ആട് 3 യിലെ ക്യാരക്ടർ പോസ്റ്റർ പുറത്ത് വിട്ടു
2015 ലായിരുന്നു മിഥുൻ മാനുവൽ തോമസ് ആട് എന്ന പേരിൽ ജയസൂര്യയെ നായകനാക്കി സിനിമ ഒരുക്കിയത്
2015 ലായിരുന്നു മിഥുൻ മാനുവൽ തോമസ് ആട് എന്ന ജയസൂര്യ ചിത്രം ഒരുക്കിയത്.അണ്ണാ തിയേറ്ററിൽ പരാജയപ്പെട്ട ചിത്രം പിന്നീട് സീഡി റിലീസ് ആയ ശേഷം വളരെ അധികം ശ്രദ്ധിക്കപെടുകയും ,പ്രശംസനീയമാകുകയും ചെയ്തു.തുടർന്ന് 2019 ൽ ആദ്യമായി ഒരു പരാജയ സിനിമയുടെ രണ്ടാം ഭാഗം എന്ന നിലയിൽ ആട് 2 പുറത്തിറങ്ങി. ചിത്രം തിയേറ്ററിൽ വൻ വിജയമായിരുന്നു.ഇപ്പോൾ ഇതാ ആട് സിനിമയുടെ മൂന്നാം ഭാഗവുമായി എത്തിരിക്കുകയാണ് ആട് സിനിമയുടെ അണിയറ പ്രവർത്തകർ.ഇപ്പോൾ ഇതാ ആട് 3 യിലെ പ്രധാന കഥാപാത്രങ്ങളായ ജയസൂര്യ (ഷാജി പാപ്പൻ), വിനായകൻ (ഡ്യൂഡ്) സണ്ണി വെയ്ൻ (മ്പാത്താൻ സേവ്യർ), സൈജു കുറുപ്പ് (അറക്കൽ ബാപ്പു), ഇന്ദ്രൻസ് (പി.പി. ശശി), ധർമ്മജൻ ബോൾഗാട്ടി (ക്യാപ്റ്റൻ ക്ലീറ്റസ്), വിജയ് ബാബു (സർബത്ത് ഷബീർ) എന്നിവരുടെ ക്യാരക്ടർ പോസ്റ്ററുകൾ പുറത്തു വീട്ടിരിക്കുകയാണ് അണിയറ പ്രവർത്തകർ.
ഫ്രൈഡേ ഫിലിം ഹൗസ്, കാവ്യാ ഫിലിം കമ്പനി എന്നീ ബാനറുകളിൽ വിജയ് ബാബു, വേണു കുന്നപ്പിള്ളി എന്നിവർ നിർമിക്കുന്ന ഈ ചിത്രം മിഥുൻ മാനുവൽ തോമസ് തിരക്കഥ രചിച്ച് സംവിധാനം ചെയ്യുന്നു.
ഇവർക്കൊപ്പം ഹോളിവുഡിൽ നിന്നുള്ള അലിയാ ഭൗം കാത്തെ ലാറ എന്ന സുപ്രധാനമായ കഥാപാത്രത്തേയും അവതരിപ്പിക്കുന്നു. മലമ്പുഴ, വാളയാർ, ചിറ്റൂർ എന്നിവിടങ്ങളിലും ഇടുക്കി, ഗോപിച്ചെട്ടിപ്പാളയം, തിരുച്ചെന്തൂർ എന്നിവിടങ്ങളിലുമായിട്ടാണ് ചിത്രീകരണം പൂർത്തിയായിരി ക്കുന്നത്.
അജു വർഗീസ്, ആൻസൺ പോൾ, രൺജി പണിക്കർ, നോബി, ഭഗത് മാനുവൽ, ഡോ. റോണി രാജ്, സുധി കോപ്പ, ചെമ്പിൽ അശോകൻ നെൽസൺ, ഉണ്ണിരാജൻ പി.ദേവ്, സ്രിന്ധ, ഹരികൃഷ്ണൻ, വിനീത് മോഹൻ എന്നിവരും പ്രധാന വേഷങ്ങളിലെത്തുന്നു.
സംഗീതം ഷാൻ റഹ്മാൻ, ഛായാഗ്രഹണം - അഖിൽ ജോർജ്, എഡിറ്റിംഗ്- ലിജോ പോൾ. കലാസംവിധാനം - അനീസ് നാടോടി, മേക്കപ്പ് - റോണക്സ് സേവ്യർ -കോസ്റ്റ്യും - ഡിസൈൻ-സ്റ്റെഫി സേവ്യർ -സ്റ്റിൽസ് - വിഷ്ണു എസ്. രാജൻ, പബ്ളിസിറ്റി ഡിസൈൻ - കൊളിൻസ്. എക്സിക്കുട്ടീവ് പ്രൊഡ്യൂസർ - വിനയ് ബാബു. പ്രൊഡക്ഷൻ എക്സിക്യൂട്ടീവ് - ഷിബു പന്തലക്കോട്, സെന്തിൽ പൂജപ്പുര, പ്രൊഡക്ഷൻ കൺട്രോളർ - ഷിബു ജി. സുശീലൻ. പിആർഒ-വാഴൂർ ജോസ്.