ആക്ഷനും ഇരുക്ക്, കാതലും ഇരുക്ക് 'കാത്തിരിപ്പിന് അറുതിയായി, ' തലൈവന്‍ തലൈവി ' യുടെ കിടിലന്‍ ട്രെയിലര്‍ എത്തി !.
ആക്ഷനും ഇരുക്ക്, കാതലും ഇരുക്ക് 'കാത്തിരിപ്പിന് അറുതിയായി, ' തലൈവന്‍ തലൈവി ' യുടെ കിടിലന്‍ ട്രെയിലര്‍ എത്തി !.;
വിജയ് സേതുപതി - ആകാശ വീരന്‍, നിത്യ മേനോന്‍ - പേരരശി മകിഴിനി എന്നീ ശക്തമായ കഥാപാത്രങ്ങളായി ജോഡി ചേരുന്ന ' തലൈവന്‍ തലൈവി ' യുടെ കിടിലന്‍ ട്രെയിലര്‍ പുറത്ത് വിട്ടു . ആക്ഷന്‍ , നര്‍മ്മം, പ്രണയം , ദാമ്പത്യത്തിലെ സങ്കീര്‍ണത , വൈകാരികത എന്നിങ്ങനെ പ്രമേയ ഉള്ളടക്കത്താല്‍ എല്ലാ തരം പ്രേക്ഷകരേയും ആകര്‍ഷിക്കുന്ന സിനിമയായിരിക്കും ഇതെന്ന് ട്രെയിലര്‍ വ്യക്തമാക്കുന്നുണ്ട്. അണിയറക്കാര്‍ നേരത്തെ പ്രഖ്യാപിച്ച പോലെ ആക്ഷന്‍ ലൗ പാക്ക്ഡ് ഫാമിലി ഡ്രാമയാണ് ' തലൈവന്‍ തലൈവി ' .
ഒട്ടനവധി നല്ല സിനിമകള്‍
നല്‍കിയിട്ടുള്ള , തമിഴ് സിനിമാ രംഗത്തെ ഏറ്റവും വലിയ നിര്‍മ്മാണ സ്ഥാപനമായ സത്യ ജ്യോതി ഫിലിംസിനു വേണ്ടി ജി. ത്യാഗരാജന്‍ അവതരിപ്പിക്കുന്ന ' തലൈവന്‍ തലൈവി ' യുടെ രചനയും സംവിധാനവും ഹിറ്റ് മേക്കര്‍ പാണ്ഡിരാജ് നിര്‍വഹിച്ചിരിക്കുന്നു. ചെമ്പന്‍ വിനോദ് ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നു .യോഗി ബാബു, ആര്‍ .കെ . സുരേഷ് , ശരവണന്‍ ,ദീപ ,ജാനകി സുരേഷ് , റോഷിണി ഹരിപ്രിയ , മൈനാ നന്ദിനി എന്നിവര്‍ മറ്റു കഥാപാത്രങ്ങളെ അവതരിപ്പിക്കുന്നു . സന്തോഷ് നാരായണനാണ് സംഗീതം . ചിത്രത്തിലെ ഗാനങ്ങള്‍ എല്ലാം തന്നെ ആരാധക പ്രീതി നേടി ട്രെന്‍ഡിങ്ങായി തുടരുന്നു എന്നത് ശ്രദ്ധേയമാണ്. ഛായാഗ്രഹണം എം സുകുമാര്‍ , ചിത്രസംയോജനം പ്രദീപ് ഈ രാഘവ് ,നൃത്ത സംവിധാനം ബാബു ഭാസ്‌കര്‍ ,സംഘട്ടന സംവിധാനം കലൈ കിങ്സണ്‍ എന്നിവരാണ് ചിത്രത്തിന്റെ അണിയറ സാങ്കേതിക വിദഗ്ദ്ധരില്‍ പ്രധാനികള്‍ . സെന്തില്‍ ത്യാഗരാജന്‍, അര്‍ജുന്‍ ത്യാഗരാജന്‍ എന്നിവരാണു നിര്‍മ്മാതാക്കള്‍. ജൂലൈ 25 ന് ലോകമെമ്പാടും റീലീസ് ചെയ്യുന്ന ' തലൈവന്‍ തലൈവി ' എച്ച് എം അസോസിയേറ്റ്‌സ്
കേരളത്തില്‍ റിലീസ് ചെയ്യും.
സി.കെ.അജയ് കുമാര്‍, പി ആര്‍ ഓ
https://youtu.be/nyURE5vmj2I?si=Hh11RFfpYV0Oz1sO