കന്നഡ സീരിയലുകളിലൂടെ അഭിനയ രംഗത്തേക്ക് കടന്നുവന്ന താരമാണ് യഷ്. ജുമ്പാട ഹുഡ്‌ഗി എന്ന ചിത്രത്തിലൂടെയാണ് താരം സിനിമ രംഗത്ത് പ്രവേശിക്കുന്നത്.

യഷ് പ്രധാന വേഷത്തിൽ എത്തിയ ആദ്യ ചിത്രം റോക്കി ആയിരുന്നു. 2008ൽ പുറത്തിത്തിറക്കിയ ചിത്രം പരാജയമായിരുന്നു. എന്നാൽ റോക്കി ഭായ് ആയി യഷ് 2018 ൽ കെ ജി എഫിൽ എത്തിയത് ലോകമെമ്പാടും ആരാധകരെ സൃഷ്ടിച്ചുകൊണ്ടാണ്
സിനിമ രംഗത്ത് അതുവരെയുണ്ടായിരുന്ന പല റെക്കോർഡുകളും തകർക്കാൻ യഷിനായി.

ഇന്നിപ്പോൾ സിനിമ ആസ്വാദകരുടെ പ്രിയപ്പെട്ട റോക്കി ഭായിയാണ് യഷ്. അതുകൊണ്ട് തന്നെ താരത്തിന്റെ പുതിയ പ്രൊജക്ടുകൾ ഏതായിരിക്കും എന്നറിയാനുള്ള ആകാംഷ എപ്പോഴും ആരാധകർക്ക് ഉണ്ട്. സംവിധായകൻ നിതീഷ് തിവാരി രാമായണം സിനിമയാക്കാനുള്ള ഒരുക്കത്തിലാണെന്ന റിപ്പോർട്ടുകൾ നേരത്തെ പുറത്തുവന്നിരുന്നു.

ചിത്രം പ്രഖ്യാപിച്ചതിന് പിന്നാലെ ആരൊക്കെയായിരിക്കും ചിത്രത്തിൽ അണിനിരക്കുക എന്നറിയാനുള്ള അന്വേഷണത്തിലാണ് സിനിമ പ്രേമികൾ. രൺബീർ കപൂറാണ് ചിത്രത്തിൽ ശ്രീരാമനായി എത്തുക എന്ന് റിപ്പോർട്ടുകൾ നേരത്തെ പുറത്ത് വന്നിരുന്നു.

ALSO READ

ലൈറ്റ് മിയ ഖലീഫയായി നിക്കി തംബോലി... ബിക്കിനി വിഡിയോ വൈറൽ

ചിത്രത്തിൽ രാവണനായി വേഷമിടുന്നത് യഷ് ആയിരിക്കുമെന്നാണ് ഇപ്പോൾ പുറത്തുവരുന്ന വിവരം. വിവിധ സിനിമ മേഖലകളിൽ നിന്നുള്ള തിരക്കഥകൾ യഷ് കേൾക്കുന്നുണ്ടെന്നും റിപ്പോർട്ടുകൾ വരുന്നുണ്ട്.

രാമായണത്തിന്റെ അണിയറ പ്രവർത്തകരുമായി ചർച്ചകൾ  നടക്കുന്നുണ്ടെന്നും ചിത്രത്തേക്കുറിച്ചുള്ള വിശദീകരണത്തിൽ യഷ് സംതൃപതനാണെന്നും റിപ്പോർട്ടുകൾ സൂചിപ്പിക്കുന്നു.

നിർമ്മാതാവ് മധു മന്തേനയും സംവിധായകൻ നിതേഷ് തിവാരിയും യഷിനെ തങ്ങളുടെ ചിത്രത്തിന്റെ ഭാഗമാക്കാൻ ആഗ്രഹിക്കുന്നുവെന്നും അദ്ദേഹം സമ്മതിക്കുകയാണെങ്കിൽ ഇത് ഹിന്ദി സിനിമയിലെ ഏറ്റവും വലിയ സഹകരണങ്ങളിലൊന്നായിരിക്കുമെന്നും റിപ്പോർട്ടുകൾ പറയുന്നുണ്ട്.

ALSO READ

അന്നു രാത്രി അവനെ ചീത്ത വിളിച്ച ശേഷം നന്നായി ഉറങ്ങി, ഉണ്ണി മുകുന്ദന്റെ പ്രതികരണം

ഉടൻ തന്നെ യഷ് തന്റെ അടുത്ത ചിത്രത്തേക്കുറിച്ച് പ്രഖ്യാപിച്ചേക്കും. ബ്രഹ്മാസ്ത്രയിൽ രൺബീറിന്റെ വില്ലനായി ദേവ് എന്ന കഥാപാത്രത്തെ അവതരിപ്പിക്കാൻ കരൺ ജോഹർ യഷിനെ സമീപിച്ചിരുന്നുവെന്നും എന്നാൽ അദ്ദേഹം അത് നിരസിച്ചുവെന്നും മുൻപ് വാർത്തകൾ പുറത്തുവന്നിരുന്നു.