തനിക്ക് എപ്പോഴും സംരക്ഷിക്കാൻ തോന്നുന്ന, പൊസസീവ്‌നെസ് തോന്നുന്ന വ്യക്തിയാണ് സാമന്തയെന്ന് രശ്മിക മന്ദാന. അവരോട് ആരാധനയാണെന്നും നല്ലത് വരണമെന്ന് മാത്രമാണ് ആഗ്രഹിക്കുന്നതെന്നും ഗുൾട്ടി ഡോട്ട് കോമിന് നൽകിയ അഭിമുഖത്തിൽ രശ്മിക പറഞ്ഞു.

സാമന്ത ഒരു വണ്ടർഫുൾ ലേഡിയാണ്. അവൾക്ക് മനോഹരമായ ഒരു ഹൃദയമുണ്ട്. എനിക്ക് എപ്പോഴും പ്രൊട്ടക്ട് ചെയ്യാൻ തോന്നുന്ന വ്യക്തിയാണ്. അവളുടെ കാര്യത്തിൽ ഞാനൊരു പൊസസീവ് മമ്മിയാണ്, രശ്മിക പറഞ്ഞു.

സാമന്തയെ ബാധിച്ച ഓട്ടോ ഇമ്യൂൺ അസുഖത്തെ പറ്റിയും രശ്മിക സംസാരിച്ചു. അവളുടെ പോസ്റ്റ് കാണുമ്പോഴാണ് ഞാനും അക്കാര്യത്തെ പറ്റി അറിയുന്നത്. ഇതിനെ പറ്റി മറ്റുള്ളവർ അറിയാൻ സമയമായി എന്ന് തോന്നുന്നത് വരെ സാമന്ത അതിനെ പറ്റി സംസാരിക്കുമെന്ന് എനിക്ക് തോന്നുന്നില്ല. അവൾക്ക് നല്ലത് വരണമെന്ന് മാത്രമാണ് ഞാൻ ആഗ്രഹിക്കുന്നത്. അവളോട് എപ്പോഴും ആരാധനയാണ്.

ALSO READ

ഒടുവിൽ നവ്യയെ മുന്നിലിരുത്തി സ്വാമിമാർ ആന്തരികാവയവങ്ങൾ തേച്ചുകഴുകി

നേരിടുന്ന പോരാട്ടങ്ങളെല്ലാം വിജയിക്കണമെന്ന് നമ്മൾ ആഗ്രഹിക്കുന്ന ചിലരുണ്ടല്ലോ. സാമന്തയെ പറ്റി ഞാൻ ചിന്തിക്കുന്നത് അങ്ങനെയാണ്.

അവളെ പറ്റി എപ്പോഴും പൊസസീവായിരിക്കുന്ന വ്യക്തി തന്നെയായിരിക്കും ഞാൻ. വളരെ പ്രസന്നയായ കരുതലുള്ള സ്‌നേഹമുള്ള വ്യക്തിയാണ് സാമന്ത. അവൾക്ക് എല്ലാവരുടെയും സ്‌നേഹം ലഭിക്കട്ടെ, രശ്മിക പറഞ്ഞു.

ഞാനിപ്പോൾ ഒന്നിൽ കൂടുതൽ ഭാഷകളിൽ അഭിനയിച്ചിട്ടുണ്ട്. പ്രാദേശികമായ ഭാഷകൾ സംസാരിക്കുമ്പോഴും ആ ഭാഷയിലെ സിനിമകൾ ചെയ്യുമ്പോഴും അവരോട് കൂടുതൽ അടുക്കുന്നതായി തോന്നിയിട്ടുണ്ട്.

പുതിയ ഭാഷ പഠിക്കാൻ വളരെ ബുദ്ധിമുട്ടാണ്. തുടർച്ചയായി ഇരുന്ന് എഴുതി പഠിക്കേണ്ടി വരും. നമ്മൾ പണ്ട് പരീക്ഷ എഴുതുമ്പോൾ ഇടക്ക് പ്രാർത്ഥിക്കില്ലേ. ഇപ്പോൾ എന്റെ ജീവിതം മുഴുവൻ അങ്ങനെയാണ്. എത്രയും അധ്വാനം ചെയ്യുന്നോ അത്രയും സ്‌നേഹം തിരികെ ലഭിക്കും, രശ്മിക പറഞ്ഞു.

ശന്തനു ഭാഗ്ജി സംവിധാനം ചെയ്ത ബോളിവുഡ് ചിത്രം മിഷൻ മഞ്ജുവാണ് ഏറ്റവും ഒടുവിൽ വന്ന രശ്മികയുടെ റിലീസ്. സിദ്ധാർത്ഥ നായകനായ ചിത്രം ജനുവരി 20നാണ് റിലീസ് ചെയ്തത്. ഭൂമിക ചൗള, ഷാരിബ് ഹഷ്മി, പരമീത് സേതി എന്നിവരാണ് മറ്റ് കഥാപാത്രങ്ങളെ അവതരിപ്പിച്ചത്.

ഇന്ത്യൻ സിനിമാ ലോകം കാത്തിരിക്കുന്ന പുഷ്പ 2 ആണ് രശ്മികയുടെ പുതിയ പ്രൊജക്ടുകളിലൊന്ന്. അല്ലു അർജുൻ നായകനാവുന്ന ചിത്രത്തിൽ ഫഹദ് ഫാസിലാണ് വില്ലൻ കഥാപാത്രത്തെ അവതരിപ്പിക്കുന്നത്. സുകുമാറാണ് സംവിധാനം.