Posted by Arunima S, 19 Dec, 2020
ഒരു കുടുംബത്തിന്‍റെ മാനം ആ കുടുംബത്തിലെ പെണ്‍കുട്ടികളെ ആശ്രയിച്ചാണ് ഇരിക്കുന്നത്. കാലങ്ങളായി ഊട്ടിയുറപ്പിക്കപ്പെട്ട ഈ വിശ്വാസം കാരണം ജീവനും ജീവിതവും നഷ്ടപ്പെട്ടവര്‍ ഒന്നല്ല, ഒരുപാടുണ്ട്. കാലം മാറിയാലും മാറ്റാന്‍ തയാറാകാത്ത ഇത്തരം വിശ്വാസങ്ങളെ പൊളിച്ചടുക്കുന്ന സിനിമയാണ് പാവ കഥൈകള്‍. അഭിനയം കൊണ്ടു വ്യത്യസ്ഥമായതും ഉള്ളടക്കം കൊണ്ടു സാമൂഹിക പ്രാധാന്യമുള്ളതുമായ സിനിമയെന്ന് ഇതിനെ വിളിക്കാവുന്നതാണ്.
തമിഴ് ആന്തോളജി ചിത്രമായ പാവ കഥൈകളില്‍ 4 കഥകളാണ് ഉള്‍ക്കൊള്ളിച്ചിരിക്കുന്നത്. സുധാ കൊങ്കര, ഗൌതം വാസുദേവ മേനോന്‍, വിഘ്നേഷ് ശിവന്‍, വെട്രിമാരന്‍ എന്നിവരുടേതാണ് ഇവ. ഓരോന്നും 40 മിനിട്ടിനകത്ത് ദൈര്‍ഘ്യമുള്ള എപ്പിസോഡുകളായിയാണ് നെറ്റ്ഫ്ലിക്സില്‍ അപ്ലോഡ് ചെയ്തിരിക്കുന്നത്. ആമസോണിന്‍റെ പുത്തന്‍ പുതു കാലൈയില്‍ നിന്നും തീര്‍ത്തും വ്യത്യസ്തമായ ഒന്നു കൂടിയാണ് ഈ സിനിമ.
അഞ്ജലി, ഗൗതം മേനോന്‍, കല്‍ക്കി കേക്ല, പ്രകാശ് രാജ്, കാളിദാസ് ജയറാം,സായി പല്ലവി, സിമ്രന്‍ തുടങ്ങിയ വന്‍ താരനിര തന്നെ ചിത്രത്തില്‍ അണിനിരക്കുന്നുണ്ട്. കേന്ദ്ര കഥാപാത്രങ്ങള്‍ ഒക്കെയും കഴിവ് തെളിയിച്ച താരങ്ങള്‍ ആണെന്നതാണ് സിനിമയുടെ പ്രത്യേകത. റോണി സ്ക്രൂവാലയുടെ ആര്‍എസ് വിപി മൂവീസും ഫ്ലൈയിങ് യൂണികോണ്‍ എന്റ‍ര്‍ടെയ്മെന്റും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
മാനുഷിക ബന്ധങ്ങളെ സങ്കീര്‍ണമായി കാണുന്നതിനെ കുറിച്ചു പറയുന്ന ചിത്രത്തില്‍ പ്രണയം, കുടുംബം, ദുരഭിമാനക്കൊല, സ്വവര്‍ഗാനുരാഗം എന്നീ വിഷയങ്ങളാണ് ആധാരമാക്കിയിരിക്കുന്നത്. മനുഷ്യത്വത്തെക്കാളും, രക്തബന്ധത്തെക്കാളും മീതെയാണ് ഇന്നും പലരുടേയും ഉള്ളിലെ ദുരഭിമാനവും കാഴ്ചപ്പാടുകളും എന്നു സിനിമ വ്യക്തമായി പറയുന്നുണ്ട്. അക്കൂട്ടരെ കളിയാക്കാനും മടിക്കുന്നില്ല.
ഇടക്ക് ചെറിയ ലാഗ് തോന്നിയേക്കുമെങ്കിലും പിന്നിട് വരുന്ന സീനുകളിലൂടെ വൈകാരികമായി പ്രേക്ഷകരെ എങ്ങനെ പിടിച്ചിരുത്താം എന്നത് സംവിധായകര്‍ക്ക് നന്നായി അറിയാമായിരുന്നു. കുറച്ചു തമാശയും കൂടുതല്‍ കാര്യവുമായാണ് ഈ കഥകളൊക്കെയും കടന്നു പോകുന്നത്. കൂട്ടത്തില്‍ എടുത്തു പറയേണ്ടത് കാളിദാസ് ജയറാമിന്‍റെ അഭിനയമാണ്. ഒരുപക്ഷേ കാളിദാസിലെ നടനെ മികച്ച രീതിയില്‍ ഉപയോഗിച്ച സിനിമ കൂടിയായിരിക്കുമിത്.
സമൂഹത്തിന്റെ മാറാല പിടിച്ച ചിന്താഗതികള്‍ക്ക് മുന്നിലേക്ക് കാണിക്കുന്ന കണ്ണാടിയാണ് ഈ സിനിമ എന്നതില്‍ സംശയമില്ല.നെറ്റ് ഫ്ലിക്സിന്റെ നല്ലൊരു ഡിസംബര്‍ സമ്മാനമാണ് പാവ കഥൈകള്‍ എന്നു പറയുന്നതാകും കൂടുതല്‍ ഉചിതം.
Chris Hemsworths relationship with India goes beyond the time he visited the nation to shoot his Film Extraction. India is the name of the Actors little girl, and here is the story behind it
The 64th Filmfare Awards which was held in Jio Gardens in Mumbai had a lot of glamorous attractions. King Khan with several other stars hosted the event with elegance.
After postponing the elimination, there was a hate campaign in asianet, that asianet is postponing the elimination to protect Ranjini Haridas.
Elasti-Girl (Helen Parr) is given a mission to save the world, while Mr. Incredible (Bob Parr) have to look after the Home and the Kids
