പ്രവചനാതീതമായ മുഖഭാവങ്ങള്; ഉര്വ്വശിയും ജോജു ജോര്ജ്ജും ഐശ്വര്യ ലക്ഷ്മിയും ഒന്നിക്കുന്ന 'ആശ'യുടെ സെക്കന്ഡ് ലുക്ക് പുറത്ത്
അങ്ങേയറ്റം സങ്കീര്ണ്ണവും പ്രവചനാതീതവുമായ കഥാപാത്രമായാണ് ചിത്രത്തില് ഉര്വശി എത്തുന്നത്. പുറത്തുവന്ന ഫസ്റ്റ് ലുക്ക് പോസ്റ്ററിലെ ഉര്വശിയുടെ തീക്ഷ്ണമായ നോട്ടം ഇതിനോടകം തന്നെ സോഷ്യല് മീഡിയ ഏറ്റെടുത്തുകഴിഞ്ഞു. ജോജു ജോര്ജും മുന്പെങ്ങും കാണാത്ത വിധത്തിലുള്ള വേറിട്ടൊരു ഗെറ്റപ്പിലാണ് ചിത്രത്തില് പ്രത്യക്ഷപ്പെടുന്നത്.;
മലയാളത്തിന്റെ പ്രിയപ്പെട്ട താരങ്ങളായ ഉര്വ്വശിയും ജോജു ജോര്ജ്ജും ആദ്യമായി ഒന്നിച്ചഭിനയിക്കുന്ന 'ആശ'യുടെ സെക്കന്ഡ് ലുക്ക് പുറത്ത്. പ്രവചനാതീതമായ മുഖഭാവങ്ങളുമായാണ് ഉര്വശിയേയും ജോജുവിനേയും പോസ്റ്ററില് അവതരിപ്പിച്ചിരിക്കുന്നത്. ഐശ്വര്യ ലക്ഷ്മി, വിജയരാഘവന് തുടങ്ങിയവരും ചിത്രത്തില് പ്രധാന വേഷങ്ങളിലുണ്ട്. കഥാപാത്രങ്ങളുടെ അവിസ്മരണീയമായ പ്രകടനങ്ങളായിരിക്കും പ്രേക്ഷകര്ക്ക് 'ആശ'യിലൂടെ അവതരിപ്പിക്കുന്നതെന്ന് പോസ്റ്റര് സൂചന നല്കുന്നുണ്ട്.
അങ്ങേയറ്റം സങ്കീര്ണ്ണവും പ്രവചനാതീതവുമായ കഥാപാത്രമായാണ് ചിത്രത്തില് ഉര്വശി എത്തുന്നത്. പുറത്തുവന്ന ഫസ്റ്റ് ലുക്ക് പോസ്റ്ററിലെ ഉര്വശിയുടെ തീക്ഷ്ണമായ നോട്ടം ഇതിനോടകം തന്നെ സോഷ്യല് മീഡിയ ഏറ്റെടുത്തുകഴിഞ്ഞു. ജോജു ജോര്ജും മുന്പെങ്ങും കാണാത്ത വിധത്തിലുള്ള വേറിട്ടൊരു ഗെറ്റപ്പിലാണ് ചിത്രത്തില് പ്രത്യക്ഷപ്പെടുന്നത്.
'പണി' ഫെയിം രമേഷ് ഗിരിജയും ചിത്രത്തിലുണ്ട്. അഞ്ച് ഭാഷകളിലാണ് ചിത്രം പുറത്തിറങ്ങുന്നത്. അജിത് വിനായക ഫിലിംസ് അവതരിപ്പിക്കുന്ന ചിത്രം വിനായക അജിത് ആണ് നിര്മ്മിക്കുന്നത്. പൊന്മാന്, ഗഗനചാരി, ബാന്ദ്ര, മദനോത്സവം, സര്ക്കീട്ട് തുടങ്ങിയ ശ്രദ്ധേയ സിനിമകള്ക്ക് ശേഷം അജിത് വിനായക ഫിലിംസിന്റേതായി എത്തുന്ന ചിത്രമാണ് 'ആശ'. സിനിമയുടെ ടൈറ്റില് ലുക്ക് പോസ്റ്ററും അടുത്തിടെ അണിയറപ്രവര്ത്തകര് പുറത്തിറക്കിയിരുന്നു. നടി ഉര്വ്വശിയുടെ വേറിട്ട വേഷപ്പകര്ച്ചയുമായി 'ആശ'യുടെ ഫസ്റ്റ് ലുക്ക് അടുത്തിടെ പുറത്തുവിട്ടിരുന്നത് ഏറെ ശ്രദ്ധ നേടിയിരുന്നു.
ചിത്രം കഥയെഴുതി സംവിധാനം ചെയ്യുന്നത് നവാഗതനായ സഫര് സനലാണ്. ജോജു ജോര്ജ്ജും രമേഷ് ഗിരിജയും സഫര് സനലും ചേര്ന്നാണ് തിരക്കഥ, സംഭാഷണം ഒരുക്കുന്നത്. ഛായാഗ്രഹണം: മധു നീലകണ്ഠന്, എഡിറ്റര്: ഷാന് മുഹമ്മദ്, സംഗീതം: മിഥുന് മുകുന്ദന്, സൗണ്ട് ഡിസൈന് ആന്ഡ് സിങ്ക് സൗണ്ട്: അജയന് അടാട്ട്, പ്രൊഡക്ഷന് ഡിസൈനര്: വിവേക് കളത്തില്, മേക്കപ്പ്: ഷമീര് ഷാം, കോസ്റ്റ്യൂം: സുജിത്ത് സി.എസ്, സ്റ്റണ്ട്: ദിനേഷ് സുബ്ബരായന്, പ്രൊഡക്ഷന് കണ്ട്രോളര്: ഷബീര് മാലവട്ടത്ത്, ചീഫ് അസോസിയേറ്റ്: രതീഷ് പിള്ള, അസ്സോസിയേറ്റ്സ്: ജിജോ ജോസ്, ഫെബിന് എം സണ്ണി, സ്റ്റില്സ്: അനൂപ് ചാക്കോ, ഡിസൈന്സ്: യെല്ലോടൂത്ത്സ്, പിആര്ഒ: ആതിര ദില്ജിത്ത്.