മോഡലിങ്ങിൽ നിന്നും സിനിമയിലേക്ക് എത്തിയ താരമാണ് തമന്ന ഭാട്ടിയ. തെന്നിന്ത്യൻ സിനിമയിൽ തന്റേതായൊരു വ്യക്തിമുദ്ര പതിപ്പിച്ച താരം മുൻനിര നായകന്മാരുടെയെല്ലാം നായികയായി അഭിനയിച്ചിട്ടുണ്ട്.

താരത്തിന്റെ കരിയറിൽ വലിയൊരു ബ്രേക്ക് കൊണ്ടുവന്ന ചിത്രമായിരുന്നു ബാഹുബലി. ചിത്രത്തിലെ അഭിനയം തമന്നക്ക് ബോളിവുഡിലും നിരവധി ആരാധകരെയാണ് നേടിക്കൊടുത്തത്.

തുടക്കത്തിൽ ഗ്ലാമർ വേഷങ്ങൾ ചെയ്തിരുന്ന താരം ഇപ്പോൾ കൂടുതൽ അഭിനയ പ്രാധാന്യമുള്ള വേഷങ്ങളാണ് തിരഞ്ഞെടുക്കുന്നത്.  

ഹോട്ട് സ്റ്റാറിൽ പുറത്തിറങ്ങിയ നവംബർ സ്റ്റോറി എന്ന സീരീസിലെ തമന്നയുടെ പ്രകടനം ഏറെ പ്രക്ഷക പ്രശംസ നേടിയിരുന്നു.

കരിയറിൽ തിളങ്ങുമ്പോഴും വ്യക്തി ജീവിതത്തിൽ സ്വകാര്യത കാത്ത് സൂക്ഷിക്കാൻ ഇഷ്ട്ടപെടുന്ന താരമാണ് തമന്ന. അതുകൊണ്ട് തന്നെ ഗോസിപ്പുകളിൽ താരം നിറയുന്നത് വളരെ അപൂർവമായി മാത്രമാണ്.

എന്നാൽ ഇപ്പോൾ നടിയുടെ പ്രണയ ബന്ധത്തെ കുറിച്ച് പുറത്ത് വരുന്ന വാർത്തകൾ സിനിമ ലോകത്തിന് അകത്തും പുറത്തും ചർച്ചാവിഷയം ആവുകയാണ്.

തമന്നയും നടൻ വിജയ് വർമ്മയും തമ്മിലുള്ള പ്രണയമാണ് വാർത്തകളിൽ ഇടം നേടുന്നത്. തമന്നയും വിജയ് വർമ്മയും ഗോവയിൽ ന്യൂ ഇയർ ആഘോഷത്തിനിടെ ചുംബിക്കുന്നതിന്റെ വീഡിയോ ഇൻസ്റ്റാഗ്രാമിൽ വൈറലായിരുന്നു.

വീഡിയോ വ്യക്തമായിരുന്നില്ലെങ്കിൽ പോലും സോഷ്യൽ മീഡിയ വലിയ ആരവത്തോടെയാണ് ഇത് ഏറ്റെടുത്തത്. ഇരുവരും പ്രണയത്തിലാണെന്ന തരത്തിലുള്ള വാർത്തകളും പുറത്ത് വന്നു.

അടുത്തിടെ ഒരു അവാർഡ് ഷോയിൽ ഇരുവരും ഒരുമിച്ച് പോസ് ചെയ്യുകയും ചെയ്‌തു. ഇത് അവരുടെ ബന്ധത്തെക്കുറിച്ചുള്ള ഊഹാപോഹങ്ങൾക്ക് ആക്കം കൂട്ടി. ഇരുവരും ഇതുവരെ ഈ വാർത്തകളോട് പ്രതികരിച്ചിട്ടില്ല.

 
അടുത്തിടെ തമന്ന ഇൻസ്റ്റാഗ്രാമിൽ പങ്കുവച്ച വീഡിയോക്ക് വിജയ് വർമ്മ നൽകിയ കമന്റ് ആണ് ഇപ്പോൾ സോഷ്യൽ മീഡിയയിൽ വൈറൽ ആവുന്നത്.

ചുവപ്പ് നിറത്തിലുള്ള ഔട്ട്ഫിറ്റിൽ തമന്ന പോസ് ചെയ്യുന്ന വിഡിയോ ആണ് ഇൻസ്റ്റാഗ്രാമിൽ താരം പങ്കുവച്ചത്. മനോഹരമായ വസ്ത്രങ്ങളും മനോഹരമായ സ്ഥലങ്ങളും ഏറ്റവും മനോഹരമായ ചിത്രങ്ങൾ ഉണ്ടാക്കുന്നു എന്ന അടിക്കുറുപ്പും താരം ചിത്രത്തോടൊപ്പം പങ്കുവച്ചിരുന്നു.

നിരവധി ആരാധകരാണ് ചിത്രത്തിന് താഴെ കമ്മന്റുകളുമായി എത്തിയത്. എന്നാൽ ഇതിൽ ഏറെ ശ്രദ്ധിക്കപ്പെട്ടത് വിജയ് വർമ്മയുടെ കമന്റ് ആണ് തീയുടെയും ഫയർ എക്സ്റ്റിങ്ഗ്യൂഷറുടെയും ഫയർ എന്ജിന്റെയും ഇമോജിയാണ് താരം കമന്റായി ഇട്ടത്.

ഇത് ആരാധകരെ ആവേശത്തിലാഴ്ത്തി. ലസ്റ്റ് സ്റ്റോറീസ് 2വിന്റെ സെറ്റിൽ വച്ചാണ് ഇരുവരും അടുപ്പത്തിലായതെന്ന് റിപ്പോർട്ടുകൾ ഉണ്ട്. സുജോയ് ഘോഷ് സംവിധാനം ചെയ്യുന്ന ചിത്രം നെറ്റ്ഫ്ലിക്സിലാവും റിലീസ് ചെയ്യുക.