തെറി, മെര്‍സല്‍ എന്നീ ചിത്രങ്ങള്‍ക്ക് ശേഷം അറ്റ്‌ലി കുമാറും ഇളയദളപതിയും ഒന്നിക്കുന്ന ചിത്രത്തിന്റെ ഷൂട്ടിങ് ചെന്നൈയിൽ പുരോഗമിക്കുന്നു.ദളപതി 63 എന്ന് താത്കാലികമായി പേരിട്ട ചിത്രം ദീപാവലിക്ക് തിയേറ്ററുകളിലെത്തും.വിജയ് യുടെ 63മത് ചിത്രമാണിത്. ചിത്രത്തിന്റെ പകുതിയോളം ഭാഗങ്ങളുടെ ചിത്രീകരണം പൂർത്തിയായി. ചിത്രത്തിന്റെ ക്ലൈമാക്സ് രംഗങ്ങൾക്കായി ചെന്നൈയിൽ ഇ .വി .എം സ്റ്റുഡിയോയിൽ ആറ് കോടിയുടെ സെറ്റ് ഉയർന്നുകഴിഞ്ഞു.ഫുട്‌ബോൾ കൊച്ചിന്റെ വേഷത്തിലാണ് വിജയ് ചിത്രത്തിലെത്തുന്നത്.

വിജയ്‍യും സുഹൃത്ത് കതിറും കോളേജ് മുതൽ ഊറ്റസുഹൃത്തുക്കളാണ്. ലോക നിലവാരത്തിലുള്ള ഫുട്ബാൾ ടീം ഉണ്ടാകണമെന്ന ആഗ്രഹത്തിൽ ഇരിക്കെ കതിർ കൊല്ലപ്പെടുകയും പിന്നീട് വിജയ് കൊലയാളികളെ കണ്ടെത്തുന്നതും പ്രതികാരം ചെയ്ത് കതിറിന്റെ ആഗ്രഹപ്രകാരം ഫുട്ബാൾ ടീം ഉണ്ടാക്കി അതിന്റെ കോച്ചായി വിജയ് എത്തുന്നതുമാണ് ചിത്രത്തിന്റെ കഥാപശ്ചാത്തലം . ചിത്രത്തിൽ നായികയായി എത്തുന്നത് ലേഡി സൂപ്പർസ്റ്റാർ നയൻതാരയാണ്. നയൻതാരയുടെ ഭാഗങ്ങളും , ചിത്രത്തിലെ പ്രധാനപ്പെട്ട രണ്ട് സംഘട്ടന രംഗത്തിന്റെയും ചിത്രീകരണം പൂർത്തിയായി.

10 വർഷത്തിനു ശേഷമാണ് നയൻസും വിജയും വീണ്ടും ഒരുമിക്കുന്നത്.വില്ല് എന്ന ചിത്രത്തിന് ശേഷം വിജയ് യും നയന്‍താരയും ജോഡി ചേര്‍ന്ന് അഭിനയിക്കുന്ന ചിത്രത്തില്‍ ഇവരെ കൂടാതെ യോഗി ബാബു, കതിര്‍, ഡാനിയല്‍ ബാലാജി എന്നിവരും കഥാപാത്രങ്ങളായി എത്തുന്നു. ചിത്രത്തിൽ പ്രധാന വേഷത്തിൽ മലയാളി നടി റീബ മോണിക ജോണും എത്തുന്നുണ്ട്. വനിത ഫുട്‌ബോള്‍ ടീം താരമായാണ് നടി ചിത്രത്തിൽ എത്തുന്നത്. ചിത്രം പക്ക കോമേഷ്യൽ ചിത്രമാക്കാനുള്ള ശ്രമമാണ് അറ്റ്ലി.

എ ആര്‍ റഹ്മാനാണ് ചിത്രത്തിനുവേണ്ടി സംഗീത സംവിധാനം നിര്‍വ്വഹിയ്ക്കുന്നത്. ചിത്രത്തിൽ നാല് പാട്ടുകളുണ്ട് .വിജയ്‍യും നാലുകുട്ടികളൂം ചേർന്നുള്ള മനോഹരമായ പാട്ടിന്റെ ചിത്രീകരണം കഴിഞ്ഞു. ഇനി മൂന്ന് പാട്ടുകൾകൂടി ചിത്രീകരിക്കാനുണ്ട്. ജികെ വിഷ്ണു ഛായാഗ്രഹണം നിര്‍വ്വഹിയ്ക്കുന്ന ചിത്രം എജിഎസ് എന്റര്‍ടൈന്‍മെന്റാണ് നിര്‍മിയ്ക്കുന്നത്. ജൂലൈ മാസത്തോടെ ചിത്രത്തിന്റെ ഷൂട്ടിങ് പൂർണമായി അവസാനിക്കും. ദീപാവലിക്ക് ചിത്രം തിയേറ്ററിലെത്തിക്കാനാണ് അറ്റ്ലിയുടെ തീരുമാനം.