ഡാ ഞാന്‍ വിളിച്ചതെന്തിനാന്ന് ചോദിക്ക്... നീ, എന്തിനാ? അവസാനത്തെ ടെസ്റ്റും പാസ്സായട... വി കെ ശ്രീരാമന്റെ കുറിപ്പ്!
ഡാ ഞാന്‍ വിളിച്ചതെന്തിനാന്ന് ചോദിക്ക്... നീ, എന്തിനാ? അവസാനത്തെ ടെസ്റ്റും പാസ്സായട... വി കെ ശ്രീരാമന്റെ കുറിപ്പ്!
മമ്മൂട്ടി രോഗമുക്തനായതിന്റെ സന്തോഷം പങ്കുവച്ച് നടനും എഴുത്തുകാരനുമായ വി കെ ശ്രീരാമന്‍. മമ്മൂട്ടിയുമായി നടത്തിയ ഫോണ്‍ സംഭാഷണം സ്വത:സിദ്ധമായ ശൈലിയില്‍ ശ്രീരാമന്‍ ഫേസ്ബുക്കില്‍ പങ്കുവച്ചു. മമ്മൂട്ടിയും ശ്രീരാമനും അടുത്ത സുഹൃത്തുക്കളാണ്.
വി കെ ശ്രീരാമന്റെ കുറിപ്പ്:
നിന്നെ ഞാന്‍ കൊറേ നേരായീലോ വിളിക്കണ്? നീ വളരെ ബിസി ആണ് ലേ?
'ബിസി ആയിട്ട് പൊക്കോണ്ടിരിയ്ക്കായിരുന്നു ഓട്ട്രഷേല്. ഇതിന്റെ സൗണ്ട് കാരണം ഫോണടിച്ചത് അറിഞ്ഞില്ല. '
കാറോ?
'ഡ്രൈവന്‍ വീട്ടിപ്പോയി. ഇന്ദുചൂഡന്‍സ് പ്രദര്‍ദശനത്തിന് വന്നതാ. അത് കഴിഞ്ഞ്, അമൃതേം കഴിഞ്ഞേ ചെറുവത്താനിക്ക് പോവാമ്പറ്റു.
അപ്പ അവന്‍ പോയി..''
ഡാ ഞാന്‍ വിളിച്ചതെന്തിനാന്ന് ചോദിക്ക്... നീ
'എന്തിനാ?'
അവസാനത്തെ ടെസ്റ്റും പാസ്സായട
'ദാപ്പോവല്യേ കാര്യം? ങ്ങള് പാസ്സാവുംന്ന് എനിക്ക് നേരത്തെ അറിയാമായിരുന്നു. '
നീയ്യാര് പടച്ചോനോ?
'ഞാന്‍ കാലത്തിനു മുമ്പേ നടക്കുന്നവന്‍. ഇരുളിലും വെളിച്ചത്തിലും മഴയിലും വെയിലിലും വടിയോ കുടയോ ഇല്ലാതെ സഞ്ചരിക്കുന്നവന്‍'
'എന്താ മിണ്ടാത്ത്?'
ഏതു നേരത്താ നിന്നെ വിളിക്കാന്‍ തോന്നിയത് എന്ന് ചിന്തിക്കുകയായിരുന്നു ഞാന്‍.
യാ ഫത്താഹ്
സര്‍വ്വ ശക്തനായ തമ്പുരാനേ
കാത്തുകൊള്ളണേ!