മിസിസ് ഗാന്ധിയെ മുട്ടു കുത്തിച്ച മാമ്പറയ്ക്കല് അഹമ്മദ് അലിയായി ഖലീഫയില് മോഹന്ലാല്
മാമ്പറയ്ക്കല് അഹമ്മദ് അലി എന്ന കഥാപാത്രമായി അതിഥി വേഷത്തിലാണ് മോഹന്ലാല് ചിത്രത്തിലെത്തുന്നത്. രണ്ട് ഭാഗങ്ങളായി ഒരുക്കുന്ന ഖലീഫയുടെ രണ്ടാം ഭാഗത്തിലാണ് മാമ്പറയ്ക്കല് അഹമ്മദ് അലിയായി മോഹന്ലാല് നായകനായി എത്തുക
പൃഥ്വിരാജ്- വൈശാഖ്- ജിനു എബ്രഹാം കൂട്ടുകെട്ടിലൊരുങ്ങുന്ന ' ഖലീഫ'യില് മാമ്പറയ്ക്കല് അഹമ്മദ് അലി എന്ന കഥാപാത്രമായി മോഹന്ലാല്. മാമ്പറയ്ക്കല് അഹമ്മദ് അലി എന്ന കഥാപാത്രമായി അതിഥി വേഷത്തിലാണ് മോഹന്ലാല് ചിത്രത്തിലെത്തുന്നത്. രണ്ട് ഭാഗങ്ങളായി ഒരുക്കുന്ന ഖലീഫയുടെ രണ്ടാം ഭാഗത്തിലാണ് മാമ്പറയ്ക്കല് അഹമ്മദ് അലിയായി മോഹന്ലാല് നായകനായി എത്തുക. ആദ്യ ഭാഗത്തിലെ നായകനായ പൃഥ്വിരാജ് സുകുമാരനും ഈ രണ്ടാം ഭാഗത്തിന്റെ താരനിരയില് ഉണ്ടാകും. നേരത്തെ പുറത്തു വന്ന ഈ ചിത്രത്തിന്റെ ഗ്ലിമ്പ്സ് വീഡിയോയില് മിസിസ് ഗാന്ധിയെ മുട്ടു കുത്തിച്ച മാമ്പറയ്ക്കല് അഹമ്മദ് അലി എന്ന കഥാപാത്രത്തെ കുറിച്ച് പരാമര്ശം ഉണ്ടായിരുന്നു എങ്കിലും, ആ വേഷം ചെയ്യുന്നത് ആരാണെന്നു പുറത്തു വിട്ടിരുന്നില്ല. ജിനു ഇന്നോവേഷന്റെ ബാനറില് ജിനു എബ്രഹാമും സൂരജ് കുമാറും ചേര്ന്നാണ് ചിത്രം നിര്മ്മിക്കുന്നത്. സഹനിര്മ്മാതാവ് - സിജോ സെബാസ്റ്റ്യന്. മാമ്പറയ്ക്കല് അഹമ്മദ് അലി എന്ന കഥാപാത്രത്തിന്റെ കൊച്ചു മകനായ മാമ്പറയ്ക്കല് ആമിര് അലി എന്ന നായക കഥാപാത്രമായാണ് പൃഥ്വിരാജ് ഖലീഫയില് അഭിനയിക്കുന്നത്.
