ചലച്ചിത്ര സംവിധായകന്‍ രാജേഷ് വടകോട് സംവിധാനം ചെയ്യുന്ന മ്യൂസിക്കല്‍ ഷോര്‍ട്ട് ഫിലിം അവള്‍ റിലീസിന് തയ്യാറെടുക്കുന്നു. മനോഹരമായ തീമുകളിലൂടെ ഭാവതീവ്രമായ പ്രണയകഥകള്‍ പറഞ്ഞ നിരവധി ഷോര്‍ട്ട് ഫിലിമുകള്‍ രാജേഷ് വടകോട് സംവിധാനം ചെയ്തിട്ടുണ്ട്.

ഒരു കുഞ്ഞു പ്രണയം സൂപ്പര്‍ ഹിറ്റായിരുന്നു. അവയുടെ വെറൈറ്റി സിഗ്‌നേച്ചര്‍ ആണ് രാജേഷിനെ സിനിമയിലേക്ക് അടുപ്പിച്ചത്. അമ്മക്കനല്‍ എന്ന ആദ്യത്തെ സിനിമയില്‍ അമ്മയായി വന്നത് കാലടി ഓമന ആയിരുന്നു.

മഹാമാരിയില്‍ ഓ.ടി.ടി.യില്‍ റിലീസ് ചെയ്ത അമ്മക്കനല്‍ ഏറെ അഭിനന്ദനങ്ങള്‍ക്കും അനുമോദനങ്ങള്‍ക്കും അര്‍ഹമായി. അമ്മക്കനല്‍ യൂട്യൂബിലും പ്രദര്‍ശനം തുടയാണ്.

അരനൂറ്റാണ്ട് കാലമായി അഭിനയ രംഗത്തുള്ള കാലടി ഓമനയ്ക്ക്, കാലം കനിഞ്ഞു നല്‍കിയ അഭിനയ പ്രധാനമായ അമ്മ വേഷമായിരുന്നു ഇതില്‍ .18 മിനിറ്റ് ദൈര്‍ഘ്യമുള്ള പ്രണയകഥയാണ് അവള്‍ എന്ന മ്യൂസിക് ഷോര്‍ട്ട് ഫിലിം.

നാലു കാലഘട്ടങ്ങളിലൂടെ നാലു ഗാന രംഗങ്ങള്‍ കോര്‍ത്തിണക്കിയ ഈ പ്രണയകഥയില്‍ നായക വേഷത്തില്‍ എത്തുന്നത് സംവിധായകന്‍ രാജേഷ് വടകോട് തന്നെയാണ്.

അരുണ.കെ.എസ് , അനു നിവി, അഭിനന്ദ്, പാര്‍വതി, ജയചന്ദ്രന്‍ , അജയ് കൃഷ്ണ ബാബുജി എന്നിവരാണ് മറ്റു പ്രധാന അഭിനേതാക്കള്‍ .അജേഷ് കൃഷ്ണ ക്യാമറയും സന്ദീപ് എഡിറ്റിങ്ങും അഭിലാഷ് കലാസംവിധാന വും സന്ധ്യാരാജേഷ് മേക്കപ്പും നിര്‍വഹിച്ചിരിക്കുന്നു.

ശ്രീനാഥ് .എസ്.വിജയ് ആണ് ഗാനരചനയും സംഗീതവും നല്‍കിയിരിക്കുന്നത്.മൂര്‍ത്തി കൃഷ്ണന്‍, അഖില്‍ എന്നിവരോടൊപ്പം ശ്രീനാഥ്. എസ്.വിജയും ഗാനങ്ങള്‍ ആലപിച്ചിരിക്കുന്നു.

പതിനഞ്ചോളം ഷോര്‍ട്ട് ഫിലിമുകള്‍ സംവിധാനം ചെയ്ത രാജേഷ് വടകോട് രണ്ടാമത്തെ സിനിമയുടെ പോസ്റ്റ് പ്രൊഡക്ഷന്‍ തിരക്കുകള്‍ക്കിടയിലാണ് അവള്‍ എന്ന ഷോര്‍ട്ട് ഫിലിം തയ്യാറാക്കിയത്.

രഘു 32 ഇഞ്ച് എന്നാണ് പുതിയ ചിത്രത്തിന്റെ പേര്. കൃഷ്ണ പ്രൊഡക്ഷന്‍സിന്റെ ബാനറില്‍ നിര്‍മ്മിച്ചിരിക്കുന്ന അവള്‍ ഉടനെ റിലീസ് ചെയ്യുന്നു.
ആകാശ്