"ഏറ്റവും മികച്ച നടിയെന്ന് നസ്റിയ" തന്നെ ഉര്വശി .
ഏറ്റവും മികച്ച നടി ആരാണ് എന്ന് ചോദിച്ചാല് നസ്റിയയുടെ പേരായിരിക്കും ഉര്വശി പറയുന്നത്.
വളരെ കുറച്ച് സിനിമ കൊണ്ട് തന്നെ ആളുകളുടെ ഇഷ്ടം നേടിയെടുത്ത നടിയാണ് നസ്റിയ നസീം. വിവാഹ ശേഷം നസ്രിയ വല്ലപ്പോഴും ഒരു സിനിമ എന്ന രീതിയിലേക്കെത്തി . ഉർവശിക്ക് പകരം ഉർവശി മാത്രമേ ഉള്ളൂ ഇന്ന് സൗത്ത് ഇന്ത്യന് സിനിമ യില്. പതിമൂന്നാം വയസ്സില് നായികയായി തുടങ്ങിയ ഉര്വശിയുടെ സിനിമ ജീവിതം ഇന്നും ആരാധകരെ ത്രസിപ്പിക്കുന്നതാണ്. മോഹന്ലാല്, മമ്മൂട്ടി, രജിനികാന്ത്, കമല് ഹാസന് എന്നൊക്കെയുള്ള സൂപ്പര് സ്റ്റാറുകള്ക്കൊപ്പം ഒരു നടിയുടെ പേര് ചേര്ത്ത് വയ്ക്കാമെങ്കില് അത് ഉര്വശിയുടെ പേര് മാത്രമാണ്. നടിപ്പിന് രാക്ഷസി എന്നാണ് സാക്ഷാല് കമല് ഹാസന് ഉര്വശിയെ വിശേഷിപ്പിച്ചത്.
അമ്മ വേഷങ്ങളിലാണ് ഇന്ന് ഉര്വശി സജീവമെങ്കിലും, അവിടേയും തന്റേതായ വ്യക്തിമുദ്ര പതിപ്പിക്കാന് ഉർവശി എന്ന നടിക്ക് കഴിഞ്ഞിട്ടുണ്ട്. ഈ ഒരു ജനറേഷനിലെ ഒട്ടുമിക്ക നായികമാര്ക്കൊപ്പവും നായകന്മാര്ക്കൊപ്പവും ഉര്വശി അഭിനയിച്ചിട്ടുണ്ട്. എന്നാല് ഏറ്റവും മികച്ച നടി ആരാണ് എന്ന് ചോദിച്ചാല് നസ്റിയയുടെ പേരായിരിക്കും ഉര്വശി പറയുന്നത്.
ഏറ്റവും ഇഷ്ടമുള്ള നടന് ആരാണ് എന്ന് ചോദിച്ചപ്പോള് ഫഹദ് ഫാസിലിനെ തനിക്ക് വളരെയേറെ ഇഷ്ടമാണെന്ന് ഉര്വശി പറഞ്ഞു. ഇഷ്ടം എന്ന് പറഞ്ഞാല്, ഇതുവരെയുള്ള ഫഹദിന്റെ കരിയറിലെ കാരക്ടേഴ്സിന്റെ സെലക്ഷന്- അത് കാണുമ്പോള് നമുക്ക് മനസ്സിലാവും, ഫഹദ് ഒരിക്കലും ഹീറോയിസം കാണിക്കാന് വേണ്ടിയുള്ള റോളുകളല്ല തിരഞ്ഞെടുത്തിരിക്കുന്നത്. വിഗ്ഗ് ഒക്കെ വച്ച് തന്റെ കഷണ്ടി കവര് ചെയ്യുന്ന വേഷമൊന്നും ഫഹദ് എടുത്ത് കണ്ടിട്ടില്ല. തരുന്നത് ഏതായാലും അത് ഏറ്റവും മികച്ച രീതിയില് ചെയ്യുന്ന രീതിയാണ് ഫഹദിന്റേത്. അതുകൊണ്ട് എനിക്ക് ഫഹദിനെ വലിയ ഇഷ്ടമാണ്. സെന്റിമെന്റ്സ് രംഗങ്ങളെല്ലാം വളരെ നന്നായി ചെയ്യുന്നുണ്ട്. നന്നായി ശ്രമിച്ചാല് ഫഹദിന് വലിയൊരു കരിയറുണ്ട്. ബേസില് ജോസഫും അതുപോലൊരു മികച്ച നടനാണ്. അങ്ങനെ ഒരുപാട് പേരുണ്ട്.
നായികമാരിലും ഒരുപാട് നല്ല നായികമാര് ഈ ജനറേഷനിലുണ്ട്. മീര ജാസ്മിന്, നവ്യ നായര് എല്ലാം നല്ല പെര്ഫോമന്സ് ആയിരുന്നു. പക്ഷേ നസ്റിയ ഇവിടെ ഉണ്ടായിരുന്നുവെങ്കിൽ ഉഗ്രന് ആക്ടര് ആയിട്ട് നില്ക്കാന് പറ്റുമായിരുന്നു. ഒരുപോലെ മോഡേണും, നാടനും സ്മാര്ട്ട് ക്യാരക്ടേഴ്സും, സ്മാര്ട്ട് ഹീറോയിന് ആയിട്ട് നില്ക്കാന് പറ്റുമായിരുന്നു. ഓം ശാന്തി ഓശാന ആയാലും, ബാംഗ്ലൂര് ഡെയ്സ് ആയാലും ആ സിനിമകളില് നസ്റിയയെ കണ്ടിരിക്കാന് നമുക്ക് ഇഷ്ടമാണ്. അങ്ങനെയുള്ളൊരു ഭാഗ്യം ആ കുട്ടിക്ക് കിട്ടി. പക്ഷേ നസ്രിയ പെട്ടെന്ന് പോയതിൽ വിഷമം ഉണ്ടെന്നും ഉർവശി പറഞ്ഞു
Aleenamol Aji
Journalist