Posted by Web Desk, 01 Sep, 2023
ബിഗ് ബോസ് താരവും സംവിധായകനുമായ അഖില്‍ മാരാരുടെ വൈകാരികമായ വീഡിയോ. എമിറേറ്റ്‌സ് വിമാനത്തിലെ ബിസിനസ് ക്ലാസില്‍ നിന്നാണ് അഖില്‍ വീഡിയോ പങ്കുവച്ചത്. ഷാര്‍ജയില്‍ ഒരു ഓണപരിപാടിയില്‍ പങ്കെടുക്കാനുള്ള യാത്രക്കിടയിലാണ് അഖിലിന്റെ ഫേസ്ബുക്ക് വീഡിയോ.
ആരും ശ്രദ്ധിക്കാതെ, അവഗണിച്ച അവസ്ഥയില്‍ നിന്ന് എമിറേറ്റ്‌സിലെ, ബിസിനസ് ക്ലാസില്‍ ടിക്കറ്റെടുത്ത്, ആവശ്യപ്പെടുന്ന പണം നല്‍കി ക്ഷണിച്ചുകൊണ്ടുപോകുന്ന അവസ്ഥയില്‍ എത്തിയതില്‍ സന്തോഷമുണ്ടെന്ന് അഖില്‍ പറഞ്ഞു.
സംവിധായകനാണെങ്കിലും നാട്ടിലെ ക്ലബുകളില്‍ പോലും വിളിക്കാറില്ല. വിളിക്കുന്നവര്‍ വണ്ടിക്കബലി പോലും തരാതിരിക്കുകയും ചെയ്തിട്ടുണ്ടെന്നും അഖില്‍ പറയുന്നു. ആ അവസ്ഥയില്‍ നിന്ന് ഇത്തരം അവസ്ഥയില്‍ എത്തിയതാണ് ജീവിതം. അത് യുവജനങ്ങള്‍ക്ക് പാഠമാകട്ടെ എന്നു കരുതിയാണ് വീഡിയോ പങ്കുവയ്ക്കുന്നതെന്നും അഖില്‍ പറയുന്നു.
ജീവിതത്തില്‍ എന്തെങ്കിലുമൊക്കെ ആകണമെന്ന് ആഗ്രഹിച്ചു. അതിനായി കുറെ പരിശ്രമിച്ചു. കുറെ ആളുകളുടെ പരിഹാസങ്ങള്‍ കേള്‍ക്കുകയും ചെയ്തിട്ടുണ്ട്.
2013ല്‍ അസിസ്റ്റന്റ് ഡയറക്ടറായി വര്‍ക്ക് ചെയ്ത സിനിമയ്ക്ക് ദേശീയ അവാര്‍ഡ് കിട്ടിയിരുന്നു. അപ്പോഴൊന്നും ആരും ശ്രദ്ധിച്ചിരുന്നില്ല. ആ കാലഘട്ടത്തില്‍ ആരും ഒരു ചെറിയ ക്ലബ്ബില്‍ പോലും ഒരു പരിപാടിക്ക് വിളിച്ചിട്ടില്ല.
സിനിമ സംവിധായകനായി, എഴുത്തുകാരനായി. ഒരുപാട് ചാനല്‍ ചര്‍ച്ചകളില്‍ പങ്കെടുത്തിട്ടുണ്ട്. എന്നിട്ട് പോലും നാട്ടിലെ പോലും ഒരു പല ക്ലബ്ബുകളിലും വിളിച്ചിട്ടില്ല. വിളിച്ചവര്‍ പോലും ചെലവ് കാശ് പോലും തരാതിരിക്കുകയാണ് ചെയ്തിട്ടുള്ളത്.
ആ കാലഘട്ടത്തില്‍ നിന്നും എമിറേറ്റ്‌സില്‍ ബിസിനസ് ക്ലാസില്‍ ചോദിച്ച പൈസയും തന്ന് ഷാര്‍ജയില്‍ ഒരു പരിപാടിക്ക് വിളിക്കുമ്പോള്‍ വ്യക്തിപരമായി അഭിമാനം ഉണ്ടെന്നും അഖില്‍ പറയുന്നു.
ധ്യാനും അജുവും പ്രധാന വേഷങ്ങളില്‍, നദികളില്‍ സുന്ദരി യമുന സെപ്റ്റംബര്‍ 15 ന്
വെള്ളം സിനിമയിലെ യഥാര്‍ത്ഥ കഥാപാത്രമായ വാട്ടര്‍മാന്‍ മുരളി അവതരിപ്പിക്കുന്ന നദികളില്‍ സുന്ദരി യമുന എന്ന ചിത്രം സെപ്റ്റംബര്‍ 15 ന് തിയേറ്ററുകളിലേക്ക്. സിനിമാറ്റിക്ക ഫിലിംസ് എല്‍എല്‍.പിയുടെ ബാനറില്‍ വിലാസ് കുമാര്‍, സിമി മുരളി കുന്നുംപുറത്ത് എന്നിവര്‍ ചേര്‍ന്ന് നിര്‍മ്മിക്കുന്ന ചിത്രം തിരക്കഥയെഴുതി സംവിധാനം ചെയ്യുന്നത് നവാഗതരായ വിജേഷ് പാണത്തൂര്‍, ഉണ്ണി വെള്ളാറ എന്നിവര്‍ ചേര്‍ന്നാണ്. ധ്യാന്‍ ശ്രീനിവാസനാണ് ചിത്രത്തിലെ നായകന്‍. ക്രെസന്റ് റിലീസ് ത്രൂ സിനിമാറ്റിക്ക ഫിലിംസാണ് ചിത്രത്തിന്റെ വിതരണം.
