ഈ സിനിമ അതിഗംഭീരം. മലയാളികള്‍ കക്ഷിരാഷ്ട്രീയഭേദമന്യേ കാണേണ്ട സിനിമ - ഡീന്‍ കുര്യാക്കോസ് എം.പി
ഈ സിനിമ അതിഗംഭീരം. മലയാളികള്‍ കക്ഷിരാഷ്ട്രീയഭേദമന്യേ കാണേണ്ട സിനിമ - ഡീന്‍ കുര്യാക്കോസ് എം.പി
യുണൈറ്റഡ് കിങ്ഡം ഓഫ് കേരള (UKOK) സിനിമ കണ്ട് വികാരഭരിതനായി ഡീന്‍ കുര്യാക്കോസ് MP തന്റെ ഫേസ്ബുക്ക് പേജില്‍ കുറിച്ച വാക്കുകളാണ് ഇപ്പോള്‍ വൈറലാകുന്നത് . 'അധികം വൈകാതെ തന്നെ കേരളം ഒരു വൃദ്ധസദനമാകും' എന്ന് നമ്മള്‍ പരസ്പരം അടക്കം പറഞ്ഞിരുന്ന കാര്യം പൊതുമണ്ഡലത്തില്‍ സജീവ ചര്‍ച്ചയാക്കിയ സിനിമ. ഇതിനോടകം കഴിഞ്ഞ 10 വര്‍ഷത്തിനകം 46 ലക്ഷം ചെറുപ്പക്കാര്‍ വിദേശ രാജ്യങ്ങളില്‍ എത്തി എന്നത് എത്രയോ ഭീകരമായ കാര്യമാണെന്നും അദ്ദേഹം വ്യക്തമാക്കി. 'നിങ്ങള്‍ പോകുന്നിടത്ത് 50 വയസില്‍ കുറഞ്ഞ എത്ര പേര്‍ ഉണ്ട് എന്ന് ശ്രദ്ധിച്ചിട്ടുണ്ടോ'? എന്ന്
സിനിമയിലെ നായക കഥാപാത്രം മുഖ്യമന്ത്രിയോട് ചോദിക്കുന്നുണ്ട്. ഭരണാധികാരികളോടും, രാഷ്ട്രീയ പാര്‍ട്ടി നേതൃത്വത്തോടുമുള്ള ചോദ്യമാണത്. വര്‍ത്തമാന കാലഘട്ടത്തില്‍ രാഷ്ട്രീയ പാര്‍ട്ടി നേതൃത്വം ഇരുത്തി ചിന്തിക്കേണ്ട ഒരു പിടി വിഷയങ്ങള്‍ ഇക്കാര്യത്തിലുണ്ട്. കേരളത്തില്‍ തൊഴില്‍ സാധ്യതകള്‍ ഇല്ലാത്തതിനാല്‍ വിദേശ രാജ്യങ്ങളിലേക്കുള്ള യുവാക്കളുടെ ക്രമാധീതമായ ഒഴുക്ക്, ഇങ്ങനെ വിദേശ രാജ്യങ്ങളില്‍ എത്തിയവര്‍ അനുഭവിക്കുന്ന സമാനതകള്‍ ഇല്ലാത്ത പീഢനങ്ങള്‍, കേരളത്തില്‍ ഉള്ള അവസരങ്ങള്‍ പ്രയോജനപ്പെടുത്താന്‍ തുനിഞ്ഞിറങ്ങുന്ന ചെറുപ്പക്കാരുടെ ആത്മവിശ്വാസം തകര്‍ത്ത് ഇല്ലാതെയാക്കുന്ന കേരളത്തിന്റെ ഇന്നത്തെ പശ്ചാത്തലം, ഈ മൂന്നു കാര്യത്തിലും അടിയന്തിരമായ പരിഹാരം ആവശ്യമാണെന്നും അദ്ദേഹം പറഞ്ഞു. കേരളമൊന്നാകെ ഒരുമിച്ച് നിന്നുകൊണ്ട് ഇക്കാര്യത്തില്‍ പരിഹാരമുണ്ടാക്കാമെന്നും, താനടക്കമുള്ള ജനപ്രിതിനിധികളും രാഷ്ട്രീയ നേതൃത്വവും ഇക്കാര്യം തീര്‍ച്ചയായും ചര്‍ച്ച ചെയ്യേണ്ട കാര്യങ്ങളാണിതെന്നും അദ്ദേഹം കുറിച്ചു. കേരളത്തിന്റെ ഭാവിയെ സംബന്ധിച്ച ആശങ്ക മനോഹരമായ രീതിയില്‍ അവതരിപ്പിക്കുന്ന ചിത്രമാണ് 'യുണൈറ്റഡ് കിങ്ഡം ഓഫ് കേരള (UKOK)'. നായകവേഷം ചെയ്ത യുവനടന്‍ രഞ്ജിത്ത് സജീവ് പ്രത്യേക പ്രശംസ അര്‍ഹിക്കുന്നു. സിനിമയില്‍ ഒരു മുഖ്യ കഥാപാത്രത്തെ അവതരിപ്പിച്ച ജോണി ആന്റണി, നിര്‍മ്മാതാക്കളില്‍ ഒരാളായ അലക്‌സാണ്ടര്‍ മാത്യു , സംവിധായകന്‍ അരുണ്‍ വൈഗ എന്നിവരെ നേരില്‍ വിളിച്ച് അഭിനന്ദനങ്ങള്‍ അറിയിക്കുവാനും എം.പി മറന്നില്ല.
ഫ്രാഗ്രന്റ് നേച്ചര്‍ ഫിലിംസ്, പൂയപ്പള്ളി ഫിലിംസ് എന്നീ ബാനറുകളില്‍ ആന്‍, സജീവ്, അലക്‌സാണ്ടര്‍ മാത്യു എന്നിവര്‍ ചേര്‍ന്ന് നിര്‍മ്മിച്ച് അരുണ്‍ വൈഗ തിരക്കഥയെഴുതി സംവിധാനം ചെയ്ത 'യുണൈറ്റഡ് കിങ്ഡം ഓഫ് കേരള (UKOK)' എന്ന ചിത്രത്തിന്റെ ഛായാഗ്രഹണം സിനോജ് പി അയ്യപ്പന്‍ ആണ് നിര്‍വ്വഹിച്ചിരിക്കുന്നത്. നടന്‍ ശബരീഷ് വര്‍മ്മ എഴുതിയ മനോഹര വരികള്‍ക്ക് നേരം, പ്രേമം പോലുള്ള സൂപ്പര്‍ ഹിറ്റ് ചിത്രങ്ങള്‍ക്ക് സംഗീതം പകര്‍ന്ന രാജേഷ് മുരുകേശന്‍ ഈണം പകര്‍ന്നിരിക്കുന്നു. എഡിറ്റര്‍-അരുണ്‍ വൈഗ.ലൈന്‍ പ്രൊഡ്യൂസര്‍-ഹാരിസ് ദേശം,പ്രൊഡക്ഷന്‍ കണ്‍ട്രോളര്‍-റിനി ദിവാകര്‍,കല-സുനില്‍ കുമരന്‍,മേക്കപ്പ്-ഹസ്സന്‍ വണ്ടൂര്‍, വസ്ത്രാലങ്കാരം-മെല്‍വി ജെ,പ്രൊഡക്ഷന്‍ എക്‌സിക്യൂട്ടീവ്-വിനോഷ് കൈമള്‍, ചീഫ് അസോസിയേറ്റ് ഡയറക്ടര്‍- കിരണ്‍ റാഫേല്‍,സ്റ്റില്‍സ്-ബിജിത്ത് ധര്‍മ്മടം, ഡിസൈന്‍സ്-യെല്ലോ ടൂത്ത്‌സ്, അഡ്വര്‍ടൈസിംഗ് - ബ്രിങ് ഫോര്‍ത്ത്, മാര്‍ക്കറ്റിംഗ്- റമ്പൂട്ടാന്‍, വിതരണം-സെഞ്ച്വറി റിലീസ്,പി ആര്‍ ഒ-എ എസ് ദിനേശ്, അരുണ്‍ പൂക്കാടന്‍.