നിവിന്‍ പോളിക്ക് 'ബേബി ഗേള്‍' ന്റെ ജന്മദിനാശംസകള്‍
നിവിന്‍ പോളിയുടെ റിലീസാകാനി രിക്കുന്ന ചിത്രം'ബേബി ഗേള്‍ ' ന്റെ മോഷന്‍ പോസ്റ്റര്‍ പുറത്തിറങ്ങി;
മലയാളികള്‍ നെഞ്ചിലേറ്റിയ പ്രിയ താരം നിവിന്‍ പോളിയുടെ ജന്മദിനമായ ഇന്ന് ഒക്ടോബര്‍ 11ന് നിവിന്റെ തന്നെ ഏറ്റവും പുതിയ ചിത്രമായ ''ബേബി ഗേള്‍' ന്റെ മോഷന്‍ പോസ്റ്റര്‍ പുറത്തിറങ്ങി. നിവിന്‍ പോളിയുടെ ജനിച്ച ദിവസവും മാസവും സൂചിപ്പിക്കാനാണ് രാവിലെ11:10 എന്ന സമയം പോസ്റ്റര്‍ റിലീസിനായി തിരഞ്ഞെടുത്തത്.കൈകുഞ്ഞിനെ നെഞ്ചോട് ചേര്‍ത്തുപിടിച്ചു നില്‍ക്കുന്ന നിവിന്‍ പോളിയെയാണ് പോസ്റ്ററില്‍ കാണുന്നത്. അറ്റന്‍ഡന്റ് സനല്‍ മാത്യുവായിട്ടാണ് നിവിന്‍ പോളി ചിത്രത്തില്‍ എത്തുന്നത്. ഒരു ഗംഭീര ത്രില്ലറായി ഒരുക്കിയ ചിത്രം ഉടന്‍ തീയേറ്ററുകളില്‍ എത്തും.
മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫന്‍ നിര്‍മ്മിച്ച് നിവിന്‍ പോളി പ്രധാന വേഷത്തില്‍ എത്തുന്ന 'ബേബി ഗേള്‍ ' മാജിക് ഫ്രെയിംസിന്റെ തന്നെ മറ്റൊരു സൂപ്പര്‍ ഹിറ്റായി മാറിയ സുരേഷ് ഗോപി ചിത്രം ഗരുഡന്റെ സംവിധായകന്‍ അരുണ്‍ വര്‍മ്മയാണ് സംവിധാനം ചെയ്യുന്നത്. എക്കാലവും മലയാളി പ്രേക്ഷകര്‍ക്ക് സൂപ്പര്‍ഹിറ്റുകള്‍ മാത്രം സമ്മാനിച്ച ബോബി സഞ്ജയ് തിരക്കഥ ഒരുക്കുന്നു എന്ന പ്രത്യേകതയും ഈ ചിത്രത്തിനുണ്ട്. നായികയായി എത്തുന്നത് ലിജോ മോള്‍. നിവിന്‍ പോളിക്കൊപ്പം മറ്റൊരു പ്രധാന കഥാപാത്രത്തെ സംഗീത് പ്രതാപ് അവതരിപ്പിക്കുന്നു. 'ബേബി ഗേള്‍' എന്ന പേര് സൂചിപ്പിക്കുന്നതുപോലെ ഒരു ബേബി ഗേളിന്റെ കഥയാണ് ഈ ചിത്രം പറയുന്നത്. ജനിച്ച് ദിവസങ്ങള്‍ മാത്രം പ്രായമുള്ള ഒരു കുട്ടി പ്രധാന കഥാപാത്രം ആകുന്നു.