പൃഥ്വിരാജ് സുകുമാരന്റെ ജന്മദിനമായ ഒക്ടോബര് പതിനാറിന് റിലീസ് ചെയ്ത ഗ്ലിമ്പ്സ് വീഡിയോയില്, ചിത്രത്തില് ഇന്ദ്രന്സ് അവതരിപ്പിക്കുന്ന കഥാപാത്രത്തിന്റെ സംഭാഷങ്ങളിലൂടെയാണ് മാമ്പറയ്ക്കല് അഹമ്മദ് അലി, മാമ്പറയ്ക്കല് ആമിര് അലി എന്നീ കഥാപാത്രങ്ങളെ പ്രേക്ഷകര്ക്ക് പരിചയപ്പെടുത്തുന്നത്. വമ്പന് ഹിറ്റായി മാറിയ ഈ വീഡിയോ, സ്വര്ണ്ണ കള്ളക്കടത്തിന്റെ പശ്ചാത്തലത്തില് വലിയ കാന്വാസില് കഥപറയുന്ന ഒരു ബിഗ് ബഡ്ജറ്റ് എന്റെര്റ്റൈനെര് ആണ് ഖലീഫ എന്ന സൂചനയാണ് നല്കിയത്. മാസ്സ് സ്റ്റൈലിഷ് ആക്ഷന് ത്രില്ലറായി ഒരുക്കുന്ന ചിത്രം, ത്രസിപ്പിക്കുന്ന ചേസ് രംഗങ്ങള് കൊണ്ടും ആക്ഷന് രംഗങ്ങള് കൊണ്ടും സമ്പന്നമാണ് എന്നും ഗ്ലിമ്പ്സ് വീഡിയോ കാണിച്ചു തന്നു. 'പ്രതികാരം സുവര്ണ്ണ ലിപികളാല് എഴുതപ്പെടും' എന്നാണ് സിനിമയുടെ ടാഗ്ലൈന്.
'പോക്കിരി രാജ'യ്ക്കു ശേഷം വൈശാഖും പൃഥ്വിരാജും ഒന്നിക്കുന്ന ഈ ചിത്രം ഓഗസ്റ്റ് ആദ്യ വാരം ലണ്ടനില് ആണ് ചിത്രീകരണം ആരംഭിച്ചത്. ദുബായ്, ഇന്ത്യ, നേപ്പാള് എന്നിവയാണ് ചിത്രത്തിന്റെ മറ്റ് പ്രധാന ലൊക്കേഷനുകള്. ആദം ജോണ്, ലണ്ടന് ബ്രിഡ്ജ്, മാസ്റ്റേഴ്സ്, കടുവ എന്നീ സിനിമകള്ക്കു ശേഷം ജിനു എബ്രഹാം - പൃഥ്വിരാജ് ടീം ഒന്നിക്കുന്ന ചിത്രം കൂടിയാണിത്. ചിത്രം 2026 ഓണം റിലീസായാണ് ഖലീഫയുടെ ആദ്യ ഭാഗം എത്തുക.
ഛായാഗ്രഹണം - ജോമോന് ടി ജോണ്, സംഗീതം - ജേക്സ് ബിജോയ്, എഡിറ്റിംഗ് - ചമന് ചാക്കോ, പ്രൊഡക്ഷന് ഡിസൈനര് - മോഹന്ദാസ്, ആക്ഷന് - യാനിക്ക് ബെന്, കോ ഡയറക്ടര് - സുരേഷ് ദിവാകര്, കോസ്റ്റ്യൂംസ് - മഷര് ഹംസ, കലാസംവിധാനം - വിശ്വനാഥ് അരവിന്ദ്, മേക്കപ്പ് - അമല് ചന്ദ്രന്, സൗണ്ട് ഡിസൈന് - സിങ്ക് സിനിമ, അഡീഷണല് മ്യൂസിക് - ജാബിര് സുലൈം, ഫൈനല് മിക്സ് - എം ആര് രാജാകൃഷ്ണന്, പ്രൊഡക്ഷന് കണ്ട്രോളര് - റെനി ദിവാകര്, വിനോഷ് കൈമള്, കളറിസ്റ്റ് - ശ്രീക്ക് വാര്യര്, പോസ്റ്റര് ഡിസൈന് - എയ്സ്തെറ്റിക്ക് കുഞ്ഞമ്മ, ഡി ഐ - കളര് പ്ലാനറ്റ്, വിഎഫ്എക്സ് - പ്രശാന്ത് നായര് (3ഡിഎസ്), സ്റ്റില്സ് - സിനറ്റ് സേവ്യര്