ആറ് പടം എട്ട് നിലയിൽ പൊട്ടിയിട്ടും കിളവന് ചെറിയ പെൺപിള്ളേർ തന്നെ വേണം നായികയായി
തെലുഗു സൂപ്പർ സ്റ്റാർ രവി തേജയ്ക്ക് സോഷ്യൽ മീഡിയയിൽ രൂക്ഷ വിമർശനം
തെലുങ്കിലെ മുന്നിര താരങ്ങളിലൊരാളാണ് രവി തേജ. ഗോഡ്ഫാദര്മാരില്ലാതെ സിനിമാലോകത്തേക്ക് കടന്നുവന്ന രവി തേജ വളരെ വേഗത്തില് തെലുങ്ക് ഇന്ഡസ്ട്രിയില് തന്റേതായ സ്ഥാനം സ്വന്തമാക്കി. ആക്ഷനും മാസും കോമഡിയും ഒരുപോലെ വഴങ്ങുന്ന രവി തേജക്ക് മാസ് മഹാരാജ എന്ന് ആരാധകര് വിളിപ്പേര് നല്കി.എന്നാല് കഴിഞ്ഞ കുറച്ച് കാലങ്ങളായി ബോക്സ് ഓഫീസില് രവി തേജക്ക് അത്ര നല്ല കാലമല്ല. വന് ഹൈപ്പിലെത്തുന്ന താരത്തിന്റെ സിനിമകളെല്ലാം ബജറ്റ് പോലും തിരിച്ചുകിട്ടാതെ പരാജയമാവുകയാണ്. പ്രായത്തിന് ചേര്ന്ന കഥകള് തെരഞ്ഞെടുക്കാനും പകുതി പ്രായം പോലുമില്ലാത്ത നായികമാര്ക്കൊപ്പം ഡാന്സ് ചെയ്യരുതെന്നുമെല്ലാം ആവശ്യപ്പെട്ട് അടുത്തിടെ രവി തേജയുടെ ആരാധകന് പങ്കുവെച്ച കുറിപ്പ് വൈറലായിരുന്നു.എന്നാല് ആരൊക്കെ ഉപദേശിച്ചാലും മാറില്ല എന്ന ചിന്താഗതിയാണ് രവി തേജക്കെന്നാണ് പുതിയ വിമര്ശനം. താരത്തിന്റെ ഏറ്റവും പുതിയ ചിത്രമായ ഭാരത മഹാസായുലകു വിജ്ഞാപതി ലെ പുതിയ ഗാനം കഴിഞ്ഞദിവസം പുറത്തുവിട്ടിരുന്നു. ആശിക രംഗനാഥ്, ഡിംപിള് കപാഡിയ എന്നിവര്ക്കൊപ്പം നൃത്തം ചെയ്യുന്ന രവി തേജക്ക് നേരെ വലിയ വിമര്ശനമാണ് ഉയരുന്നത്.തുടര്ച്ചയായി ആറ് സിനിമകള് പരാജയപ്പെട്ടാലും പകുതി പ്രായം മാത്രമുള്ള നായികമാര്ക്കൊപ്പം ഡാന്സ് ചെയ്യുന്നത് നിര്ത്തില്ല എന്നാണ് പലരും വിമര്ശിക്കുന്നത്. ഇപ്പോഴും ഗ്ലാമര് ഗാനങ്ങളും രണ്ട് നായികമാരും എന്ന ആശയം മാത്രമാണ് രവി തേജയുടെ മനസില് എന്നും വിമര്ശനങ്ങള് ഉയരുന്നുണ്ട്. 2021ല് റിലീസായ ക്രാക്ക് ആണ് രവി തേജയുടെ അവസാന ഹിറ്റ്. പിന്നാലെ എത്തിയ കില്ലാഡി , രാമറാവു ഓണ് ഡ്യൂട്ടി, ടൈഗര് നാഗേശ്വര റാവു, ഈഗിള്, മിസ്റ്റര് ബച്ചന്, മാസ് ജാതര എന്നീ സിനിമകള് ബോക്സ് ഓഫീസില് വൻ പരാജയം ആയിരുന്നു. ഒരുകാലത്ത് ഹിറ്റുകൾ മാത്രം നേടിയ നടൻ ഇപ്പോൾ പരാജയങ്ങളുടെ കുന്നു കയറുകയാണ്.എന്നാലും രണ്ടും മൂന്നും നായികമാരും ഗ്ലാമർ രംഗങ്ങളും ആണ് സിനിമയിൽ ഉടനീളം.