പൃഥ്വിരാജിനൊപ്പം 60 പുതുമുഖങ്ങള്‍.... 'സന്തോഷ് ട്രോഫി' ഷൂട്ടിംഗ് ആരംഭിച്ചു
സിനിമാ വ്യവസായത്തിലേക്ക് പുതിയ തലമുറയുടെ ഊര്‍ജ്ജം കൊണ്ടുവരിക എന്നതും 'സന്തോഷ് ട്രോഫി'യുടെ ഒരു ലക്ഷ്യമാണ്.
വിപിന്‍ദാസിന്റെ സംവിധാനത്തില്‍ 60 പുതുമുഖങ്ങള്‍ക്കൊപ്പം പൃഥ്വിരാജ് എത്തുന്ന ചിത്രം സന്തോഷ് ട്രോഫിയുടെ ഷൂട്ടിംഗ് തുടങ്ങി. പ്രശസ്ത നിര്‍മ്മാതാക്കളായ ലിസ്റ്റിന്‍ സ്റ്റീഫനും സുപ്രിയ മേനോനും ചേര്‍ന്ന് നിര്‍മ്മിക്കുന്ന ചിത്രത്തിന്റെ പൂജാ ചടങ്ങുകള്‍ വൈക്കത്തിനടുത്തുള്ള ഇടവട്ടം വാക്കയില്‍ ശ്രീധര്‍മ്മശാസ്താ ക്ഷേത്രത്തില്‍ വച്ച് നടന്നു. വാക്കയില്‍ വി. കെ. പാര്‍വ്വതി കുഞ്ഞമ്മ,സംവിധായകന്‍ വിപിന്‍ദാസ്, അശ്വതി ജയകുമാര്‍, ക്യാമറാമാന്‍ അരവിന്ദ് പുതുശ്ശേരി, എഡിറ്റര്‍ ജോണ്‍ കുട്ടി, ചീഫ് അസോസിയേറ്റ് ഡയറക്ടര്‍ റെജിവന്‍ അബ്ദുല്‍ ബഷീര്‍, സംഗീതസംവിധായകന്‍ അങ്കിത് മേനോന്‍, എക്‌സിക്യൂട്ടീവ് പ്രൊഡ്യൂസര്‍ സന്തോഷ് കൃഷ്ണന്‍,ഹാരിസ് ദേശം, അഡ്മിനിസ്‌ട്രേഷന്‍ ആന്‍ഡ് ഡിസ്ട്രിബ്യൂഷന്‍ ഹെഡ് ബബിന്‍ ബാബു, മറവന്തുരുത്ത് ഗ്രാമ പഞ്ചായത്ത് പ്രസിഡന്റ് പ്രീതി,
വൈക്കം താലൂക്ക് ചെത്തു തൊഴിലാളി യൂണിയന്‍(എഐടിയുസി) സെക്രട്ടറി. ടി.എന്‍.ച രമേശന്‍ എന്നിവര്‍ ചേര്‍ന്ന് ഭദ്രദീപം തെളിയിച്ചാണ് പൂജാ ചടങ്ങുകള്‍ ആരംഭിച്ചത്.
കൊ -പ്രൊഡ്യൂസര്‍ ജസ്റ്റിന്‍ സ്റ്റീഫന്‍ സ്വിച്ച് ഓണ്‍ കര്‍മ്മം നിര്‍വഹിച്ചു. ക്ലാപ്പ് അടിച്ചത് അസോസിയേറ്റ് ഡയറക്ടര്‍ രോഹിത് ജി. ആര്‍. ചിത്രത്തിന്റെ തിരക്കഥ പൃഥ്വിരാജ് പ്രൊഡക്ഷന്‍സ് എക്‌സിക്യൂട്ടീവ് പ്രൊഡ്യൂസര്‍ ഹാരിസ് ദേശത്തില്‍ നിന്ന് അസോസിയേറ്റ് ഡയറക്ടര്‍ അമിതാഭ് പണിക്കര്‍ ഏറ്റുവാങ്ങി. തുടര്‍ന്ന് വാക്കയില്‍ ധര്‍മ്മശാസ്താ ക്ഷേത്ര പരിസരങ്ങളിലായി ഷൂട്ടിംഗ് ആരംഭിച്ചു.
