ടോം ഇമ്മട്ടി ചിത്രം പെരുന്നാളിന്റെ ക്യാരക്ടർ പോസ്റ്റർ പുറത്ത് വിട്ട് അണിയറ പ്രവർത്തകർ
ചിത്രത്തിൽ വിനായകൻ, സാഗർ സൂര്യ ,ഷൈൻ ടോം എന്നിവർ പ്രധാന വേഷത്തിലെത്തും
ടോം ഇമ്മട്ടി സംവിധാനം ചെയ്യുന്ന പെരുന്നാളിലെ വിനായകൻ ചെയ്യുന്ന കഥാപാത്രത്തിന്റെ പോസ്റ്റര് റിലീസായി. കളങ്കാവാലിന് ശേഷം വിനായകൻ നായകനായെത്തുന്ന ചിത്രമാണ് പെരുന്നാൾ. പെരുന്നാൾ എന്ന ചിത്രത്തിന്റെ പേരിനോടൊപ്പം ക്രോവേന്മാരും സ്രാപ്പേന്മാരും എന്ന ടാഗ് നല്കിയിട്ടുണ്ട്. സൂര്യഭാരതി ക്രിയേഷന്സ്, ജോളിവുഡ് മൂവീസ്, ഇമ്മട്ടി കമ്പനി എന്നിവയുടെ ബാനറില് മനോജ് കുമാര് കെ.പി, ജോളി ലോനപ്പന്, ടോം ഇമ്മട്ടി എന്നിവര് ചേര്ന്നാണ് പെരുന്നാളിന്റെ നിര്മാണം നിര്വഹിക്കുന്നത്.വിനായകനോടൊപ്പം ഷൈന് ടോം ചാക്കോയും വിഷ്ണു ഗോവിന്ദും സാഗർ സൂര്യയും ജുനൈസും മോക്ഷയും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ചിത്രത്തിന്റെ ആദ്യഘട്ട ചിത്രീകരണം വാഗമണ്ണിലും പരിസരത്തും അവസാനിച്ചു. അവസാനഘട്ട ഷൂട്ടിങാണ് ഇപ്പോൾ പുരോഗമിക്കുന്നത്. 2026ൽ പെരുന്നാൾ തിയറ്ററുകളിലേക്കെത്തും. ടൊവിനോ തോമസ് നായകനായ ഒരു മെക്സിക്കന് അപാരത, ആന്സണ് പോള് നായകനായ ഗാമ്ബ്ലര് എന്നീ ചിത്രങ്ങള്ക്ക് ശേഷം ടോം ഇമ്മട്ടി സംവിധാനം ചെയ്യുന്ന ചിത്രമാണ് പെരുന്നാള്