95-ാമത് ഓസ്‌കർ വേദിയിൽ ഒറിജിനൽ ഗാനത്തിനുള്ള പുരസ്കാരം ഇന്ത്യൻ സംഗീത സംവിധായകൻ കീരവാണി ഏറ്റുവാങ്ങിയപ്പോൾ അദ്ദേഹം ഹൃദത്തിൽ തൊട്ട് പറഞ്ഞത് ഇത്തരമൊരു വേദി സ്വപ്‌നം കണ്ടിരുന്നു എന്നാണ്.

താൻ ചെറുപ്പം മുതൽ വളർന്നത് കാർപെൻ്റെഴ്സിനെ കേട്ടുകൊണ്ടായിരുന്നു എന്നും. ഇന്ന് താൻ പുരസ്‌കാരം നേടി ഓസ്‌കാർ വേദിയിൽ നിൽക്കുന്നു എന്നും അദ്ദേഹം വ്യക്തമാക്കി.

പല പ്രമുഖ മലയാള മാധ്യമങ്ങൾ ഉൾപ്പെടെ അദ്ദേഹത്തിന്റെ ഈ വാചകം തെറ്റിദ്ധരിക്കുകയുണ്ടായി പിന്നീട് പലരും തിരിച്ചറിഞ്ഞു പാശ്ചാത്യ സംഗീത്തതിലെ അതികായന്മാരായിരുന്ന ദ് കാർപെൻ്റേഴ്‌സ് എന്ന മ്യൂസിക് ബാൻഡിനെക്കുറിച്ചായിരുന്നു കീരവാണി പറഞ്ഞതെന്ന്.

ALSO READ

ഇടതുപക്ഷത്തിനെതിരെ പുതിയ ആരോപണവുമായി കങ്കണ

1970 - 80 കാലഘട്ടങ്ങളിൽ സംഗീത ലോകത്തെ ഇളക്കിമറിച്ച വോക്കൽ ആൻ്റ് ഇൻസ്ട്രമെൻ്റൽ ബാൻഡായിരുന്നു ദ കാർപെൻ്റേഴ്‌സ്.

ലോകം മുഴുവൻ കാർപെൻ്റേഴ്‌സ് ബാൻഡിലേക്ക് ഉറ്റു നോക്കിയ ദിവസങ്ങളായിരുന്നു ഓസ്കാറിനു ശേഷം കടന്നു പോയത്. സംഗീത പ്രേമികളുടെ പ്ലെ ലിസ്റ്റിലേക്ക് വീണ്ടും കാർപെൻ്റേഴ്‌സ് മ്യൂസിക് ഇടം പിടിച്ചു. ഇപ്പോൾ പുരസ്കാര ജേതാക്കളായ കീരവാണിക്കും ചന്ദ്രബോസിനും അഭിനന്ദനം അറിയിച്ച് രംഗത്തെത്തിയിരിക്കുകയാണ് കാർപെൻ്റേഴ്സ് കുടുംബം.

റിച്ചാർഡ് കാർപൻ്റർ ഒരു സംഗീത വീഡിയോയ്‌ക്കൊപ്പമാണ് തങ്ങളുടെ അഭിനന്ദനം അറിയിക്കുന്നത്. കാർപെൻ്റേഴ്സിനെ ജീവ ശ്വാസമാക്കിയ ആരാധകരന് ഹൃദയത്തിൽ നിന്നും ഒരു പ്രത്യേക സമ്മാനവും കാർപെൻ്റേഴ്സ് കുടുംബം നൽകുന്നുണ്ട്.

ALSO READ

അക്ഷയ് കുമാര്‍ ചിത്രങ്ങള്‍ ഒന്നും തിയേറ്ററില്‍ വിജയിക്കുന്നില്ല, ഓ മൈ ഗോഡ് 2 ഒ ടി ടിയിലേക്ക്

ഇൻസ്റ്റഗ്രാമിലൂടെയാണ് കീരവാണിക്കും ചന്ദ്രബോസിനും സമ്മാനമായുള്ള വീഡിയോ പങ്കുവെച്ചിരിക്കുന്നത്. മികച്ച ഒറിജിനൽ ഗാന വിഭാഗത്തിൽ നിങ്ങൾ നേടിയ വിജയത്തിന് ഹൃദത്തിൽ നിന്നും അഭിനന്ദനമറിയിക്കുന്നു.

നിങ്ങൾക്കായി ഞങ്ങളുടെ കുടുംബത്തിൻ്റെ ഒരു ചെറിയ സമ്മാനം പങ്കുവെക്കുന്നു, റിച്ചാർഡ് കാർപ്പൻ്റർ കുറിച്ചു. കീരവാണിയെയും ആർആർആറിനെയും അഭിന്ദിക്കാനായി കാർപെൻ്റേഴ്‌സിൻ്റെ പ്രശസ്ത ഗാനമായ ഓൺ ദ ടോപ്പ് ഓഫ് ദ വേൾഡിൻ്റെ റീ ഇമാജിൻഡ് വേർഷൻ പാടുന്ന വീഡിയോയാണ് ഇൻസ്റ്റാഗ്രാമിൽ പങ്കുവെച്ചിട്ടുള്ളത്.

വീഡിയോയ്ക്ക് കമൻ്റുമായി സംവിധായകൻ രാജമൗലിയും കീരവാണിയും എത്തിയിരുന്നു. സർ, ഈ ഓസ്‌കാർ കാമ്പെയ്‌നിലുടനീളം സഹോദരൻ കീരവാണി ശാന്തനായിരുന്നു.

പുരസ്കാര നേട്ടത്തിനു മുമ്പോ ശേഷമോ അദ്ദേഹം വികാരാധീതനായില്ല. പക്ഷേ, ഈ വീഡിയോ കണ്ട നിമിഷം അദ്ദേഹത്തിനു കണ്ണുനീർ നിയന്ത്രിക്കാൻ കഴിയുന്നില്ല. ആർആർആർ കുടുംബത്തിന് അവിസ്മരണീയമായ നിമിഷമാണിത്... രാജമൗലി കുറിച്ചു.

ഇത് ഞാനൊട്ടും പ്രതീക്ഷിച്ചില്ല. സന്തോഷത്താൽ കണ്ണുനീർ അടക്കാനാകുന്നില്ല. ഈ ലോകം നൽകിയ ഏറ്റവും മികച്ച സമ്മാനമാണ് ഇത് , വീഡിയോയ്ക്ക് താഴെ കീരവാണിയും കുറിച്ചു.