കണ്ണൂരിലെ നാട്ടുമ്പുറങ്ങളാണ് ഈ ചിത്രത്തിന്റെ പശ്ചാത്തലം. ഇവിടുത്തെ സാധാരണക്കാരായ മനുഷ്യര്‍, അവര്‍ക്കിടയിലെ കണ്ണന്‍, വിദ്യാധരന്‍ എന്നീ രണ്ട് യുവാക്കളുടെ കഥയാണ് ചിത്രം പറയുന്നത്. കണ്ണനെ ധ്യാന്‍ ശ്രീനിവാസനും വിദ്യാധരനെ അജു വര്‍ഗീസും അവതരിപ്പിക്കുന്നു.
സുധീഷ്, നിര്‍മ്മല്‍ പാലാഴി, കലാഭവന്‍ ഷാജോണ്‍, നവാസ് വള്ളിക്കുന്ന്, അനീഷ്, പാര്‍വ്വണ, ആമി, ഉണ്ണിരാജ, ഭാനുപയ്യന്നൂര്‍, ദേവരാജ് കോഴിക്കോട്, രാജേഷ് അഴിക്കോടന്‍, സോഹന്‍ സിനുലാല്‍, ശരത് ലാല്‍, കിരണ്‍ രമേശ്, വിസ്മയ ശശികുമാര്‍ എന്നിവരും നിരവധി പുതുമുഖങ്ങളും ഈ ചിത്രത്തില്‍ അണിനിരക്കുന്നു.
മനു മഞ്ജിത്തിന്റെയും ഹരിനാരായണന്റെയും വരികള്‍ക്ക് അരുണ്‍ മുരളീധരന്‍ ഈണം പകര്‍ന്നിരിക്കുന്നു. ശങ്കര്‍ ശര്‍മയാണ് ബി.ജി.എം. സരിഗമയാണ് ചിത്രത്തിന്റെ ഗാനങ്ങളുടെ റൈറ്റ്‌സ് സ്വന്തമാക്കിയിരിക്കുന്നത്. ചിത്രത്തിന്റെ തിയേറ്റര്‍ റിലീസിന് ശേഷമുള്ള ഒ.ടി.ടി റൈറ്റ്‌സ് പ്രമുഖ ഒ.ടി.ടി. കമ്പനിയായ എച്ച് ആര്‍ ഒടിടിയാണ് സ്വന്തമാക്കിയിരിക്കുന്നത്.
ഫൈസല്‍ അലി ഛായാഗ്രഹണവും രതിന്‍ രാധാകൃഷ്ണന്‍ എഡിറ്റിംഗും നിര്‍വ്വഹിക്കുന്നു. കലാസംവിധാനം അജയന്‍ മങ്ങാട്, മേക്കപ്പ് ജയന്‍ പൂങ്കുളം, കോസ്റ്റ്യും ഡിസൈന്‍ സുജിത് മട്ടന്നൂര്‍, ചീഫ് അസ്സോസ്സിയേറ്റ് ഡയറക്ടര്‍: പ്രിജിന്‍ ജെസ്സി, പ്രോജക്ട് ഡിസൈന്‍ അനിമാഷ്, വിജേഷ് വിശ്വം, കളറിസ്റ്റ് ലിജു പ്രഭാകര്‍, സൗണ്ട് ഡിസൈന്‍ ശ്രീജിത്ത് ശ്രീനിവാസന്‍, സൗണ്ട് മിക്‌സിങ് വിപിന്‍നായര്‍.
ഫിനാന്‍സ് കണ്‍ട്രോളര്‍ അഞ്ജലി നമ്പ്യാര്‍, പ്രൊഡക്ഷന്‍ മാനേജര്‍ മെഹമൂദ്, പ്രൊഡക്ഷന്‍ എക്സിക്യുട്ടീവ്സ് പ്രസാദ് നമ്പ്യാങ്കാവ്, അനീഷ് നന്ദിപുലം, പ്രൊഡക്ഷന്‍ കണ്‍ട്രോളര്‍ സജീവ് ചന്തിരൂര്‍, പി.ആര്‍.ഒ വാഴൂര്‍ ജോസ്, ആതിര ദില്‍ജിത്ത്, ഫോട്ടോ സന്തോഷ് പട്ടാമ്പി, ഡിജിറ്റല്‍ മാര്‍ക്കറ്റിംഗ്അനൂപ് സുന്ദരന്‍, പ്രൊമോഷന്‍ സ്റ്റില്‍സ് രോഹിത്കെ സുരേഷ്.
Chris Hemsworths relationship with India goes beyond the time he visited the nation to shoot his Film Extraction. India is the name of the Actors little girl, and here is the story behind it
The 64th Filmfare Awards which was held in Jio Gardens in Mumbai had a lot of glamorous attractions. King Khan with several other stars hosted the event with elegance.
After postponing the elimination, there was a hate campaign in asianet, that asianet is postponing the elimination to protect Ranjini Haridas.
Elasti-Girl (Helen Parr) is given a mission to save the world, while Mr. Incredible (Bob Parr) have to look after the Home and the Kids