ചിത്രത്തില്‍ പൃഥ്വിരാജിനൊപ്പം അഭിനയിക്കുന്ന 60 പുതുമുഖങ്ങളും പൂജാ ചടങ്ങില്‍ പങ്കെടുത്തിരുന്നു. തിരുവല്ലയില്‍ വച്ച് നടത്തിയ ഓഡീഷനില്‍ നിന്നും തിരഞ്ഞെടുക്കപ്പെട്ട പുതുമുഖങ്ങളെ എറണാകുളത്ത് വച്ച് നടത്തിയ ഫൈനല്‍ ഓഡിഷനിലൂടെ തെരഞ്ഞെടുക്കുകയായിരുന്നു. ഇവര്‍ക്കൊപ്പം അടുത്ത ഷെഡ്യൂളില്‍ പൃഥ്വിരാജും പങ്കുചേരും .സിനിമാ വ്യവസായത്തിലേക്ക് പുതിയ തലമുറയുടെ ഊര്‍ജ്ജം കൊണ്ടുവരിക എന്നതും 'സന്തോഷ് ട്രോഫി'യുടെ ഒരു ലക്ഷ്യമാണ്. ഇതിനായി ഹിറ്റ് ചിത്രങ്ങള്‍ക്കൊപ്പം നിരൂപക പ്രശംസ നേടിയ ചിത്രങ്ങളും സമ്മാനിക്കുന്ന മാജിക് ഫ്രെയിംസും പൃഥ്വിരാജ് പ്രൊഡക്ഷന്‍സും കൈകോര്‍ക്കുകയാണ്. 'ഗുരുവായൂരമ്പലനടയില്‍' എന്ന ഹിറ്റ് ചിത്രത്തിനുശേഷം പൃഥ്വിരാജ് പ്രൊഡക്ഷന്‍സുമായി ചേര്‍ന്നുള്ള വിപിന്‍ദാസിന്റെ സംവിധാന ചിത്രമാണിത്, ലിസ്റ്റിന്‍ സ്റ്റീഫനുമായുള്ള ആദ്യ ചിത്രവും. സിനിമയുടെ ചരിത്രത്തില്‍ തന്നെ ആദ്യമായാണ് ഒരു സൂപ്പര്‍സ്റ്റാര്‍ നായകനൊപ്പം ഇത്രയധികം പുതുമുഖങ്ങളുടെ നിര വരുന്നത്. യുവതലമുറയില്‍ ആവേശം പകരുന്ന ഒരു ചിത്രം തന്നെയായിരിക്കുംഎന്ന സൂചനയാണ് അണിയറ പ്രവര്‍ത്തകര്‍ നല്‍കുന്നത്.
ചിത്രത്തിന്റെ കഥയും തിരക്കഥയും സംഭാഷണവും സംവിധായകന്‍ വിപിന്‍ദാസിന്റെതാണ്. കൊ - പ്രൊഡ്യൂസര്‍ ജസ്റ്റിന്‍ സ്റ്റീഫന്‍. ഛായാഗ്രഹണം അരവിന്ദ് പുതുശ്ശേരി. എഡിറ്റിംഗ് ജോണ്‍ കുട്ടി, സംഗീതം അങ്കിത് മേനോന്‍. എക്‌സിക്യൂട്ടീവ് പ്രൊഡ്യൂസേഴ്‌സ് സന്തോഷ് കൃഷ്ണന്‍, നവീന്‍ പി തോമസ്. ലൈന്‍ പ്രൊഡ്യൂസര്‍ അഖില്‍ യശോധരന്‍. പ്രൊഡക്ഷന്‍ ഡിസൈനര്‍ സുനില്‍ കുമാരന്‍. കോസ്റ്റ്യൂം അശ്വതി ജയകുമാര്‍. ചീഫ് അസോസിയേറ്റ് ഡയറക്ടര്‍ റെജിവന്‍ അബ്ദുല്‍ ബഷീര്‍. അസോസിയേറ്റ് ഡയറക്ടര്‍ രോഹിത് ജി ആര്‍,അമിതാഭ് പണിക്കര്‍. മേക്കപ്പ് സുധി സുരേന്ദ്രന്‍. പ്രൊഡക്ഷന്‍ കണ്‍ട്രോളര്‍ പ്രജീഷ് പ്രഭാസന്‍. അഡ്മിനിസ്‌ട്രേഷന്‍ ആന്‍ഡ് ഡിസ്ട്രിബ്യൂഷന്‍ ഹെഡ് ബബിന്‍ ബാബു. സൗണ്ട് ഡിസൈനിങ് അരുണ്‍ എസ് മണി. സൗണ്ട് മിക്‌സിങ് എം ആര്‍ രാജാകൃഷ്ണന്‍. കാസ്റ്റിംഗ് ഡയറക്ടര്‍ രാജേഷ് നാരായണന്‍.
ലൊക്കേഷന്‍ മാനേജര്‍ ഹാരിസ് മണ്ണഞ്ചേരി. പി ആര്‍ ഓ മഞ്ജു ഗോപിനാഥ്. പ്രൊഡക്ഷന്‍ എക്‌സിക്യൂട്ടീവ് അനില്‍. ജി.നമ്പ്യാര്‍. പ്രൊഡക്ഷന്‍ മാനേജര്‍ കെ.സി. ഗോകുലന്‍ പിലാശ്ശേരി. സ്റ്റില്‍സ് പ്രേംലാല്‍ പട്ടാഴി. മാര്‍ക്കറ്റിംഗ് ആഷിഫ് അലി, സൗത്ത് ഫ്രെയിംസ് എന്റര്‍ടൈന്‍മെന്റ്. വിതരണം മാജിക് ഫ്രെയിംസ് റിലീസ്. 120 ദിവസങ്ങള്‍ നീളുന്ന ചിത്രീകരണം ഇടവട്ടത്തും തിരുവല്ലയിലുമായി പൂര്‍ത്തീകരിക്കും