'ഇത് കേസ് വേറെയാണ് സാര്‍, ഇവരിത് കട്ടതാണ് സാര്‍'
ധ്യാന്‍ ശ്രീനിവാസനും ലുക്മാനും പ്രധാന വേഷങ്ങളിലെത്തുന്ന 'വള'യുടെ സംഭവബഹുലമായ ട്രെയിലര്‍ പുറത്ത്, ചിത്രം സെപ്റ്റംബര്‍ 19ന് തിയേറ്ററുകളില്‍
ധ്യാന്‍ ശ്രീനിവാസനും ലുക്മാന്‍ അവറാനും കേന്ദ്ര കഥാപാത്രങ്ങളായെത്തുന്ന 'വള'യുടെ ആകാംക്ഷ നിറയ്ക്കുന്നതും രസകരവുമായ ട്രെയിലര്‍ പുറത്ത്. ഒരു വളയെ ചുറ്റിപറ്റി പലരുടെ ജീവിതത്തില്‍ സംഭവിക്കുന്ന സംഭവബഹുലമായ കാര്യങ്ങളെ മുന്‍നിര്‍ത്തി ഏറെ രസകരമായാണ് ചിത്രം ഒരുക്കിയിരിക്കുന്നതെന്നാണ് ട്രെയിലര്‍ കാണുമ്പോള്‍ മനസ്സിലാക്കാനാകുന്നത്. സെപ്റ്റംബര്‍ 19ന് ചിത്രം തിയേറ്ററുകളിലെത്തും.
പ്രേക്ഷക - നിരൂപക പ്രശംസ നേടിയ 'കഠിന കഠോരമീ അണ്ഡകടാഹം' എന്ന ചിത്രത്തിലൂടെ ശ്രദ്ധേയനായ മുഹഷിനാണ് ചിത്രം സംവിധാനം ചെയ്തിരിക്കുന്നത്. 'ഉണ്ട', 'പുഴു' തുടങ്ങിയ ശ്രദ്ധേയ സിനിമകളുടെ തിരക്കഥാകൃത്തായ ഹര്‍ഷദാണ് 'വള'യുടെ തിരക്കഥയൊരുക്കിയിരിക്കുന്നത്. ആക്ഷനും സസ്‌പെന്‍സും നര്‍മ്മം നിറച്ചുവെച്ച രംഗങ്ങളുമടക്കം ഒരു കംപ്ലീറ്റ് പാക്കേജാണ് ചിത്രമെന്ന് അടിവരയിടുന്നതാണ് ട്രെയിലര്‍.
ചിത്രത്തിലെ പ്രധാന കഥാപാത്രങ്ങളെയെല്ലാം അവതരിപ്പിച്ചുകൊണ്ടുള്ള റിലീസ് അനൗണ്‍സ്‌മെന്റ് പോസ്റ്റര്‍ സോഷ്യല്‍ മീഡിയയില്‍ അടുത്തിടെ ശ്രദ്ധ നേടിയിരുന്നു. അതിനുപിന്നാലെയെത്തിയ ടീസറും സോഷ്യല്‍ മീഡിയയില്‍ ശ്രദ്ധ നേടിയിരുന്നു. ഇപ്പോഴിതാ ട്രെയിലറും ഏവരും ഏറ്റെടുത്തിരിക്കുകയാണ്. പ്രേക്ഷകരെ പിടിച്ചിരുത്തുന്ന ഒട്ടനേകം മുഹൂര്‍ത്തങ്ങള്‍ ചിത്രത്തിലുണ്ടെന്നാണ് ട്രെയിലര്‍ നല്‍കുന്ന സൂചന.
രവീണ രവി, ശീതള്‍ ജോസഫ് എന്നിവര്‍ നായികമാരായെത്തുന്ന ചിത്രത്തില്‍ ശ്രദ്ധേയ വേഷത്തില്‍ വിജയരാഘവനും ശാന്തികൃഷ്ണയും എത്തുന്നുണ്ട്. ഫെയര്‍ബെ ഫിലിംസാണ് ചിത്രം നിര്‍മിച്ചിരിക്കുന്നത്. വേഫറര്‍ ഫിലിംസാണ് വിതരണം. തിങ്ക് മ്യൂസിക്കാണ് ചിത്രത്തിന്റെ മ്യൂസിക്ക് റൈറ്റ്‌സ് കരസ്ഥമാക്കിയിരിക്കുന്നത്. പ്രശസ്ത സംഗീതസംവിധായകനായ ഗോവിന്ദ് വസന്ത ഈ ചിത്രത്തിലൂടെ അഭിനയരംഗത്തേക്ക് ചുവടുവയ്ക്കുന്നുമുണ്ട്. അബു സലീം, അര്‍ജുന്‍ രാധാകൃഷ്ണന്‍, നവാസ് വള്ളിക്കുന്ന്, ഷാഫി കൊല്ലം, യൂസുഫ് ഭായ്, ഗോകുലന്‍ തുടങ്ങി നിരവധി താരങ്ങളും ചിത്രത്തില്‍ അഭിനയിക്കുന്നുണ്ട്.
ഛായാഗ്രഹണം: അഫ്‌നാസ് വി, എഡിറ്റിങ്: സിദ്ദിഖ് ഹൈദര്‍, സംഗീതം: ഗോവിന്ദ് വസന്ത, പ്രൊഡക്ഷന്‍ ഡിസൈനര്‍: അര്‍ഷദ് നക്കോത്ത്, എക്‌സി.പ്രൊഡ്യൂസര്‍: ഹാരിസ് റഹ്‌മാന്‍, മേക്കപ്പ്: സുധി കട്ടപ്പന, കോസ്റ്റ്യും: ഗഫൂര്‍ മുഹമ്മദ്, കളറിസ്റ്റ്: ലിജു പ്രഭാകര്‍, പ്രൊജക്ട് കോര്‍ഡിനേറ്റര്‍: ജംഷീര്‍ പുറക്കാട്ടിരി, സൗണ്ട് മിക്‌സിങ്: വിപിന്‍ നായര്‍, സൗണ്ട് ഡിസൈന്‍: ധനുഷ് നായനാര്‍, വിഎഫ്എക്‌സ്: ഇമ്മോര്‍ട്ടല്‍ മാജിക് ഫ്രെയിം, സ്റ്റില്‍സ്: അമല്‍ സി സദ്ധാര്‍, രാഹുല്‍ എം സത്യന്‍, ആക്ഷന്‍ കോറിയോഗ്രാഫര്‍: കലൈ കിങ്‌സണ്‍, ഫോണിക്‌സ് പ്രഭു, ചീഫ് അസോ.ഡയറക്ടര്‍: ആസാദ് അലവില്‍, അനീഷ് ജോര്‍ജ്ജ്, പബ്ലിസിറ്റി ഡിസൈന്‍സ്: യെല്ലോ ടൂത്ത്‌സ് പിആര്‍ഒ: പ്രതീഷ് ശേഖര്‍, വിഷ്വല്‍ പ്രൊമോഷന്‍സ്: സ്‌നേക്ക്പ്ലാന്റ് എല്‍എല്‍പി