ബാഹുബലിയായെത്തിയ പ്രഭാസിനൊപ്പം തന്നെ ആരാധകരുണ്ട് ചിത്രത്തിലെ പ്രതിനായക വേഷത്തിൽ എത്തിയ റാണ ദഗുബാട്ടിയ്ക്ക്. ചിത്രത്തിലെ വില്ലൻ വേഷം അതിമനോഹരമായാണ് റാണ അവതരിപ്പിച്ചത്.

ബാഹുബലിയിലെ വേഷത്തിന് ശേഷം നിരവധി സിനിമകളിൽ നായകനായും സഹനടനായുമൊക്കെ റാണ തിളങ്ങി.

എന്നാൽ വളരെ പെട്ടെന്ന് റാണ സിനിമയിൽ നിന്ന് ചെറിയ ഒരു ഇടവേള എടുത്തു. വൃക്ക സംബന്ധമായ അസുഖത്തെ തുടർന്നുള്ള ചികിത്സകൾക്കായിരുന്നു റാണ സിനിമയിൽ നിന്ന് കുറച്ചു നാൾ മാറി നിന്നത്.

ALSO READ

ആ റോൾ ചെയ്ത ശേഷം ഇന്‍സ്റ്റഗ്രാമില്‍ കുറെ പേര്‍ അണ്‍ഫോളോ ചെയ്ത് പോയി, സ്വാസിക

ഇപ്പോൾ സിനിമയിൽ വീണ്ടും സജീവമാണ് താരം. നെറ്റ്ഫ്ലിക്സിലൂടെ പുറത്തിറങ്ങിയ റാണ നായിഡു എന്ന സീരിസാണ് താരത്തിന്റേതായി ഒടുവിൽ പ്രേക്ഷകരിലേക്കെത്തിയത്.

ഈ മാസം പത്തിനാണ് സീരിസ് റിലീസ് ചെയ്തത്. ഇപ്പോഴിത സീരിസിന്റെ പ്രൊമോഷന്റെ ഭാഗമായി നെറ്റ്ഫ്ലിക്സ് ഇന്ത്യയുമായി റാണ നടത്തിയ ഒരഭിമുഖത്തിൽ പറഞ്ഞ കാര്യങ്ങളാണ് സോഷ്യൽ മീഡിയയിൽ വൈറലാകുന്നത്. ബാഹുബലിയേക്കുറിച്ചായിരുന്നു റാണയോട് അവതാരകൻ ചോദിച്ചത്.

ALSO READ

എന്റെ ശരീരത്ത് തൊട്ടാൽ എനിക്ക് ദേഷ്യം വരും മുഖം നോക്കാതെ പ്രതികരിക്കും, ദിവ്യ എം. നായർ

എസ്.എസ് രാജമൗലി ചിത്രത്തിൽ ബാഹുബലി എന്ന കഥാപാത്രത്തെ അവതരിപ്പിക്കാൻ കഴിയാത്തതിൽ വിഷമം ഉണ്ടായിരുന്നോ എന്നായിരുന്നു റാണയോട് ചോദിച്ചത്. എന്നാൽ ചോദ്യത്തിന് വളരെ രസകരമായിട്ടായിരുന്നു റാണ മറുപടി പറഞ്ഞത്.

ഇല്ല, പക്ഷേ എന്നെ കൊല്ലാൻ രണ്ട് ബാഹുബലികൾ വേണമായിരുന്നു എന്നാണ് റാണ പറഞ്ഞത്. ജീവിതം അങ്ങനെയാണെന്നും താരം കൂട്ടിച്ചേർത്തു.

2015ലായിരുന്നു ബാഹുബലി ദ് ബിഗിനിങ് തീയേറ്ററുകളിലെത്തിയത്. പ്രഭാസ്, അനുഷ്ക ഷെട്ടി, സത്യരാജ്, രമ്യ കൃഷ്ണൻ, നാസർ എന്നിവരും പ്രധാന വേഷത്തിലെത്തിയിരുന്നു. തെലുങ്ക്, തമിഴ് ഭാഷകളിലായി ചിത്രീകരിച്ച ബാഹുബലി മലയാളമുൾപ്പടെ ആറു ഭാഷകളിൽ മൊഴി മാറ്റിയെത്തിയിരുന്നു.

2017ലായിരുന്നു ബാഹുബലിയുടെ രണ്ടാം ഭാഗമെത്തിയത്. ബാഹുബലി ദ് കൺക്ലൂഷൻ എന്നായിരുന്നു രണ്ടാം ഭാഗത്തിന്റെ പേര്. മഹേന്ദ്ര ബാഹുബലി, അമരേന്ദ്ര ബാഹുബലി എന്നീ കഥാപാത്രങ്ങളായാണ് ബാഹുബലിയിൽ പ്രഭാസെത്തിയത്.

ബോക്സോഫീസിൽ റെക്കോർഡുകൾ തകർക്കുകയും ചെയ്തിരുന്നു ബാഹുബലി. 2017ൽ പുറത്തിറങ്ങിയ റേ ഡൊനൊവൻ എന്ന സീരിസിന്റെ ഇന്ത്യൻ വേർഷനാണ് റാണ നായിഡു. വെങ്കിടേഷ്, സുർവീൻ ചൗള, സുശാന്ത് സിങ്, അഭിഷേക് ബാനർജി, ഗൗരവ് ചോപ്ര തുടങ്ങി വൻ താരനിരയാണ് സീരിസിൽ അണിനിരന്നത്.