പാതി മറഞ്ഞ മുഖം... തീഷ്ണമായ കണ്ണ് ...ജോജു ജോര്‍ജിന്റെ പുതിയ ലുക്ക്
കാട്ടുങ്കല്‍ പോളച്ചന്‍ എന്ന പോളിയുടെ ഒറ്റയാന്‍ പോരാട്ടം എന്നു തന്നെ വിശേഷിപ്പിക്കാവുന്ന ജോജുവിന്റെ അതിശക്തമായ കഥാപാത്രമാണ് കാട്ടുങ്കല്‍ പോളി എന്നു വിളിക്കപ്പെടുന്ന പോളച്ചന്റേത്.;
പാതി മറഞ്ഞ മുഖം. മുന്നില്‍ കുരിശ്...തീഷ്ണമായ കണ്ണ്.ജോജു ജോര്‍ജിന്റെ ഏറ്റവും പുതിയ ലുക്ക്... ജോജു ജോര്‍ജിനെ നായകനാക്കി ഷാജി കൈലാസ് സംവിധാനം ചെയ്യുന്ന വരവ് എന്ന ചിത്രത്തിന്റെ ഫസ്റ്റ് ലുക്കാണിത്.ജോജുവിന്റെ ജനമദിനമായ ഒക്ടോബര്‍ ഇരുപത്തിരണ്ടിന് ബര്‍ത്ത്‌ഡേ ഗിഫ്റ്റ് ആയിട്ടാണ് പുതുമയും, ആകാംക്ഷയും നല്‍കിക്കൊണ്ട് ഫസ്റ്റ് ലുക്ക് പുറത്തുവിട്ടിരിക്കുന്നത്. ഭാര്‍ഗ പ്രൊഡക്ഷന്‍സിന്റെ ബാനറില്‍ നൈസി റെജി ഈ ചിത്രം നിര്‍മ്മിക്കുന്നു. കോ പ്രൊഡ്യൂസര്‍ - ജോമി ജോസഫ് പുളിങ്കുന്ന്. നായക സങ്കല്‍പ്പങ്ങളെ അതിന്റെ പൂര്‍ണ്ണതോതില്‍ അവതരിപ്പിച്ച് കൈയ്യടി നേടിയ സംവിധായകനാണ് ഷാജി കൈലാസ്. വരവിലെ നായകനായ ജോജുവിനേയും നായക സങ്കല്‍പ്പങ്ങളിലെ പരിപൂര്‍ണ്ണതയിലെത്തിക്കാനുള്ള ശ്രമത്തിലാണ്.
കാട്ടുങ്കല്‍ പോളച്ചന്‍ എന്ന പോളിയുടെ ഒറ്റയാന്‍ പോരാട്ടം എന്നു തന്നെ വിശേഷിപ്പിക്കാവുന്ന ജോജുവിന്റെ അതിശക്തമായ കഥാപാത്രമാണ് കാട്ടുങ്കല്‍ പോളി എന്നു വിളിക്കപ്പെടുന്ന പോളച്ചന്റേത്. മനസ്സില്‍എരിയുന്ന കനല്‍ പോലെ പകയുടെ ബീജങ്ങളുമായി അരങ്ങുതകര്‍ക്കുക
യാണ് പോളി . പൂര്‍ണ്ണമായും ആക് ഷന്‍ ത്രില്ലര്‍ ജോണറിലാണ്. ഈ ചിത്രത്തിന്റെ അവതരണം. മധ്യതിരുവതാംകൂറിന്റെ സാമൂഹ്യ രാഷ്ട്രീയ, രംഗങ്ങളുടെ പശ്ചാത്തലത്തിലൂടെയാണ് ഈ ചിത്രത്തിന്റെ അവതരണം. ഇതിലെ കഥാപാത്രങ്ങളൊ ക്കെയും നമ്മുടെ സമൂഹത്തില്‍ നാം നിത്യവും, കാണുകയും ചെയ്യുന്നവരായതിനാല്‍ തികഞ്ഞ ഒറിജിനാലിറ്റിയും ഈ ചിത്രത്തിന് അവകാശപ്പെടാം. വ്യത്യസ്ഥരായ ആക്ഷന്‍ കോറിയോഗ്രാഫേഴ് സി നോടൊപ്പം അരഡസന്‍ മികച്ച ആക് ഷനുകളാണ് ഈ ചിത്രത്തിനു വേണ്ടി ഒരുക്കുന്നത്.
വന്‍ മുതല്‍മുടക്കില്‍ ഒരുക്കുന്ന ഈ ചിത്രത്തില്‍ മികച്ച അഭിനേതാക്കളുടെ വലിയൊരു നിരതന്നെ അണിനിരക്കുന്നു. ഹിറ്റ് ചിത്രങ്ങളുടെ ഒരു നിര തന്നെ സൃഷ്ടിച്ചിട്ടുള്ള ഏ.കെ. സാജനാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. മുരളി ഗോപി, അര്‍ജുന്‍ അശോകന്‍, വിന്‍സി അലോഷ്യസ്, ബാബുരാജ്,ബൈജു സന്തോഷ്, ദീപക് പറമ്പോള്‍, ബിജു പപ്പന്‍, സാനിയ ഇയ്യപ്പന്‍, ശ്രീജിത്ത് രവി അഭിമന്യു ഷമ്മി തിലകന്‍,, കോട്ടയം രമേഷ്, അസീസ് നെടുമങ്ങാട്, ബോബി കുര്യന്‍, അശ്വിന്‍ കുമാര്‍, ബാലാജി ശര്‍മ്മ, ചാലി പാലാ, രാധികാ രാധാകൃഷ്ണന്‍ എന്നിവരും പ്രധാന താരങ്ങളാണ്. ഇവര്‍ക്കൊപ്പം മുന്‍നായിക സുകന്യയും സുപ്രധാനമായ വേഷത്തില്‍ അഭിനയിക്കുന്നു. ഛായാഗ്രഹണം - എസ്. ശരവണന്‍. എഡിറ്റിംഗ്- ഷമീര്‍ മുഹമ്മദ് കലാസംവിധാനം സാബു റാം . മേക്കപ്പ് സജി കാട്ടാക്കട. കോസ്റ്റ്യും ഡിസൈന്‍- സമീരസനിഷ്. സ്റ്റില്‍സ് - ഹരി തിരുമല. ചീഫ് അസസിയേറ്റ് ഡയറക്ടര്‍-സ്യമന്തക് പ്രദീപ്. പ്രൊഡക്ഷന്‍ മാനേജേര്‍സ് - ശിവന്‍ പൂജപ്പുര, അനില്‍ അന്‍ഷാദ്, പ്രൊഡക്ഷന്‍ എക്‌സിക്കുട്ടീവ് പ്രതാപന്‍ കല്ലിയൂര്‍ പ്രൊഡക്ഷന്‍ കണ്‍ട്രോളര്‍ - വിനോദ് മംഗലത്ത്. മൂന്നാര്‍ മറയൂര്‍, കാന്തല്ലൂര്‍, തേനി, ഇടുക്കി, കോട്ടയം, പാലാ, മുണ്ടക്കയം എന്നിവിടങ്ങളിലായി ചിത്രീകരണം പൂര്‍ത്തിയാകും. പിആര്‍ഒ- വാഴൂര്‍ജോസ്.