വെണ്‍മതി... ഇനി അരികില്‍; ഹൃദയപൂര്‍വ്വം വീഡിയോ ഗാനം പുറത്ത്
വെണ്‍മതി ഇനി അരികില്‍ നീ മതി വാര്‍മുകില്‍ കനി ... 'മലരാം എന്‍ സഖി... സിദ്ദി ശീറാം പാടിയ മനോഹരമായ ഈ ഗാനത്തിന്റെ ലിറിക്കല്‍ വീഡിയോ ഗാനം പുറത്ത്.
വെണ്‍മതി ഇനി അരികില്‍ നീ മതി
വാര്‍മുകില്‍ കനി ... 'മലരാം എന്‍ സഖി...
സിദ്ദി ശീറാം പാടിയ മനോഹരമായ ഈ ഗാനത്തിന്റെ ലിറിക്കല്‍ വീഡിയോ ഗാനം പുറത്ത്. ഹരിനാരായണന്‍ രചിച്ച് ജസ്റ്റിന്‍ പ്രഭാകര്‍ ഈണമിട്ട ഈ ഗാനം മോഹന്‍ലാലിനെ നായകനാക്കി സത്യന്‍ അന്തിക്കാട് സംവിധാനം ചെയ്യുന്ന ഹൃദയപൂര്‍വ്വം എന്ന ചിത്രത്തിലേതാണ്. ആശിര്‍വാദ് സിനിമാസിന്റെ ബാനറില്‍ ആന്റെണി പെരുമ്പാവൂര്‍ നിര്‍മ്മിക്കുന്ന ഈ ചിത്രം ആഗസ്റ്റ് ഇരുപത്തിയെട്ടിന് റിലീസ് ചെയ്യുന്ന തിന്റെപ്രൊമോഷന്‍
ഭാഗമായിട്ടാണ് ഈ വീഡിയോ ഗാനം ഇപ്പോള്‍ പുറത്തുവിട്ടിരിക്കുന്നത് 'പുത്തന്‍ തലമുറയെ ഏറെ ആകര്‍ഷിക്കും വിധത്തിലുള്ള കൗതുകകരമായ ശബ്ദത്തിന്റെ ഉടമയായ സിദ്ദി ശ്രീറാമിന്റെ ഈ ഗാനം സമുഹമാധ്യമങ്ങളില്‍ വലിയ തരംഗമാണ് സൃഷ്ടിച്ചു കൊണ്ടിരിക്കുന്നത്.
മോഹന്‍ലാല്‍, മാളവികാ മോഹന്‍, യുവ നടന്‍ സംഗീത് പ്രതാപ് എന്നീ അഭിനേതാക്കളുടെ സാന്നിദ്ധ്യവും അണിയറ പ്രവര്‍ത്തകരുടെ നിറ സാന്നിധ്യവും ഈ വീഡിയോയില്‍ കാണാവുന്നതാണ്. അഭിനേതാക്കളുടെ വളരെ പ്ലസന്റായനിരവധി മുഹൂര്‍ത്തങ്ങളും, മനോഹരമായ പശ്ചാത്തലവും ഈ ഗാനത്തെ ഏറെ ആകര്‍ഷകമാക്കുന്നു. സന്ധീപ് ബാലകൃഷ്ണന്‍ എന്ന വ്യക്തിയെ പ്രധാനമായും കേന്ദ്രീകരിച്ച് ബന്ധങ്ങളുടെ , കെട്ടുറപ്പിന്റെ കഥ പറയുകയാണ് സത്യന്‍ അന്തിക്കാട് ഈ ചിത്രത്തിലൂടെ. വളരെ പ്ലസന്റ് ആയി സഞ്ചരിക്കുന്ന ഒരു സിനിമ '
സംവിധായകന്‍ സത്യന്‍ അന്തിക്കാട് ഈ ചിത്രത്തെ ക്കുറിച്ച് ഒറ്റവാക്കിന്‍ പറയുന്നത് ഇതാണ്. പ്രേക്ഷകര്‍ക്കിടയിലെ ഏറെ ആകര്‍ഷകമായ കൂട്ടുകെട്ടാണ് സത്യന്‍ അന്തിക്കാട് മോഹന്‍ലാല്‍ കോമ്പിനേഷന്‍. ആ പ്രതീക്ഷകളോട് ഏറെ നീതി പുലര്‍ത്തിയുള്ള ഒരു സിനിമയായി അവതരിപ്പിക്കാനുള്ള ശ്രമത്തിലാണ് അണിയറ പ്രവര്‍ത്തകര്‍. അതിനോടൊപ്പം ആരും പ്രതീക്ഷിക്കാത്ത ചില മൂഹൂര്‍ത്തങ്ങളും ഈ ചിത്രം സമ്മാനിക്കുന്നുണ്ട്.
സിദ്ദിഖ്, ലാലു അലക്‌സ്, സംഗീത ,ബാബുരാജ്, സബിതാ ആനന്ദ് എന്നിവരും ഈ ചിത്രത്തിലെ പ്രധാന അഭിനേതാക്കളാണ്. മനു മഞ്ജിത്താണ് മറ്റൊരു ഗാന രചയിതാവ്. കഥ - അഖില്‍ സത്യന്‍. തിരക്കഥ -ടി.പി. സോനു ' ഛായാഗ്രഹണം - അനു മൂത്തേടത്ത്. എഡിറ്റിംഗ് - കെ. രാജഗോപാല്‍' മേക്കപ്പ് -പാണ്ഡ്യന്‍. കോസ്റ്റ്യും ഡിസൈന്‍-സമീരാ സനീഷ് . സ്റ്റില്‍സ് - അമല്‍.സി. സദര്‍ ' അനൂപ്‌സത്യനാണ് മുഖ്യ സംവിധാന സഹായി. സഹ സംവിധാനം - ആരോണ്‍ മാത്യു രാജീവ് രാജേന്ദ്രന്‍, വന്ദന സൂര്യ, ശ്രീഹരി. ഫിനാന്‍സ് കണ്‍ട്രോളര്‍ - മനോഹരന്‍ കെ. പയ്യന്നൂര്‍. പ്രൊഡക്ഷന്‍ മാനേജര്‍ - ആദര്‍ശ്. പ്രൊഡക്ഷന്‍ എക്‌സിക്യൂട്ടീവ് - ശ്രീക്കുട്ടന്‍. പ്രൊഡക്ഷന്‍ കണ്‍ട്രോളര്‍- ബിജു തോമസ്.
പൂനയിലും കേരളത്തില്‍ കൊച്ചി,വണ്ടിപ്പെരിയാര്‍ എന്നിവിടങ്ങളിലുമായിട്ടാണ് ഈ ചിത്രത്തിന്റെ ചിത്രീകരണം പൂര്‍ത്തിയായിരിക്കുന്നത്. പിആര്‍ഒ- വാഴൂര്‍ ജോസ്.