ബിഗ് ബോസ് സീസൺ ഫൈവ് കഴിഞ്ഞ ദിവസം ആരംഭിച്ചെങ്കിലും ഇപ്പോഴും ചർച്ചയാവുന്നത് സീസൺ ഫോറിലെ മത്സരാർഥിയായിരുന്ന റോബിൻ രാധാകൃഷ്ണൻ ആണ്.

റോബിന് ഉള്ള ആരാധകർ വളരെ കൂടുതലാണ്. റോബിന് എതിരെ സംസാരിക്കുന്നവരെ അവർ നിഷ്ട്ടൂരം സമൂഹ മാധ്യമങ്ങളിൽ ആക്രമിക്കാറുമുണ്ട്.

അതിൻ്റെ ഇരകളിൽ ഒരാളാണ് ആദ്യ സീസണിലെ മത്സരാർഥികളിൽ ഒരാളായിരുന്നു ഷിയാസ് കരീം. പ്രശസ്തിക്ക് വേണ്ടി റോബിൻ ചെയ്ത ചാരിറ്റി പ്രവർത്തനങ്ങളുടെ വീ‍ഡിയോയെ അടക്കം ഷിയാസ് വിമർശിച്ചിരുന്നു.

അതിൻ്റെ പേരിൽ റോബിൻ്റെ ആരാധകർ ഇൻബോക്സിൽ വന്ന് തൻ്റെ ഉമ്മയെ വരെ തെറി പറയാറുണ്ടെന്നാണ് ഷിയാസ് കരീം പറയുന്നത്.

ALSO READ

യാതൊരുവിധ സാമാന്യമര്യാദയും ഇല്ലാത്ത തനി പാപ്പരാസികൾ ആയി...മാധ്യമ പ്രവർത്തകർക്ക് വിമർശനം

ലെറ്റ്സ് ടോക്ക് മലയാളം എന്ന യുട്യൂബ് ചാനലിന് നൽകിയ അഭിമുഖത്തിൽ റോബിന് ചില ഉപദേശങ്ങളും ഷിയാസ് നൽകി. ഇമേജ് പോയാൽ കേരളത്തിൽ ജീവിക്കാൻ പാടാണെന്നും അതുകൊണ്ട് കണ്ടന്റിന് വേണ്ടി ജീവിക്കാതിരിക്കണമെന്നുമാണ് ഷിയാസ് റോബിനോട് പറഞ്ഞത്. 

എനിക്കിപ്പോഴും അഭിനയിക്കാൻ അറിയില്ല. ഞാൻ പഠിച്ചുകൊണ്ടിരിക്കുകയാണ്. ഞാൻ ഡ്രാമ കോഴ്സ് ഓൺലൈനായി ചെയ്യുന്നുണ്ട്. അഭിനയിക്കുന്നതിനേക്കാൾ ടഫ് ആണ് സംവിധാനം. പൃഥ്വിരാജിനെ ഞാൻ നമിക്കുന്നു. സംവിധാനവും മാത്രമല്ല അതിൽ നല്ലൊരു കഥാപാത്രവും ചെയ്യുക എന്നത് ഭയങ്കര ബുദ്ധിമുട്ടുള്ള കാര്യമാണ്. അതും സൂപ്പർ ഹിറ്റ് മൂവിയാണ് ലൂസിഫർ.

ലാലേട്ടനെ നന്നായി യൂസ് ചെയ്ത സിനിമയാണ് അത്, ഷിയാസ് പറഞ്ഞു.

റോബിൻ സിനിമ ചെയ്യുമോയെന്ന് എനിക്കറിയില്ല. എനിക്ക് തോന്നുന്നത് പോസ്റ്ററും ബിജിഎമ്മും കണ്ടന്റായിരിക്കും എന്നാണ്. റോബിനോട് പറയാനുള്ളത് സിനിമ ചെയ്തിട്ട് ഇറങ്ങാനാകുമ്പോൾ പബ്ലിസിറ്റി ചെയ്യുവെന്നാണ്. അല്ലാതെ സിനിമ ഇറങ്ങും മുമ്പ് അതിൻ്റെ കാര്യങ്ങൾ  വെളിപ്പെടുത്തുന്നത് ശരിയാവില്ല.

പിന്നെ ഒരു കാര്യം പറയുമ്പോൾ വളരെ ആലോചിച്ചിട്ട് പറയുക. നല്ല പെരുമാറ്റം കുടുംബത്തിൽ നിന്നും കിട്ടേണ്ട സാധനമാണ്. ഡിസിപ്ലിൻ‌ ലൈഫ് ഉണ്ടെങ്കിൽ നമ്മൾ എവിടെയായാലും അഡ്ജസ്റ്റ് ചെയ്ത് ജീവിക്കും.

നെഗറ്റീവ് കമന്റിടുന്നവരെ തപ്പിപിടിച്ച് വീട്ടിൽ ചെന്ന് ചീത്ത പറയാൻ പോയാൽ എന്റെ ഒരു ദിവസം പോകില്ല. നമ്മൾ അതൊന്നും മൈൻഡ് ചെയ്യാനെ പോകാറില്ല.

റോബിൻ ഫാൻസ് എൻ്റെ ഉമ്മാനെ വരെ തെറി വിളിച്ചിട്ടുണ്ട്. എൻ്റെ ഉമ്മ എന്നെ ഒരുപാട് കഷ്ടപ്പെട്ട് വളർത്തിയതാണ്.

എൻ്റെ ഉമ്മാനെ തെറിവിളിച്ചുള്ള മെസേജുകൾ എൻ്റെ ഇൻബോക്സിൽ വരാറുണ്ട്. ഉമ്മയെന്നാൽ തൻ്റെ ജീവിനാണെന്ന് പലപ്പോഴായി ഷിയാസ് പറഞ്ഞിട്ടുണ്ട്.

എനിക്ക് കേട്ട സെയിം തെറികൾ ഒരു ദിവസം നിങ്ങൾക്കും കേൾക്കേണ്ടി വരും. കാരണം സീസൺ ഒരുപാട് വരാൻ കിടക്കുകയാണ്. നിങ്ങൾക്ക് ഓൾറെഡി കിട്ടുന്നുണ്ട് നല്ലോണം.

അതൊക്കെ നിങ്ങളും നിങ്ങളുടെ അച്ഛനും അമ്മയുമൊക്കെ വായിക്കേണ്ടി വരുമെന്ന് ചിന്തിക്കുക. കൊടുത്താൽ കൊല്ലത്തും കിട്ടും. നമ്മൾ നമ്മളായി ഇരിക്കുക.

കണ്ടന്റിന് വേണ്ടി ജീവിക്കാതിരിക്കുക. ഇമേജ് പോയിക്കഴിഞ്ഞാൽ കേരളത്തിൽ ഒരു മാളിൽ പോലും പോകാൻ പറ്റില്ല. ആളുകളുടെ കുത്തി കുത്തിയുള്ള നോട്ടമൊക്കെ ഉണ്ടാകും.

നമ്മൾ എന്ത് ചെയ്താലും അത് ഒരു നാൾ പൊന്തി വരും. ബിഗ് ബോസിൽ പോയി കഴിഞ്ഞാൽ സിനിമ കിട്ടില്ല. ഞാൻ ഒരു വർഷം വീട്ടിൽ തന്നെ ഇരുന്നയാളാണ്. ഡിപ്രഷനിലേക്ക് വരെ പോയിരുന്നു ഷിയാസ് പറഞ്ഞു.