മലയാളികൾക്ക് ഏറെ പ്രിയങ്കരിയായ താരമാണ് സണ്ണി ലിയോൺ. താരത്തിന്റെ ഇൻസ്റ്റാഗ്രാം പേജിലെ ഓരോ അപ്ഡേറ്റുകളും ഞൊടിയിടയിലാണ് ആരാധകർക്കിടയിൽ വൈറൽ ആവുന്നത്.

താരത്തിന് ചിത്രീകരണത്തിനിടയിൽ പരിക്കേറ്റു എന്ന വാർത്തയാണ് ഇപ്പോൾ സമൂഹമാധ്യമങ്ങളിൽ തരംഗം ആവുന്നത്. ഇൻസ്റ്റഗ്രാം പേജിലൂടെയാണ് തൻ്റെ കാൽ വിരലിനു സംഭവിച്ച പരിക്കിൻ്റെ വിവരം സണ്ണി പങ്കുവെച്ചത്.

പോസ്റ്റ് ചെയ്ത വീഡിയോയിൽ ഷൂട്ടിംഗ് വേഷത്തിൽ ചോരയൊലിക്കുന്ന കാൽവിരലുമായി സണ്ണിയിരിക്കുകയാണ്. മുറിവ് പരിചരിക്കാനെത്തിയ ടീം സണ്ണിയെ സഹായിക്കുന്നതും വീഡിയോയിൽ കാണാം.

ALSO READ

വാള്‍ട്ടയര്‍ വീരയ്യയുടെ വിജയാഘോഷ ചടങ്ങില്‍ വികാരഭരിത പ്രസംഗവുമായി മെഗാ പവര്‍ സ്റ്റാര്‍ രാംചരണ്‍

ഇൻസ്റ്റാഗ്രാമിൽ പോസ്റ്റ് ചെയ്തു ഒരു മണിക്കൂറിനുള്ളിൽ തന്നെ മൂവായിരത്തിലധികം കമൻ്റുകളാണ് ഈ വീഡിയോക്ക് ലഭിച്ചത്. കമന്റ് ഇട്ടവരിൽ ഏറെയും മലയാളികളാണ്. താരത്തെ ആശ്വസിപ്പിക്കുന്ന മലയാളി ആരാധകരുടെ കമൻ്റുകളും വളരെ ശ്രദ്ധ നേടുന്നുണ്ട്. വീഡിയോക്ക് ആദ്യ കമന്റ് നൽകിയതും മലയാളിയാണ്.

എൻ്റെ പൊന്നു ചേച്ചി സൂക്ഷിച്ചു നടക്കണ്ടേ, എനിക്ക് ഇതൊകെ എന്ത് വിഷമം ആകുന്നുണ്ടെന്ന് അറിയാമോ, തമ്പായി വേഗം മുറിവ് മറ്റും കെട്ടോ... Sister should be careful, my heart breaks after seeing this എന്നായിരുന്നു കുറിപ്പ്.

സണ്ണിയ്ക്കു ആശ്വാസ പകർന്നെത്തിയ കമൻ്റുകളിൽ മലയാളി ആരാധകരുടെ വേദനയാണ് ശ്രദ്ധ നേടുന്നത്. അമ്മേ ഇന്നെനിക്കു ചോറു വേണ്ട, എന്തു പറ്റി ഏച്ചിയേ, നാളെ കേരളത്തിൽ ഹർത്താൽ, ഇല്ല എൻ്റെ ചേച്ചിക്ക് ഒന്നും സംഭവിക്കാൻ ഞാൻ സമ്മതിക്കൂല, ഇന്ന് അമ്പലത്തിൽ മുറിവ് സംഹാര പൂജ ഞാൻ നടത്തിയിരിക്കും എന്നിങ്ങനെ തുടരുന്നു കമൻ്റുകൾ.

തമിഴ്, ഹിന്ദി ആരാധകരും മലയാളികളെ പോലെ കണ്ണീർ പൊഴിക്കുന്നുണ്ട്. ചികിത്സയ്ക്കായി കേരളത്തിലേക്ക് വരണമെന്ന് സണ്ണിയെ ക്ഷണിക്കുന്നവരുമുണ്ട്.

ALSO READ

എതിരാളികള്‍ ഒന്നിക്കുന്നുവോ...ഇതെന്തിനുള്ള പുറപ്പാടെന്ന് സോഷ്യല്‍ മീഡിയ

സണ്ണിയുടെ പതിവ് മോഡേണ വേഷത്തിൽ നിന്നും മാറി പുത്തൻ മേക്കോവറിലെത്തുന്ന ചിത്രത്തിൻ്റെ ഷൂട്ടിംഗിനിടയിലാണ് അപകടം സംഭവിച്ചത്. വീഡിയോയിൽ താരത്തിൻ്റെ വേഷവിധാനങ്ങൾ ഗ്രാമീണ കഥാപാത്രത്തെ അവതരിപ്പിക്കുന്നതിനുള്ള സൂചന നൽകുന്നുണ്ട്.

തമിഴിൽ പുരാതന രാജ്ഞിയായി എത്തിയ ഹൊറർ കോമഡി ചിത്രം ഓ മൈ ഗോസ്റ്റ് ആണ് അവസാനം തിയറ്ററിലെത്തിയത്. തമിഴിൽ വീരമദേവി, ഷീറോ, ബോളിവുഡിൽ കോക്ക കോല, ഹെലൻ, ദി ബാറ്റിൽ ഓഫ് കൊരിഗാവുൺ എന്നിവയാണ് 2023 ൽ സണ്ണിയുടേതായി എത്തുന്ന സിനിമകൾ. അനുരാഗ് കശ്യപിൻ്റെ അടുത്ത ചിത്രത്തിലും പ്രധാന വേഷത്തിൽ സണ്ണി ലിയോൺ എത്തും.