ബാലചന്ദ്രമേനോന്റെ അവാര്‍ഡുകള്‍ 'തെറിപ്പിച്ചത്' ആര്? ചര്‍ച്ചകള്‍ സജീവം
Actor-director Balachandra Menon's allegations;
സമാന്തരങ്ങള്‍ എന്ന ചിത്രത്തിന് ലഭിക്കേണ്ട പുരസ്‌കാരങ്ങള്‍ അട്ടിമറിച്ചെന്ന സംവിധായകനും നടനുമായ ബാലചന്ദ്രമേനോന്റെ വെളിപ്പെടുത്തല്‍ വലിയ ചര്‍ച്ചയാകുന്നു. 1997-ലെ ദേശീയ ചലച്ചിത്ര പുരസ്‌കാര നിര്‍ണയത്തില്‍ ക്രമക്കേട് നടന്നതായാണ് ബാലചന്ദ്രമേനോന്റെ ആരോപണം.
ചിത്രത്തിലെ അഭിനയത്തിന് മികച്ച നടനുള്ള പുരസ്‌കാരം ബാലചന്ദ്രമേനോന് ലഭിച്ചിരുന്നു. അതിനൊപ്പം സംവിധായകനും ചിത്രത്തിമുള്ള പുരസ്‌കാരം കൂടി കിട്ടേണ്ടതായിരുന്നു എന്നാണ് ബാലചന്ദ്രമേനോന് പറയുന്നത്. അവസാന നിമിഷമാണ് ചുണ്ടിനും കപ്പിനുമിടയില്‍ ആ പുരസ്‌കാരങ്ങള്‍ നഷ്ടമായത്.
സിനിമാ ജീവിതത്തിന്റെ 50-ാം വാര്‍ഷികം ആഘോഷിക്കുന്ന വേളയിലാണ് ബാലചന്ദ്രമേനോന്റെ വെളിപ്പെടുത്തല്‍. അന്നത്തെ ജൂറി അംഗത്തിന്റെ വീഡിയോയും അദ്ദേഹം മാധ്യമങ്ങള്‍ക്ക് മുന്നില്‍ പ്രദര്‍ശിപ്പിച്ചു.
കേരളത്തില്‍ നിന്നുള്ളവരാണ് പുരസ്‌കാരങ്ങള്‍ അട്ടിമറിച്ചതെന്നും ആരാണ് ഇടപെട്ടതെന്ന് അന്വേഷിച്ചിട്ടില്ലെന്നും അദ്ദേഹം പറഞ്ഞു.