ഏറെ നാളത്തെ കാത്തിരിപ്പുകൾക്ക് ശേഷം കുട്ടനാടിൻറെ ദൃശ്യഭംഗിയും നന്മ നിറഞ്ഞ മനുഷ്യരുടെ വിശേഷങ്ങളുമായി കുട്ടനാടൻ ബ്ലോഗ് തിയേറ്ററുകളിലെത്തി. മികച്ച പ്രതികരണമാണ് എല്ലാ കേന്ദ്രങ്ങളിൽ നിന്ന് കിട്ടി കൊണ്ടിരിക്കുന്നത്.ഏറെ നാളുകൾക്ക് ശേഷമാണ് മലയാളത്തിന്റെ മെഗാസ്റ്റാർ ഏട്ടൻ വേഷത്തില്‍ എത്തുന്നത്, മമ്മൂട്ടിയെ കൂടാതെ സിദ്ധീഖ് ,നെടുമുടി വേണു, സണ്ണി വെയ്ൻ ,സംവിധായകൻ ജൂഡ് ആന്റണി ജോസ്, ഗ്രിഗറി, ഷഹീൻ സിദ്ധീഖ് , വിവേക് ഗോപൻ, ലാലു അലക്സ്, സോഹൻ സീനുലാൽ, സഞ്ജു ശിവറാം ,സ്വാസിക , അനു സിതാര, റായ് ലക്ഷ്മി , ഷംന കാസിം ,തെസ്നി ഖാൻ എന്നിവരും പ്രധാന വേഷങ്ങൾ കൈകാര്യം ചെയ്യുന്നു .സിനിമയുടെ റിവ്യൂ വായിക്കാം.

ഒരു മുഴുനീള ലൈറ്റ് ഹാർട്ടഡ് കോമഡി സിനിമയാണ് കുട്ടനാടൻ ബ്ലോഗ്. ഡ്രാമ ഗണത്തിൽ ഉൾപെടുത്താവുന്ന ഈ സിനിമ തമാശയ്ക്കും സസ്പെൻസിനും തുല്യ പ്രാധാന്യം നൽകിയിരിക്കുന്നു .  ഹരിയേട്ടൻ എന്ന കുട്ടനാടിൻറെ പൊതുസ്വത്തായ  കഥാപാത്രത്തെയാണ് മലയാളത്തിന്റെ മഹാനടൻ  മമ്മൂട്ടി അവിസ്മരണീയമാക്കിയിരിക്കുന്നത് . തിരക്കഥാകൃത്തായ സേതു അതീവ ജാഗ്രതയോടു കൂടിയാണ് തന്റെ ആദ്യ സംവിധാന സംരംഭം ഒരുക്കിയിരിക്കുന്നത് എന്നത് വ്യക്തമാണ് .

ചിത്രത്തിൽ സണ്ണി വെയ്ൻ  പ്രധാന കഥാപാത്രത്തെ മികവോടുകൂടി അവതരിപ്പിച്ചിരിക്കുന്നു . ഹരിയേട്ടന്റെ  കെമിസ്ട്രി  ഓരോ സീനുകളിലും കാഴ്ചക്കാരെ ചിരിയിൽ ആഴ്ത്തുന്നുന്നതിൽ വലിയ പങ്ക് വഹിച്ചിട്ടുണ്ട് . ഇതിൽ മികച്ചുനിന്നത്  പോലീസ് ഓഫീസറുമായിട്ടുള്ള  (ഷംന കാസിം) ഹരിയേട്ടൻടെ  റൊമാൻസ് ആണ് . റായ് ലക്ഷ്മിയും അനു സിത്താരയും അവരവരുടെ കഥാപാത്രങ്ങൾ മികച്ചതാക്കി .ഹരിയേട്ടന്റെ സുഹൃത്തുക്കളായി അഭിനയിച്ച  വിവേക് ഗോപനും സംവിധായകൻ ജൂഡ് ആന്റണി ജോസും ,ഷഹീൻ സിദ്ദിഖും, സഞ്ജുശിവറാമും  ഭേദപ്പെട്ട പ്രകടനം കാഴ്ചവച്ചു .

കുട്ടനാടിന്റെ ദൃശ്യഭംഗി തന്നെയാണ് കുട്ടനാടൻ   ബ്ലോഗിന്റെ ഹൈലൈറ് .നാടിന്റെ  കാഴ്ചഭംഗിയും ഹരിയേട്ടന്റെ സൗന്ദര്യവും ഒപ്പിയെടുക്കുന്നതിൽ  ഛായാഗ്രാഹകൻ  വിജയിച്ചു . സിങ്ക് സൗണ്ട് ടെക്‌നിക്‌ ഉപയോഗിച്ചിരിക്കുന്ന ഈ സിനിമ  കുട്ടനാട്ടുകാർക്ക് ഇടയിലേക്ക്  പ്രേക്ഷകരെ കൊണ്ട്പോയി ഇരുത്തുന്നു .കഥയുടെ ആരംഭവും പുരോഗമനവും അവസാനവും കണ്ട് അറിയേണ്ടത് തന്നയാണ് . ചെറിയ കാര്യങ്ങളിലെ വലിയ വിഷയങ്ങൾ ചർച്ചചെയ്യുന്ന  സിനിമ കണ്ട് ഇറങ്ങുമ്പോൾ നാം എല്ലാവരും ഉള്ളിൽ അറിയാതെ സ്വയം ചോദിച്ചുപോകും .ഇതുപോലൊരു ഹരിയേട്ടൻ നമ്മളുടെ  ജീവിതത്തിലും ഉണ്ടായിരുന്നിലെ എന്നത് , അതാണ്‌ മറ്റൊരു വാസ്തവം .
നന്മയുള്ള കുട്ടനാടിന്റെ കഥകാണാൻ ഹരിയേട്ടനെ കാണാൻ  കുട്ടനാടന്‍ ബ്ലോഗ്ഗ് എന്ന ഈ സിനിമ കാണുക.