കിച്ചു ടെല്ലാസും റോഷ്‌ന ആന്‍ റോയിയും വേര്‍പിരിഞ്ഞു
അവസാനിപ്പിച്ചത് അഞ്ചുവര്‍ഷത്തെ ദാമ്പത്യ ജീവിതം;
അഞ്ചുവര്‍ഷത്തെ ദാമ്പത്യ ജീവിതം അവസാനിപ്പിച്ച് നടന്‍ കിച്ചു ടെല്ലാസും നടി റോഷ്‌ന ആന്‍ റോയിയും. റോഷ്‌ന തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. ഒരുമിച്ചു ചെലവഴിച്ച അഞ്ച് മനോഹര വര്‍ഷങ്ങള്‍ക്കു ശേഷം, ഞങ്ങള്‍ സ്‌നേഹത്തോടും ബഹുമാനത്തോടും കൂടി വഴി പിരിയാന്‍ തീരുമാനിച്ചു. മനോഹരമായ ഓര്‍മകള്‍ക്ക് നന്ദി. ഞങ്ങളുടെ ജീവിതത്തില്‍ പുതിയ അധ്യായങ്ങള്‍ ആരംഭിക്കുന്നു... റോഷ്‌ന പറയുന്നു.
ഒരു ആമുഖ കുറിപ്പിനൊപ്പമായിരുന്നു റോഷ്‌ന ഔദ്യോഗികമായി വേര്‍പിരിയുന്ന വിവരം പങ്കുവച്ചത്. കുറിപ്പിലെ വരികള്‍ ഇങ്ങനെ:
ഇത് ഔദ്യോഗികമായിരിക്കുന്നു
ഒരുമിച്ച് ചിലവഴിച്ച 5 മനോഹര വര്‍ഷങ്ങള്‍ക്ക് ശേഷം, ഞങ്ങള്‍ സ്‌നേഹത്തോടും ബഹുമാനത്തോടും കൂടി വഴി പിരിയാന്‍ തീരുമാനിച്ചു. മനോഹരമായ ഓര്‍മകള്‍ക്ക് നന്ദി. ഞങ്ങളുടെ ജീവിതത്തില്‍ പുതിയ അധ്യായങ്ങള്‍ ആരംഭിക്കുമ്പോള്‍, നിങ്ങളുടെ പ്രാര്‍ഥനകളും സ്വകാര്യതയും ഞങ്ങള്‍ അഭ്യര്‍ത്ഥിക്കുന്നു.
അതെ, രക്തബന്ധമാണ് എല്ലാത്തിനെക്കാള്‍ വലുത്. അതുകൊണ്ടാണ് ഞാന്‍ മാറിനിന്ന്, നിങ്ങള്‍ക്കാവശ്യമുള്ള എല്ലാ ഇടവും നല്‍കിയത്. ഞാന്‍ സ്വതന്ത്രയാണ്, അവനും സ്വതന്ത്രനാണ്, എല്ലാവര്‍ക്കും സമാധാനം നേരുന്നു. ഞങ്ങള്‍ വളരെ അടുത്ത സുഹൃത്തുക്കളായിരുന്നു, പല രീതികളിലും ഞങ്ങള്‍ ഇപ്പോഴും അങ്ങനെയാണ്. സെപ്റ്റംബര്‍ 30 എന്റെ അച്ഛനെ നഷ്ടപ്പെട്ട ദിവസം, എന്റെ ജീവിതത്തിലെ ആദ്യത്തെ വേദന. ഇന്ന്, ഞാന്‍ മറ്റൊരു അവസാനത്തിന് സാക്ഷ്യം വഹിക്കുന്നു, മുന്നോട്ട് പോകുന്നു...നഷ്ടങ്ങളില്‍ നിന്ന് നഷ്ടങ്ങളിലേക്ക്, ഞാന്‍ ഉയര്‍ത്തെഴുന്നേല്‍ക്കാന്‍ തിരഞ്ഞെടുക്കുന്നു.
ഒമര്‍ ലുലു സംവിധാനം ചെയ്ത അടാര്‍ ലൊവിലൂടെ ശ്രദ്ധേയമായ നടിയാണ് റോഷ്‌ന. പാപം ചെയ്യാത്തവര്‍ കല്ലെറിയട്ടെ, സുല്‍, ധമാക്ക എന്നീ ചിത്രങ്ങളിലും റോഷ്‌ന അഭിനയിച്ചിട്ടുണ്ട്. അങ്കമാലി ഡയറീസ്, തണ്ണീര്‍ മത്തന്‍ ദിനങ്ങള്‍ എന്നീ ചിത്രങ്ങളിലൂടെ പ്രേക്ഷകരുടെ പ്രിയങ്കരനാണ് കിച്ചു. ടിനു പാപ്പച്ചന്‍ സംവിധാനം ചെയ്ത അജഗജാന്തരം എന്ന സിനിമയുടെ തിരക്കഥാകൃത്ത് കൂടിയായിരുന്നു കിച്ചു.