ഓപ്പറേഷന് സിന്ദൂറിനെ ആസ്പദമാക്കി സിനിമ നിർമിക്കാൻ ഒരുങ്ങി വിവേക് അഗ്നിഹോത്രി

ഓപ്പറേഷന് സിന്ദൂറിനെ ആസ്പദമാക്കി സിനിമ നിർമിക്കാൻ ഒരുങ്ങുകയാണ് വിവേക് അഗ്നിഹോത്രി. ‘ദി കശ്മീർ ഫയൽസ്’, ‘ദി വാക്സിൻ വാർ’, ‘ ദി ബംഗാൾ ഫയൽസ്’ തുടങ്ങി നിരവധി ചിത്രങ്ങളിലൂടെ ശ്രദ്ധേയനാണ് വിവേക് അഗ്നിഹോത്രി.യാഥാർത്ഥസംഭവങ്ങനെ ആസ്പദമാക്കിയുള്ള ചിത്രങ്ങളാണ് വിവേക് കൂടുതലായും നിർമിച്ചത്. ഇന്ത്യയുടെ തിരിച്ചടിയെ കുറിച്ച് വിവേക് സിനിമ നിർമ്മിക്കുമെന്ന അഭ്യൂഹങ്ങൾ വന്നിരുന്നു. വിവേക് അഗ്നിഹോത്രിയും ടി-സീരീസും ഒരു പ്രോജക്റ്റിൽ സഹകരിക്കുന്നു എന്നും റിപ്പോർട്ടുകൾ പുറത്തുവന്നിരുന്നു. ഇതിനു പിന്നാലെയാണ് അത് ഓപ്പറേഷൻ സിന്ദൂരിനെക്കുറിച്ചുള്ള സിനിമയാകാമെന്ന് ഊഹാപോഹങ്ങൾ പ്രചരിച്ചത്. ‘ ഞാൻ ഒരു പേരും വെളിപ്പെടുത്തുന്നില്ല. ഞാൻ ഒരു വലിയ ദേശീയ പ്രോജക്റ്റിലാണ് പ്രവർത്തിക്കുന്നത്, എന്റെ സമയത്ത് ഞാൻ അത് പ്രഖ്യാപിക്കും. ഇത് വളരെ വലുതാണ്, വളരെ രസകരമാണ്“ എന്നായിരുന്നു സിനിമയുമായി ബന്ധപ്പെട്ട അഭ്യൂഹങ്ങളോട് വിവേക് പ്രതികരിച്ചത്.