60 തികഞ്ഞ ചെറുപ്പക്കാരൻ സല്ലു ഭായ്

ഡിസംബർ 27-ന് സല്ലു ഭായിക്ക്  60 വയസ്സ് തികയുകയാണ്. പിറന്നാളിന് വെറും 3 ദിവസങ്ങൾ മാത്രം ബാക്കിനിൽക്കെ, തന്റെ പ്രായത്തെക്കുറിച്ചും  ഇപ്പോഴും  നിലനിർത്തുന്ന ശാരീരികക്ഷമതയെക്കുറിച്ചും ആരാധകരെ ഓർമ്മിപ്പിക്കുകയാണ് താരം. ഇൻസ്റ്റഗ്രാമിൽ പങ്കുവെച്ച ചിത്രങ്ങളിൽ, കറുത്ത വെസ്റ്റും, നീല ഷോർട്ട്‌സും ധരിച്ച് ജിമ്മിൽ നിൽക്കുന്ന സൽമാനെ കാണാം. തന്റെ കരുത്തുറ്റ കൈകളും കാലുകളും ആത്മവിശ്വാസത്തോടെ പ്രദർശിപ്പിക്കുന്ന അദ്ദേഹം, ക്ലീൻ ഷേവ് ലുക്കിൽ പ്രായത്തെ വെല്ലുന്ന ശരീരസൗന്ദര്യവുമായാണ് പ്രത്യക്ഷപ്പെട്ടത്.

ചിത്രങ്ങൾക്കൊപ്പം അദ്ദേഹം തമാശയായി ഇങ്ങനെ കുറിച്ചു: 'എനിക്ക് 60 വയസ്സാകുമ്പോൾ ഇതുപോലെ ഇരിക്കാൻ കഴിഞ്ഞിരുന്നെങ്കിൽ എന്ന് ഞാൻ ആശംസിക്കുന്നുഈ പോസ്റ്റിന് താഴെ പ്രശംസകളുടെ പ്രവാഹമായിരുന്നു. 'നീ ഇപ്പോഴും എപ്പോഴും ഇങ്ങനെ തന്നെയായിരിക്കും,' എന്ന് സംഗീത ബിജ്ലാനി കമന്റ് ചെയ്തപ്പോൾ, 'സർ, നിങ്ങൾക്ക് 45 വയസ്സിലും നല്ല ലുക്ക് ആണ്,' എന്ന് ഏക്ത കപൂർ കുറിച്ചു. വിന്ദു ദാരാ സിംഗ് 'ലുക്കിംഗ് ഗുഡ് ബ്രോ' എന്ന് കൂട്ടിച്ചേർത്തു.

ആരാധകരും ഒട്ടും പിന്നിലായിരുന്നില്ല. ഒരു ആരാധകൻ  ഈ മനുഷ്യനെ കണ്ടാൽ 60 വയസ്സായെന്ന് തോന്നുകയേ ഇല്ല എന്നാണ് പറഞ്ഞത്.സൽമാൻ തന്റെ ജന്മദിനം ആഘോഷിക്കുക മാത്രമല്ല, പ്രൊഫഷണൽ ജീവിതത്തിലും വലിയ മുന്നേറ്റങ്ങളിലേക്ക് കുതിക്കുകയാണ്. ഈ വർഷം 60 വയസ്സ് തികഞ്ഞ ആമിർ ഖാനെയും ഷാരൂഖ് ഖാനെയും പോലെ സൽമാനും വലിയ പ്രോജക്ടുകളുടെ ഭാഗമാണ്. 2020-ലെ ഇന്ത്യ-ചൈന അതിർത്തി സംഘർഷത്തെ ആസ്പദമാക്കി ഒരുക്കുന്ന 'ബാറ്റിൽ ഓഫ് ഗാൽവാൻ'എന്ന ചിത്രത്തിലാണ് അദ്ദേഹം അടുത്തതായി അഭിനയിക്കുന്നത്. അപൂർവ്വ ലാഖിയ സംവിധാനം ചെയ്യുന്ന ഈ ചിത്രം, സൽമാൻ ഖാൻ ഇതുവരെ ചെയ്തതിൽ വെച്ച് ഏറ്റവും കൂടുതൽ ശാരീരിക അധ്വാനം ആവശ്യമായ സിനിമകളിൽ ഒന്നായിരിക്കും എന്നാണ് റിപ്പോർട്ടുകൾ.