മാജിക് ഫ്രെയിംസുമായുള്ള നിവിന്‍ പോളിയുടെ രണ്ടാമത്തെ ചിത്രമാണ് 'ബേബി ഗേള്‍'. നിര്‍മ്മാതാവ് ലിസ്റ്റിന്‍ സ്റ്റീഫനെ സംബന്ധിച്ച് തന്റെ
ആദ്യ ചിത്രവും സൂപ്പര്‍ ഹിറ്റുമായ 'ട്രാഫിക് ' ന്റെ തിരക്കഥാകൃത്തുക്കള്‍ക്കൊപ്പം വീണ്ടും ഒരു ചിത്രം, ലിസ്റ്റിന്റെ തന്നെ സുരേഷ് ഗോപി നായകനായ സൂപ്പര്‍ ഹിറ്റ് ചിത്രം 'ഗരുഡന്‍ 'ന്റെ സംവിധായകന്‍ അരുണ്‍ വര്‍മ്മക്കൊപ്പംഃ വീണ്ടും ഒരു ചിത്രം എന്നീ പ്രത്യേകതകള്‍ കൂടി 'ബേബി ഗേള്‍ ' നുണ്ട്. മാജിക് ഫ്രെയിംസിനു വേണ്ടി ബോബി സഞ്ജയ് തിരക്കഥ ഒരുക്കുന്ന മൂന്നാമത്തെ ചിത്രമാണിത്. ഉ ട്രാഫിക്ക്, ഹൗ ഓള്‍ഡ് ആര്‍ യു എന്നിവയാണ് മുന്‍ ചിത്രങ്ങള്‍.
'ബേബി ഗേള്‍'ല്‍ മലയാളത്തിലെ തന്നെ ഇഷ്ട താരങ്ങളായ ലിജോമോള്‍, സംഗീത് പ്രതാപ്, അഭിമന്യു തിലകന്‍, അസീസ് നെടുമങ്ങാട്, അശ്വന്ത് ലാല്‍ എന്നിവരും പ്രധാന വേഷങ്ങളില്‍ എത്തുന്നു. ചിത്രത്തിന്റെ ഛായാഗ്രഹണം ഫയസ് സിദ്ദിഖ്. എഡിറ്റിംഗ് - ഷൈജിത്ത് കുമാരന്‍
സംഗീതം - ക്രിസ്റ്റി ജോബി. കോ-പ്രൊഡ്യൂസര്‍ - ജസ്റ്റിന്‍ സ്റ്റീഫന്‍. എക്‌സിക്യൂട്ടീവ് പ്രൊഡ്യൂസര്‍ നവീന്‍. പി. തോമസ്,സന്തോഷ് പന്തളം.
ലൈന്‍ പ്രൊഡ്യൂസര്‍ അഖില്‍ യശോധരന്‍. കലാസംവിധാനം - അനീസ് നാടോടി. കോസ്റ്റ്യും - മെല്‍വി. ജെ. മേക്കപ്പ് -റഷീദ് അഹമ്മദ്.
ചീഫ് അസ്സോസ്സിയേറ്റ് ഡയറക്ടര്‍ -സുകുദാമോദര്‍, നവനീത് ശ്രീധര്‍. അഡ്മിനിസ്ട്രേഷന്‍ ആന്റ് ഡിസ്ട്രിബ്യൂഷന്‍ ഹെഡ്- ബബിന്‍ ബാബു.
പി ആര്‍ ഓ- മഞ്ജു ഗോപിനാഥ്. സ്റ്റില്‍സ് -പ്രേംലാല്‍ പട്ടാഴി. ഡിസൈന്‍സ് -ഷുഗര്‍ കാന്‍ഡി. മാര്‍ക്കറ്റിംഗ് -ആഷിഫ് അലി സൗത്ത് ഫ്രെയിംസ് എന്റര്‍ടൈന്‍മെന്റ്. അഡ്വര്‍ടൈസിംഗ് കണ്‍സള്‍ട്ടന്റ് - ബ്രിങ്‌ഫോര്‍ത്ത്. തിരുവനന്തപുരത്തും കൊച്ചിയിലുമായി ചിത്രീകരണം പൂര്‍ത്തിയാക്കിയ ബേബി ഗേള്‍ ഉടന്‍ തീയേറ്ററുകളില്‍ എത്തും.