്വര്യ പ്രസ്താവനയിൽ പറഞ്ഞു.

എന്നാൽ താൻ ഞാനുദ്ദേശിച്ച രീതിയിലല്ല ആളുകൾ ആ വരി എടുത്തതെന്നും. രശ്മിക പുഷ്പയിൽ ചെയ്ത ഗംഭീര റോളിനോട് തനിക്ക് എതിർപ്പുണ്ടെന്ന രീതിയിലാണ് ഇക്കാര്യം പറന്നതെന്നും നടി വ്യക്തമാക്കി.

ഒരുകാര്യം ഇവിടെ വ്യക്തമാക്കാൻ ആഗ്രഹിക്കുകയാണ്. രശ്മികയുടെ സിനിമകളോട് എനിക്ക് എന്നും മതിപ്പ് മാത്രമേയുള്ളൂ. സിനിയിലെ എന്റെ സഹപ്രവർത്തകരായ എല്ലാ നടീനടന്മാരോടും അതിയായ ബഹുമാനമുണ്ട്. അതുകൊണ്ട് ഇത്തരം ഊഹാപോഹങ്ങൾ പരത്തുന്നത് നിർത്തണം. ഐശ്വര്യ ആവശ്യപ്പെട്ടു.

പ്രസ്താവന പുറത്തുവന്നതിന് തൊട്ടുപിന്നാലെ ഇതിന് പ്രതികരണവുമായി രശ്മിക തന്നെ രംഗത്തെത്തി. ഐശ്വര്യാ രാജേഷ് ഉദ്ദേശിച്ചതെന്താണെന്ന് തനിക്ക് മനസിലാവുമെന്ന് രശ്മിക ട്വീറ്റ് ചെയ്തു.

നിങ്ങളോട് സ്നേഹവും ബഹുമാനവും മാത്രമേയുള്ളൂ. അത് നിങ്ങൾക്കുമറിയാം. ഫർഹാന എന്ന ചിത്രത്തിന് എല്ലാ ഭാവുകങ്ങളും നേരുന്നുവെന്നും രശ്മിക കുറിച്ചു.