അഡ്‌വെഞ്ചേഴ്‌സ് ഓഫ് ഓമനക്കുട്ടൻ എന്ന സിനിമയുടെ വലിയ ആരാധകൻ ആണെന്ന് പറഞ്ഞുകൊണ്ട് തുടങ്ങട്ടെ.കഴിഞ്ഞ വർഷത്തെയും ആസിഫ് അലിയുടെ കരിയറിലെയും ഏറ്റവും മികച്ച സിനിമകളുടെ പട്ടികയിലാണ് ഞാൻ അഡ്‌വെഞ്ചേഴ്‌സ് ഓഫ് ഓമനക്കുട്ടനെ കാണുന്നത്.ആ കൂട്ടുകെട്ട് വീണ്ടും ഒരു സിനിമയ്ക്കായി ,അതും ഒരു മുഴുനീള ഫാന്റസി ചിത്രത്തിനായി ഒന്നിക്കുന്നു എന്നത് ഇബ്ലീസിനായി കാത്തിരിക്കുവാൻ എന്നിലെ സിനിമാ പ്രേമിയെ പ്രേരിപ്പിച്ചു.

ഇബ്ലീസിലേക്ക് വരുമ്പോൾ ,സൂചിപ്പിച്ചതുപോലെ ചിത്രം ഒരു ആദ്യാവസാന ഫാന്റസി ചിത്രമാണ്.ഫാന്റസി ലോകത്ത് കഥ ആയതുകൊണ്ട് തന്നെ ഇവിടെ ഭാവനകൾക്ക് അതിരുകളില്ല.ഈ അതിരുകൾ ഇല്ലായ്മയാണ് ഈ സിനിമയുടെ ഏറ്റവും വലിയ മേന്മയാണ്.സംവിധായകനും തിരക്കഥാകൃത്തും മലയാള സിനിമയ്ക്ക് ഇതുവരെ പരിചിതമല്ലാത്ത ഒരു കഥാപരിസരത്തിലേക്കും കഥാപാത്രങ്ങളിലേക്കും കൂട്ടികൊണ്ട് പോകുന്നു.

ഒരു അസാധ്യ തീം ആണ് സിനിമയുടേത്.ആദ്യ ഫ്രയ്ം തൊട്ട് അടുത്തത് എന്ത് അടുത്തത് എന്ത് എന്ന് കാണുവാനുള്ള ഓരോ നിമിഷവും വർദ്ധിച്ചുകൊണ്ടേ ഇരുന്നു.മേക്കിങ്ങിലേക്ക് വരുമ്പോൾ മേക്കിങിന്റെ അനന്ത സാധ്യതകൾ സംവിധായകൻ രോഹിത് ഇവിടെ ഫലപ്രദമായി ഉപയോഗിച്ചു.ഓമനക്കുട്ടനിൽ എന്തെങ്കിലും അപാകത വന്നിട്ടുണ്ടെങ്കിൽ അതെല്ലാം മുഴുവനായും അദ്ദേഹം ഈ സിനിമയിൽ മറികടന്നു.രോഹിത് ഇനിയും മലയാള സിനിമയിൽ കാണണം ഇത്തരം വ്യത്യസ്ത കഥകളുമായി.

അഭിനയിച്ച എല്ലാവരും ഒന്നിനൊന്ന് മികച്ചു നിന്നു,പ്രത്യേകിച്ച് ലാൽ.ആസിഫ് അലി ,മഡോണ,സിദ്ദിഖ്,സൈജു കുറുപ്പ് തുടങ്ങി എല്ലാവരും ഗംഭീരമാക്കി.ക്യാമറയുടെ മൊബിലിറ്റി ചില സമയങ്ങളിൽ കല്ലുകടിയുണ്ടാക്കി.പാട്ടുകൾ പശ്ചാത്തല സംഗീതവും കൊള്ളാം

നബി : ഓമനക്കുട്ടൻ പോലെ തന്നെ എല്ലാവർക്കും ഇഷ്ടപ്പെടാൻ സാധ്യത ഇല്ലാത്ത ഒരു സിനിമയാണ് ഇബ്‌ലീസും.മലയാള സിനിമ ഇന്നേവരെ പരീക്ഷിക്കാത്ത ഒരു ഫ്രഷ് ശ്രമം .സിനിമയുടെ കഥ എന്താണെന്ന് ഒരു ഊഹം പോലുമില്ലാതെ ഒരു മുഴുനീള ഫാന്റസി സിനിമ കാണുവാനാണ് പോകുന്നതെന്ന ബോധ്യത്തോടെ പല മുൻ ധാരണകളെയും മാറ്റി നിർത്തി ഈ സിനിമ കണ്ടാൽ നിങ്ങളെ കാത്തിരിക്കുന്നത് 2 മണിക്കൂറിന്റെ അത്ഭുത ലോകമാണ്.