കാട്ടുങ്കല്‍ പോളച്ചന്‍ എന്ന പോളിയായി ജോജു ജോര്‍ജ്
ഹെറേഞ്ചിന്റെ പശ്ചാത്തലത്തില്‍ നെഞ്ചുറപ്പുള്ള ഒരു ചെറുപ്പക്കാരന്റെ പോരാട്ടത്തിന്റെ കഥയാണ് പൂര്‍ണ്ണമായും ത്രില്ലര്‍ ആക്ഷന് രംഗങ്ങളിലൂടെ അവതരിപ്പിക്കുന്നത്.;
ഷാജി കൈലാസ് സംവിധാനം ചെയ്യുന്ന വരവ് എന്ന ചിത്രത്തില്‍ കേന്ദ്ര കഥാപാത്രമായ പോളി എന്നു വിളിക്കപ്പെടുന്ന കാട്ടുങ്കല്‍ പോളച്ചനെ അവതരിപ്പിക്കുന്ന ജോജു ജോര്‍ജ് അഭിനയിച്ചു തുടങ്ങി. സെപ്റ്റംബര്‍ ഒമ്പതിന് മൂന്നാറിലാണ് വരവ് ചിത്രീകരണമാരംഭിച്ചത്. ആശ എന്ന ചിത്രത്തില്‍ അഭിനയിച്ചു വന്ന ജോജു ജോര്‍ജ് ആ ചിത്രം പൂര്‍ത്തിയാക്കിയാക്കിക്കൊണ്ടാണ് പതിനെട്ടു മുതല്‍ വരവില്‍ അഭിനയിച്ചു തുടങ്ങിയത്.
ഓള്‍ഗാ പ്രൊഡക്ഷന്‍സിന്റെ ബാനറില്‍ നൈസി റെജി ഈ ചിത്രം നിര്‍മ്മിക്കുന്നു. കോ - പ്രൊഡ്യൂസര്‍ - ജോമി ജോസഫ്. ഹൈറേഞ്ചിന്റെ പശ്ചാത്തലത്തില്‍ നെഞ്ചുറപ്പുള്ള ഒരു ചെറുപ്പക്കാരന്റെ പോരാട്ടത്തിന്റെ കഥയാണ് പൂര്‍ണ്ണമായും ത്രില്ലര്‍ ആക്ഷന് രംഗങ്ങളിലൂടെ അവതരിപ്പിക്കുന്നത്. മധ്യ തിരുവതാം കൂറിന്റെ രാഷ്ട്രീയ സാമൂഹ്യ, രംഗങ്ങള്‍ക്കും ഈ ചിത്രത്തില്‍ ഏറെ പ്രാധാന്യം നല്‍കുന്നു. ഇതിലെ പല കഥാപാത്രങ്ങളും നമ്മള്‍ക്കു സുപരിചിതരാകാം. വലിയ മുടക്കുമുതലിലും വന്‍ താര പ്പൊലിമയിലുമാണ് ഈ ചിത്രത്തിന്റെ അവതരണം.
ആക്ഷന് ഏറെ പ്രാധാന്യമുള്ള ഈ ചിത്രത്തില്‍ മികച്ച എട്ട് ആക്ഷനുകളാണ് ഉള്‍ക്കൊള്ളിച്ചിരിക്കുന്നത്. മുരളി ഗോപി, അര്‍ജുന്‍ അശോകന്‍, വിന്‍സി അലോഷ്യസ്, ബാബുരാജ്,ബൈജു സന്തോഷ്, ദീപക് പറമ്പോള്‍, ബിജു പപ്പന്‍, സാനിയ ഇയ്യപ്പന്‍, ശ്രീജിത്ത് രവി അഭിമന്യു ഷമ്മി തിലകന്‍,, കോട്ടയം രമേഷ്, അസീസ് നെടുമങ്ങാട്, ബോബി കുര്യന്‍, അശ്വിന്‍ കുമാര്‍, ബാലാജി ശര്‍മ്മ, ചാലി പാലാ, രാധികാ രാധാകൃഷ്ണന്‍ എന്നിവരും പ്രധാന താരങ്ങളാണ്. ഇവര്‍ക്കൊപ്പം മുന്‍നായിക സുകന്യയും സുപ്രധാനമായ വേഷത്തില്‍ അഭിനയിക്കുന്നു. ഷാജി കൈലാസിന്റെ മികച്ച വിജയങ്ങള്‍ നേടിയ ചിന്താമണി കൊലക്കേസ്, റെഡ് ചില്ലീസ്.ദ്രോണ എന്നീ ചിത്രങ്ങള്‍ക്കു തിരക്കഥ ഒരുക്കിയ എ.കെ. സാജനാണ് ഈ ചിത്രത്തിന്റെ തിരക്കഥ രചിക്കുന്നത്. ഛായാഗ്രഹണം - എസ്. ശരവണന്‍. എഡിറ്റിംഗ്- ഷമീര്‍ മുഹമ്മദ് കലാസംവിധാനം സാബു റാം .
മേക്കപ്പ് സജി കാട്ടാക്കട. കോസ്റ്റ്യും ഡിസൈന്‍- സമീരസനിഷ്. സ്റ്റില്‍സ് - ഹരി തിരുമല. ചീഫ് അസസിയേറ്റ് ഡയറക്ടര്‍-സ്യമന്തക് പ്രദീപ്.
പ്രൊഡക്ഷന്‍ മാനേജേര്‍സ് - ശിവന്‍ പൂജപ്പുര, അനില്‍ അന്‍ഷാദ്, പ്രൊഡക്ഷന്‍ എക്‌സിക്കുട്ടീവ് പ്രതാപന്‍ കല്ലിയൂര്‍ പ്രൊഡക്ഷന്‍ കണ്‍ട്രോളര്‍ - വിനോദ് മംഗലത്ത്. മൂന്നാര്‍ മറയൂര്‍, കാന്തല്ലൂര്‍, തേനി, ഇടുക്കി, കോട്ടയം എന്നിവിടങ്ങളിലായി ചിത്രീകരണം പൂര്‍ത്തിയാകും. പിആര്‍ഒ- വാഴൂര്‍ജോസ്.
*******