ടോട്ടല് ചിരി മയം! നാദിര്ഷ - വിഷ്ണു ഉണ്ണികൃഷ്ണന് ടീം ഒന്നിക്കുന്ന 'മാജിക് മഷ്റൂംസ്' പൊട്ടിച്ചിരിപ്പിക്കുന്ന ടീസര് പുറത്ത്
ക്രിയേഷന്സിന്റെ ബാനറില് അഷ്റഫ് പിലാക്കല് നിര്മ്മിക്കുന്ന സിനിമയുടെ കഥയും തിരക്കഥയും സംഭാഷണവും ഒരുക്കിയിരിക്കുന്നത് നവാഗതനായ ആകാശ് ദേവാണ്. ഭാവന റിലീസാണ് ഡിസ്ട്രിബ്യൂഷന്.
പ്രേക്ഷകര് ഏറ്റെടുത്ത 'കട്ടപ്പനയിലെ ഋത്വിക് റോഷന് ' ശേഷം വിഷ്ണു ഉണ്ണികൃഷ്ണനെ നായകനാക്കി നാദിര്ഷ സംവിധാനം ചെയ്യുന്ന 'മാജിക് മഷ്റൂംസിന്റെ രസികന് ടീസര് പുറത്ത്. രസകരമായൊരു ഫണ് ഫാമിലി ഫീല് ഗുഡ് എന്റര്ടെയ്നറായാണ് ചിത്രം പ്രേക്ഷകരിലേക്ക് എത്തുന്നതെന്ന് ടീസര് സൂചന നല്കുന്നുണ്ട്. ചിത്രം ജനുവരി 23-ന് തിയേറ്ററുകളില് എത്തും.
അക്ഷയ ഉദയകുമാറാണ് ചിത്രത്തില് നായികയായെത്തുന്നത്. മഞ്ചാടി ക്രിയേഷന്സിന്റെ ബാനറില് അഷ്റഫ് പിലാക്കല് നിര്മ്മിക്കുന്ന സിനിമയുടെ കഥയും തിരക്കഥയും സംഭാഷണവും ഒരുക്കിയിരിക്കുന്നത് നവാഗതനായ ആകാശ് ദേവാണ്. ഭാവന റിലീസാണ് ഡിസ്ട്രിബ്യൂഷന്.
സിനിമയുടെ ത്രീഡി ക്യാരിക്കേച്ചര് മോഡലിലുള്ള ഫസ്റ്റ് ലുക്ക് പോസ്റ്റര് ഏറെ ശ്രദ്ധ നേടിയിരുന്നു. ഹരിശ്രീ അശോകന്, അജു വര്ഗ്ഗീസ്, ജോണി ആന്റണി, ജാഫര് ഇടുക്കി, ബോബി കുര്യന്, സിദ്ധാര്ത്ഥ് ഭരതന്, അഷറഫ് പിലാക്കല്, പ്രമോദ് വെളിയനാട്, അബിന് ബിനോ, അരുണ് പുനലൂര്, ശാന്തിവിള ദിനേശ്, മീനാക്ഷി ദിനേശ്, പൂജ മോഹന്രാജ്, മനീഷ കെ.എസ്, ആലീസ് പോള്, മാസ്റ്റര് സൂഫിയാന്സാലി, മാസ്റ്റര് ദ്രുപദ്, മാസ്റ്റര് വൈഷ്ണവ്, ബേബി വൈദേഹി നായര് തുടങ്ങി വലിയൊരു താരനിരയാണ് ചിത്രത്തില് ഒരുമിക്കുന്നത്. ശങ്കര് മഹാദേവന്, കെഎസ് ചിത്ര, ശ്രേയാ ഘോഷാല്, വിനീത് ശ്രീനിവാസന്, ജാസി ഗിഫ്റ്റ്, ഹനാന് ഷാ, റിമി ടോമി, രഞ്ജിനി ജോസ്, ഖദീജനാദിര്ഷ തുടങ്ങി നിരവധി ശ്രദ്ധേയരാണ് ചിത്രത്തില് ഗാനങ്ങള് ആലപിക്കുന്നത്. തൊടുപുഴ, ഈരാറ്റുപേട്ട, ഒറ്റപ്പാലം എന്നിവിടങ്ങളിലായാണ് സിനിമയുടെ ചിത്രീകരണം നടന്നത്.
ഛായാഗ്രഹണം: സുജിത്ത് വാസുദേവ്, എഡിറ്റര്: ജോണ്കുട്ടി, പ്രൊഡക്ഷന് ഡിസൈനര്: എം ബാവാ, ഷിജി പട്ടണം, സംഗീതം: നാദിര്ഷ, പശ്ചാത്തല സംഗീതം: മണികണ്ഠന് അയ്യപ്പ, ഗാനരചന ബി.കെ ഹരിനാരായണന്, സന്തോഷ് വര്മ്മ, രാജീവ് ആലുങ്കല്, രാജീവ് ഗോവിന്ദന്, യദു കൃഷ്ണന് ആര്, റിറെക്കോര്ഡിംഗ് മിക്സര് ഫസല് എ ബക്കര്, സൗണ്ട് ഡിസൈന് സച്ചിന് സുധാകരന്, കോറിയോഗ്രഫി ബ്രിന്ദ, ദിനേഷ്, ശ്രീജിത്ത് ഡാന്സ് സിറ്റി, മേക്കപ്പ് പി.വി ശങ്കര്, കോസ്റ്റ്യൂം ദീപ്തി അനുരാഗ്, ക്യാരക്ടര് സ്റ്റൈലിസ്റ്റ് നരസിംഹ സ്വാമി, ചീഫ് അസോസിയേറ്റ് ഷൈനു ചന്ദ്രഹാസ്, പ്രൊജക്ട് ഡിസൈനര് രജീഷ് പത്തംകുളം, പ്രൊഡക്ഷന് കണ്ട്രോളര് ജിനു പി.കെ, ഫിനാന്സ് കണ്ട്രോളര് സിറാജ് മൂണ്ബീം, സ്റ്റില്സ് അജി മസ്കറ്റ്, വിഎഫ്എക്സ് പിക്ടോറിയല് വിഎഫ്എക്സ്, ടീസര്, ട്രെയിലര് ലിന്റോ കുര്യന്, പബ്ലിസ്റ്റി ഡിസൈന്സ് യെല്ലോ ടൂത്ത്സ്, പിആര്ഒ വാഴൂര് ജോസ്, ആതിര ദില്ജിത്ത്.